ءىس-شاراعا تۇركى كينوسىن دۇنيەجۇزىنە تانىتۋ قاۋىمداستىعىنىڭ توراعاسى, تۇركىمەن كينورەجيسسەرى, ستسەناريست جانە وپەراتور, كسرو مەملەكەتتىك سىيلىعىنىڭ لاۋرەاتى, تۇركىمەن رەسپۋبليكاسىنىڭ حالىق ءارتىسى حودجاكۋلي نارليەۆ, تۇركى الەمى جۋرناليستەرى فەدەراتسياسىنىڭ پرەزيدەنتى مەندەرەس دەمير, «حابار» اگەنتتىگى اق «ەل ارنا» ارناسىنىڭ ديرەكتورى ارمان سەيتمامىت, «حابار» اگەنتتىگىنىڭ باس رەداكتورى ك ۇلىمحان حاسەنوۆا, تاجىكستان كينەماتوگرافيستەر وداعىنىڭ توراعاسى سافار حاكدودوۆ, كينورەجيسسەر جانە ستسەناريست الي حامراەۆ, رەجيسسەر, اكتەر, ستسەناريست, پروديۋسەر وكتاي مير-كاسيموۆ, شاكەن ايمانوۆ كينوفەستيۆالىنىڭ باس ديرەكتورى ەرمەك تۇرسىنوۆ جانە حالىقارالىق كينوفەستيۆالدەردىڭ وكىلدەرى قاتىستى. دوڭگەلەك ۇستەلدى پروديۋسەر, NETPAK مۇشەسى, الەمدىك تۇركى كينوسى قاۋىمداستىعىنىڭ اتقارۋشى كوميتەتىنىڭ مۇشەسى كانات تورەباي جۇرگىزدى.
كەزدەسۋدى شاكەن ايمانوۆ كينوفەستيۆالىنىڭ باس ديرەكتورى ەرمەك تۇرسىنوۆ اشىپ, جينالعان قوناقتاردىڭ جۇمىسىنا ساتتىلىك تىلەدى. ال تۇركى كينوسىن دۇنيەجۇزىنە تانىتۋ قاۋىمداستىعىنىڭ توراعاسى حودجاكۋلي نارليەۆ قازىرگى زامانداعى تۇركى ەلدەرىنىڭ كينەماتوگرافىنىڭ جاعدايى تۋرالى ءسوز قوزعاپ, ونى الەمگە تاراتۋ جولىندا قانداي قيىندىقتاردىڭ كەزدەسەتىنى تۋرالى ايتىپ كەتتى. تۇركى الەمى جۋرناليستەرى فەدەراتسياسىنىڭ پرەزيدەنتى مەندەرەس دەمير كينەماتوگرافيا سالاسىندا ىنتىماقتاستىقتى دامىتۋ ءۇشىن ەڭ باستى كەدەرگى ورتاق ءتىلدىڭ جوقتىعىنا توقتالدى.
سونىمەن بىرگە, «حابار اگەنتتىگى» اق «ەل ارنا» ارناسىنىڭ ديرەكتورى ارمان سەيتمامىت ورتالىق ازيا مەن تۇركى الەمى ەلدەرىنىڭ ەفيرگە شىعاتىن فيلمدەرىنىڭ جاعدايى مەن بولاشاعى تۋرالى اڭگىمەلەي وتىرىپ, قازاق تەلەارنالارى تۇركى ەلدەرىنىڭ كينوسىن كورسەتۋگە دايىن ەكەندىگىن جەتكىزدى.
ء«بىزدىڭ قاۋىمداستىق تۇركى الەمىنىڭ كينوسىن دۇنيەجۇزىنە تاراتۋ بويىنشا كوپ جۇمىس اتقارىپ وتىر. ءبىز ىنتىماقتاستىققا ارقاشان دايىنبىز جانە تۇركى كينوسىن الەمدىك دەڭگەيگە شىعارعىمىز كەلەدى. سوندىقتان دا ءبىز بۇگىنگى كەزدەسۋگە قازاق تەلەارناسىنىڭ قاتىسىپ وتىرعانىنا وتە قۋانىشتىمىز. ورتاق كەلىسىمگە كەلەمىز دەپ سەنەمىن», - دەدى حودجاكۋلي نارليەۆ.
«ەل ارنا» تەك قازاق كينوسىن كورسەتەدى, بىراق بيىلعى جىلدىڭ كۇزىنەن باستاپ ءبىز ورتالىق ازيانىڭ ۇزدىك كينولارىن كورسەتە باستادىق. تاجىكىستانمەن تەز كەلىسىمگە كەلدىك, قازىر ارنامىزدان ولاردىڭ كينوسىن كورسەتىپ جاتىرمىز. ەندى بىزگە باسقا دا تۇركى الەمى ەلدەرىمەن ىنتىماقتاستىق ورناتۋ قاجەت. ءبىز بىرىگىپ جۇمىس ىستەۋگە جانە تۇركى الەمى ەلدەرىنىڭ كينوسىن قازاق تەلەارناسىندا كورسەتۋگە دايىنبىز», - دەدى ارمان سەيتمامىت.
كەزدەسۋ سوڭىندا شاكەن ايمانوۆ كينوفەستيۆالى مەن حالىقارالىق كينوفەستيۆالدەردىڭ وكىلدەرى, ء«ۇمىت» تمد ەلدەرىندەگى جاستار كينو فورۋمى, «حالىقارالىق ازيا كينوفەستيۆالى», «ديدور» حالىقارالىق كينوفەستيۆالى, «حالىقارالىق قازان مۇسىلمان كينوفەستيۆالى» جانە «تۇركى ەلدەرىنىڭ دەرەكتى فيلمدەر فەستيۆالى» اراسىندا ىنتىماقتاستىق تۋرالى كەلىسىمگە قول قويىلدى.
ايگۇل احانبايقىزى,
الماتى
