«Anti-Fraud» جەدەل-پروفيلاكتيكالىق شارالار شەڭبەرىندە پوليتسەيلەر كيبەرقىلمىسكەرلەردى دە ۇستادى. قىركۇيەك ايىنىڭ اياعىنا تامان قوستاناي قالاسىنىڭ تۇرعىنى ينتەرنەت-الاياقتاردىڭ قۇربانى بولعانى جونىندە پوليتسياعا حابارلاعان بولاتىن.
ايەلدىڭ ايتۋىنشا, «OLX» سايتىنىڭ دەلدالدىعىمەن پاتەر جالداعىسى كەلەدى. سايتتاعى حابارلاندىرۋدىڭ بىرىندە ارزان ءارى قولايلى پاتەردى ۇسىنادى. ساتۋشى ەر كىسىمەن حابارلاسىپ, ولار جالعا بەرۋدىڭ شارتىنا كەلىسەدى. ول بويىنشا زارداپ شەگۋشى ەر كىسىنىڭ تانىسىنىڭ اتىنا الدىن الا اقشا اۋدارۋى ءتيىس بولادى. زارداپ شەككەن ايەل وعان 56 500 تەڭگە سالعاننان كەيىن, ەر ادام قايتىپ بايلانىسقا شاقپايدى, تەلەفونىن ءوشىرىپ قويادى. الاياقتارعا الدانعانىن بىلگەن ايەل ەكى كۇننەن كەيىن پوليتسياعا حابارلايدى.
پوليتسيا وسى وقيعا وتكەن سوڭ ءبىر ايدان كەيىن ەكى كۇدىكتىنى ۇستادى. الاياقتار قوستانايدا باسقا دا ءبىر ايەلدەن پاتەردى جالعا بەرۋدى سىلتاۋراتىپ, 57 000 تەڭگە قاققان بولاتىن.
ءنازيرا جارىمبەت,
«ەگەمەن قازاقستان»
قوستاناي
