استانالىقتار العا شىقتى
وسى كۇندەرى قۇرلىقتىق حوككەي ليگاسىنداعى پلەي-وفف باسەكەلەرىنىڭ قارىمتا كەزدەسۋلەرى وتۋدە. العاشقى ەكى ويىندى ءوز الاڭىندا وتكىزگەن كوماندالار ەندى قارسىلاستارىمەن سىرت الاڭدا كۇش سىناسۋدا.
بۇعان دەيىن ماگنيتوگوردا وتكەن ەكى كەزدەسۋدە «بارىس» ءبىر رەت جەڭىلىپ, ەكىنشىسىندە جەڭگەن بولاتىن. استانانىڭ «بارىسى» ءوز الاڭىنداعى العاشقى ماتچىن 4 ناۋرىز كۇنى ءوزىنىڭ پلەي-وففتاعا قارسىلاسى ماگنيتوگوردىڭ «مەتاللۋرگىمەن» وتكىزدى. وسى كەزدەسۋدە الاڭ يەلەرى ماگنيتوگورسكىلىك كوماندانى 3:2 ەسەبىمەن ۇتتى.
وسى كۇندەرى قۇرلىقتىق حوككەي ليگاسىنداعى پلەي-وفف باسەكەلەرىنىڭ قارىمتا كەزدەسۋلەرى وتۋدە. العاشقى ەكى ويىندى ءوز الاڭىندا وتكىزگەن كوماندالار ەندى قارسىلاستارىمەن سىرت الاڭدا كۇش سىناسۋدا.
بۇعان دەيىن ماگنيتوگوردا وتكەن ەكى كەزدەسۋدە «بارىس» ءبىر رەت جەڭىلىپ, ەكىنشىسىندە جەڭگەن بولاتىن. استانانىڭ «بارىسى» ءوز الاڭىنداعى العاشقى ماتچىن 4 ناۋرىز كۇنى ءوزىنىڭ پلەي-وففتاعا قارسىلاسى ماگنيتوگوردىڭ «مەتاللۋرگىمەن» وتكىزدى. وسى كەزدەسۋدە الاڭ يەلەرى ماگنيتوگورسكىلىك كوماندانى 3:2 ەسەبىمەن ۇتتى.
استاناداعى العاشقى ماتچتى, ياعني قوس كوماندانىڭ اراسىنداعى ءۇشىنشى كەزدەسۋدى قازاقستان رەسپۋبليكاسىنىڭ پرەزيدەنتى – ۇلت كوشباسشىسى نۇرسۇلتان نازارباەۆ, پارلامەنت ءماجىلىسىنىڭ توراعاسى, «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين, قازاقستان رەسپۋبليكاسى شايبالى حوككەي فەدەراتسياسىنىڭ پرەزيدەنتى اسقار مامين جانە تاعى دا باسقا رەسمي ادامدار كەلىپ, تاماشالادى.
ءسويتىپ, استانالىقتار جالپى ەسەپتە 2:1 ەسەبىمەن العا شىقتى. وسىلايشا, پلەي-وفف باسەكەسىندە بۇعان دەيىنگى ءۇش جىل بويى بىردە-ءبىر جەڭىسكە جەتىپ كورمەگەن «بارىس» العاش رەت العا شىعىپ وتىر.
بۇل ماتچتا «بارىس» ماگنيتوگورسكىدە وتكەن ەكىنشى كەزدەسۋدەگى سياقتى جەڭىسكە جەتۋ ءۇشىن قولدان كەلگەننىڭ ءبارىن جاسادى. كەزدەسۋدە العاشقى بولىپ ەسەپتى قوناقتار اشتى. ءبىرىنشى شايبانى 6-شى مينوتتە ۆيتالي ەرەمەەۆ قاقپاسىنا «مەتاللۋرگتىڭ» فين لەگيونەرى يۋحاماتتي االتونەن توعىتسا, ارادا از ۋاقىت وتكەن سوڭ, ءبىزدىڭ لەگيونەر نايدجەل دوۋس ەسەپتى تەڭەستىردى. ودان كەيىن 34-ءشى مينوتتە اندرەي گاۆريلين ەسەپتى 2:1-گە جەتكىزسە, 50-ءشى مينوتتە ەندريۋ حاتچينسون ماگنيتكالىق كوماندانىڭ قاقپاسىنا ءۇشىنشى شايبانى سوقتى. ال ويىننىڭ سوڭعى نۇكتەسىن «مەتاللۋرگ» ويىنشىلارى قويدى. ماتچتىڭ 57-ءشى مينوتىندە سەرگەي موزياكين ەسەپتى قىسقارتتى.
كەشە كەشكىسىن قوس كوماندانىڭ اراسىنداعى ءتورتىنشى ماتچ ءوتتى. بۇل جولى قاي كوماندانىڭ باعى جاناتىنى بەلگىسىز. سوڭعى ءتورت ماۋسىمدا دا پلەي-وففقا شىققانىمەن, 11 رەت جەڭىلىستىڭ اششى ءدامىن تاتقان «بارىس» بيىلعى ماۋسىمدا نامىسقا تىرىسىپ, جانكۇيەرلەرىن جەرگە قاراتپاۋعا كۇش سالۋدا. ونىڭ ەكى رەت جەڭىسكە جەتكەنى سونىڭ ءبىر دالەلى.
ەندى «بارىس» وسى جەڭىستى جولىن جالعاستىرىپ, الدىنا پلەي-وففتىڭ كەلەسى اينالىمىنا شىقساق دەپ ماقسات قويىپ وتىر. ال «بارىستىڭ» بيىلعى پلەي-وفف باسەكەسىندەگى ەڭ تاماشا ويىنى كۇنى كەشە ماگنيتوگورسكىدە ءوتكەن ەكىنشى كەزدەسۋدە الاڭ يەلەرىن 4:1 ەسەبىمەن جەڭگەنى بولدى. بۇل ماتچتا كوپتەن بەرى شايبا سوعا الماي جۇرگەن تالعات جايلاۋوۆ تا كوزگە ءتۇستى. ول ايدىن ورتاسىندا شايبادان ايىرىلىپ قالعان «مەتاللۋرگ» ويىنشىلارىنىڭ قاتەلىگىن ۇتىمدى پايدالانا بىلگەن ەدى.
داستان كەنجالين.
