قازاقستان قۇراماسى قايمىقپايدى
وسى دەمالىس كۇندەرى قازاقستان قۇراماسى ۇلكەن تەننيستەن دەۆيس كۋبوگى جولىنداعى كەزدەسۋلەرىن وتكىزەدى. قارسىلاستارىمىز مىقتى. دەۆيس كۋبوگىنىڭ يەگەرلەرى. بىلتىر قازاقستان قۇراماسى دا شيرەك فينالعا جەتكەن بولاتىن.
وسى اپتادان باستاپ تەننيسشىلەرىمىز وۆەدو قالاسىندا العاشقى جاتتىعۋلارىن وتكىزدى. ميحايل كۋكۋشكين, اندرەي گولۋبەۆ, ەۆگەني كورولەۆ جانە يۋري ششۋكين الدىنا بىلتىرعى جەتىستىكتەرىمىزدى قايتالاساق دەگەن ماقسات قويىپ وتىر.
وسى دەمالىس كۇندەرى قازاقستان قۇراماسى ۇلكەن تەننيستەن دەۆيس كۋبوگى جولىنداعى كەزدەسۋلەرىن وتكىزەدى. قارسىلاستارىمىز مىقتى. دەۆيس كۋبوگىنىڭ يەگەرلەرى. بىلتىر قازاقستان قۇراماسى دا شيرەك فينالعا جەتكەن بولاتىن.
وسى اپتادان باستاپ تەننيسشىلەرىمىز وۆەدو قالاسىندا العاشقى جاتتىعۋلارىن وتكىزدى. ميحايل كۋكۋشكين, اندرەي گولۋبەۆ, ەۆگەني كورولەۆ جانە يۋري ششۋكين الدىنا بىلتىرعى جەتىستىكتەرىمىزدى قايتالاساق دەگەن ماقسات قويىپ وتىر.
بۇل جولعى قارسىلاستارىمىز دەۆيس كۋبوگىنىڭ يەگەرلەرى بولعانىمەن, كوماندا ساپىندا الدەقايدا مىقتى سانالاتىن تەننيسشىلەر جوق. ماسەلەن, الەمنىڭ ەكىنشى راكەتكاسى رافاەل نادال لوندون وليمپياداسىنا بايلانىستى جارىستان باس تارتسا, داۆيد فەررەر سياقتى بەلدى تەننيسشىلەر دەمالۋدى ءجون ساناپتى.
سونىمەن, كورتقا يسپانيا اتىنان نيكولاس الماگرو, مارسەل گرانولەرس, حۋان كارلوس فەررەرو مەن فەرناندو لوپەس شىقپاق. بىراق وسى قۇرامنىڭ وزىمەن-اق يسپانداردىڭ ءبىراز جۇرتتى ساستىراتىنى انىق. سوندىقتان كورت قوجايىندارى – باستى فاۆوريت. بىراق ءۇمىتىمىز دە جوق ەمەس. «جەڭىس ءۇشىن ايقاسامىز», دەيدى تەننيسشىلەرىمىز دە.
اندرەي گولۋبەۆ: «ءنادالدىڭ بولعانى دۇرىس ەدى».
– ءوزىڭىز بىلەتىندەي, نادال مەن فەررەر بۇل باسەكەلەرگە قاتىسپايدى. بۇل بىزدەر ءۇشىن جاقسى مۇمكىندىك پە؟
– ءۇمىت ءار كەزدە دە بولادى. ءتىپتى نادال مەن فەررەر ويناسا دا. ال ەگەر ولار بولعاندا, ءتىپتى كەرەمەت بولار ەدى. دەگەنمەن, ولار مىقتى عوي. يسپانيانىڭ مىنا قۇراماسى دا قاراپ قالمايدى. گرۋنتتا ويناعاسىن, ولاردىڭ شەبەرلىگى ءبارىبىر سەزىلەدى. بىراق سوڭعى قۇراممەن ويناۋ ءبارىبىر وڭايىراق دەپ ەسەپتەيمىن.
– بەرليندەگى وقۋ-جاتتىعۋ قالاي ءوتتى؟
– ءبىر اپتا بويى جاتتىقتىق. كەرەمەت ءوتتى. ەندى يسپانيادا تاعى دا جاتتىعۋعا مۇمكىندىك بار. ماتچقا جاقسى دايىندىقپەن كەلەمىز دەپ ويلايمىن.
– بۇل كەزدەسۋگە بايلانىستى قانداي دا ءبىر بولجامىڭىز بار ما؟
– ەشقانداي بولجام ايتا المايمىن. ءبارى ويىندا بەلگىلى بولادى. تەننيسشىلەر بۇل ماتچقا قانداي دايىندىقپەن, كوڭىل-كۇيمەن كەلەدى, ءبارى سوعان بايلانىستى.
ەۆگەني كورولەۆ: «يسپانداردى جەڭۋگە بولادى».
– ءار ماتچ ءبىز ءۇشىن ماڭىزدى. الدىن الا دەۆيس كۋبوگىنا دايىندىق رەتىندە بەرليندە باس قوسىپ, جاتتىققان ەدىك. ءبارى ويداعىداي وتكەن سياقتى. ەندى جارىس وتەتىن كورتقا بويىمىزدى ۇيرەتۋ كەرەك. يسپانيا – ءسوزسىز مىقتى كوماندا.
مەن ءوز باسىم يسپان تەننيسشىلەرىمەن تالاي مارتە كەزدەستىم. جەڭگەنىم جەڭىلگەنىمنەن كوپ. ولار مىقتى ەكەن دەپ قاراپ قالۋعا بولمايدى. كەلگەننەن سوڭ, بار كۇشىمىزدى كورسەتۋىمىز كەرەك.
راۋان وقاس, ارنايى «ەگەمەن قازاقستان» ءۇشىن – وۆەدودان (يسپانيا).
