جيىندى اشقان ۋنيۆەرسيتەتىنىڭ وقۋ-تاربيە جۇمىستارى جونىندەگى پرورەكتورى باقىتحان ابدىكارىموۆ ەلباسى ماقالاسىنداعى تاراۋلار بويىنشا ءوز پايىمداۋلارىن تاراتتى.
قازاقستان تاريحى كافەدراسىنىڭ اعا وقىتۋشىسى, تاريح عىلىمدارىنىڭ كانديداتى ءازىلحان تاجەكەەۆ ەلباسىنىڭ « ۇلى دالانىڭ جەتى قىرى» اتتى ماقالاسى ەلىمىزدىڭ ۇلتتىق تاريحىن جازۋداعى جۇمىستاردىڭ جەمىسى ەكەندىگىن ايتتى.
- بۇل حالقىمىزدىڭ 7 قىرى – الدا جازىلاتىن تاريحتىڭ 7 ۇلكەن تاراۋى. سەبەبى, مۇندا كونە زاماندار, قولا داۋىرىندەگى مەتاللۋرگيا سالاسى, ساقتاردىڭ دالا كوشپەندىلەرىنىڭ اڭدىق ءستيلى, تۇركىلەردىڭ يمپەرياسى تۋرالى, ۇلى جىبەك جولى بويىنداعى قالالار تۋرالى ايتىلادى. بۇل ءبىزدىڭ بۇگىنگى تاريحتى قاراي وتىرىپ, كونە تاريحتان ساباق الۋ بولىپ تابىلادى. ەلباسى بۇل ماقالاسى ارقىلى قاي باعىتتا قالىپتاسۋ كەرەكتىگىن كورسەتىپ بەردى, -دەدى ول.
جيىندا ۋنيۆەرسيتەتتىڭ فيلوسوفيا جانە مادەنيەتتانۋ كافەدراسىنىڭ مەڭگەرۋشىسى, فيلوسوفيا عىلىمدارىنىڭ كانديداتى وڭعار بەرماحانوۆ «ارحيۆ-2025» باعدارلاماسىنا قاتىستى پىكىرىن ايتىپ, قولداۋ ءبىلدىردى.
ماقالانىڭ بەتاشارىندا ەلباسى بۇگىنگى كوپتەگەن مەملەكەتتەردىڭ ءوز جەرىندە بولعان وركەنيەت يگىلىكتەرىنىڭ يەسى ەكەندىگىن تاراتىپ ايتقان. ياعني, قازاق اتاۋىن كەيىنىرەك السا دا بۇگىنگى ۇلانعايىر دالامىزدا وتكەن وقيعالار حالقىمىزدىڭ ۋاقىت سارعاتقان پاراقتارى, ءوز تاريحى.
وسى جاعىن باسا ايتقان عالىمدار مەملەكەت باسشىسى كوتەرگەن ماسەلەلەردى ىسكە اسىرۋعا اتسالىساتىندىقتارىن ايتتى.
باقتيار تايجان,
«ەگەمەن قازاقستان»
قىزىلوردا وبلىسى
