گەولوگ

قارشادايىنان ەڭبەككە ارالاسىپ, ءومىرىنىڭ ءمان-ماعىناسىن قىزمەت دەپ بىلەتىن ادام ۇيدە قاراپ وتىرا المايدى ەكەن. ساعىن ەرقاس­ ۇلىنىڭ زەينەتكەرلىككە شىققالى ەكى قولى الدىنا سىيمادى. ساعىن ەرقاس ۇلى سول جيىندى ءبىر ءسات ەسىنە الدى. زال تولى ءجاۋدىر كوز­دەردىڭ بۇرىنعى باسشىسىن زەينەت­كەر­لىككە قيماي وتىرعاندارى, قاراس­تارىنان-اق سەزىلىپ تۇردى. شىن كوڭىل­دەن شىققان ءاربىر ىس­تىق ىقىلاس, ىزگى نيەت ايتىلعان سا­يىن دۋ قول شاپالاق. كومپانيا­نى نارىق زامانىنا ساي باسقارعان ون جىل “ماڭعىستاۋمۇنايگاز” ءومىر­بايانى­نىڭ جارقىن بەتتەرىنىڭ ءبىرى بولىپ قالادى. كومپانيا دي­رەك­تورلار كەڭەسىنىڭ توراعاسى راشيت سارسەنوۆ: “...بۇل ون جىل كومپانيا ومىرىندەگى تەڭدەسى جوق التىن ون جىل..” – دەسە, ماسكەۋدەگى “سپە­تسيال­نوە ماشينو­ستروە­نيە ي مەتال­لۋرگيا” اق “گيدتو­رازرىۆ پلاستا” ديرەكتسياسىنىڭ ديرەكتورى ۆ.كوس­تەنكو “...ساعىن ەرقاس ۇلى, ءبىز ءسىزدى جۇمىس بابىندا كوپ مەزگىلگە دەيىن جوقتايتىن, اڭساپ ىزدەيتىن بولام­ىز...” – دەگەن. ءيا, ول جيىندا كوڭىلدى الابۇرتاتىن تالاي اسەرلى اڭگىمەلەر ايتىلعان-دى. ءبارى دە ورىندى ەدى. ماسەلەن, 1998 جىلى اكتسيونەر­لىك قوعامدا نەبارى 3 ميلليون 387 مىڭ توننا “قارا التىن” وندىرىلسە, بۇل كورسەتكىش 2002 جىلى 4 ميل­ليون 618 مىڭ تونناعا جەتتى. سوڭعى ءار جىل سايىن 5 ميلليون 700 مىڭ توننادان استام مۇناي ءوندىرىلىپ كەلەدى. مۇنايشىلار سوناۋ تاۋەلسىز­دىكتىڭ العاشقى جىلدارىنداعى داعدارىستان تۋعان اسا قيىن كەزەڭدى دە ءالى ۇمىتپاپتى. قاراپايىم مۇناي­شى ارداگەرلەردىڭ ءبىر توبى كەلىپ, الگى ءوزىن زەينەتكەرلىككە شى­عا­رىپ سالار جيىندا ساكەڭنىڭ قولىن قىسىپ تۇرىپ, سول داعدارىس كەزدەن كومپانيانى امان الىپ شىق­قانى ءۇشىن العىس ايتقاندارى دا ويعا ورالادى. شىنىندا دا كوم­پانيانى باسقارۋ ساعىن ەرقاس­ ۇلىنا وسى ءبىر ءولارا مەزگىلدە ۇلكەن سەنىممەن جۇك­تەل­گەن ەدى. ورتالىققا وتكىزىلگەن مۇنايدىڭ قارجىسى تولەنبەي, سونىڭ سال­دارى­نان جىل بويى ءتيىستى جالاقى­­لارىن الا الما­عان اكتسيونەر­لىك قوعام مۇنايشى­لارى شىدامدارى تاۋسىلعان سوڭ اقتاۋ قالاسىنداعى كومپانيانىڭ باس كەڭەسى الدىندا ەرەۋىلگە شىق­قان. ولار ءتيىستى ەڭبەك- اقىلارىن تولەۋدى تالاپ ەتتى. سول كەزدە باس ديرەكتور ساعىن ەرقاس­ ۇلى كابي­نەتى­نەن شىقپاي بۇگە­جەكتەپ وتى­رىپ قالعان جوق. حالىق­تىڭ تالاپ-تىلەگى ءوز اۋىزىنان شىعا­تىن سوزگە بايلانىستى ەكەنىن ۇعىندى دا, ولاردىڭ اراسىنا كىرىپ كەتتى, مۇڭ-مۇقتاجدارىن ءوز قۇلاعى­مەن تىڭدا­دى. قارجىنى تابۋعا جانە تەزىرەك جەتكىزۋگە ۇمتىلدى. جۇمىس قايتا جالعاستى. باس ديرەكتور بەرگەن ۋادە­سىندە تۇردى. جۇمىسشىلارعا بەرە­جاق ەڭبەكاقىلارىنان قۇتى­لىپ قانا قويماي, توقسان سايىن سىياقى تولەنەتىن دارەجەگە جەتكىز­گەن. جىل سايىن جالاقى 15-20 پايىزعا ءوسىرىلدى. ول ماڭعىستاۋ مۇنايىنىڭ تاري­حىن بەس ساۋساعىنداي بىلەتىن, ءارى وعان ەلەۋلى ەڭبەك ەتكەن ادام­دار­دىڭ ءبىرى. ونىڭ ەسەيۋ كەزەڭى – ماڭعىستاۋ ولكەسىنىڭ دۇبىرگە تولىپ, تۇبەكتىڭ قوينىنا تىعۋلى قازى­ناسىن كوز ىلمەي ىزدەۋشىلەر لەگىمەن تۇسپا-تۇس كەلدى. ناپاقاسىن تەڭىز­دەن تاۋىپ كۇنەلتىپ وتىرعان وتبا­سىندا, تەڭىز جاعاسىنداعى قارا­ماندى اتتى شاعىن اۋىلدا دۇنيەگە كەلگەن ساعىن ىلكى ەڭبەك جولىن بارلاۋ الاڭىندا موتورشىدان باس­تا­دى. ونەگەلى ءومىر جولىنان ءوتتى, ولكەدەگى ەڭ ۇلكەن كومپانياعا باس ديرەكتور بولدى. بۇگىندەرى سوناۋ ءبىر ساعىم جىل­دار­داعى العاشقى قادام ءالى ەسىندە. ينستيتۋتتى بىتىرگەن سوڭ بۇرىن ءوزى ەڭبەك جولىن باستاعان “ماڭعىش­لاق­­مۇناي­گازبارلاۋ” ترەسى, قاراقيا مۇناي بارلاۋ ەكسپەديتسيا­سىنىڭ دوڭا ۋچاسكە­سىنە ساز ەرتىن­دىلەرىن دايىن­دايتىن زەرتحاناشى-كوللەك­تور بولىپ ورنالاستى. ودان كەيىن گەولو­گيا ءبولىمى باستىعىنىڭ ورىن­باسار­­لىعىنا دەيىن كوتەرىلىپ, ەداۋىر وندىرىستىك تاجىريبە جيناپ قالعان جاس جىگىتتى “ماڭع­ىش­لاق­مۇنايدىڭ” باس ديرەكتورى ۆ.تيمو­نين جۇمىسقا شاقىرتتى. ويتكەنى, دوڭعا الاڭى ترەستەن وندىرىستىك ءبىر­لەستىكتىڭ قارا­­­ما­عى­­نا وتكەن ەدى. ال دوڭعا­نىڭ بارلاۋ-بۇرعىلاۋ جۇمىس­تارى­نىڭ جاي-كۇيىن جاقسى بىلەتىن ءبىر ادام بولسا ول ساعىن ەرقاس ۇلى قىرىم­­قۇلوۆ ەدى. ءسويتىپ, ساكەڭ “ماڭ­عى­شلاق­مۇناي” وندىرىستىك بىرلەستىگى­نە اعا گەولوگ بولىپ كەلىپ وسىندا تۇراقتاپ قالدى. ساعىن ەرقاس ۇلىنىڭ ومىرىنە ۇلكەن وزگەرىستەر اكەلىپ, شىن ءما­نىن­­دەگى تاماشا گەولوگ ەكەنىن تانىت­قان كەزى ويماشا كەن ورنىن دۇنيەگە اكەلگەنى بولاتىن. ويما­شا­دان اتىلعان مۇناي بۇرقاعى جاس گەولوگ ساعىن ەسىمىن بۇكىل ولكەگە جايدى. ول وقيعا قالاي بولىپ ەدى ءوزى... جاڭادان الىنعان گەوفيزيكا­لىق دەرەكتەر بويىنشا ويماشا الاڭىنداعى بۇرعىلاۋ جۇمىستارى پەرموترياس قاباتتارىن زەرتتەۋ ءۇشىن جالعاستىرىلعان. بۇرىن بۇل الاڭدا 1963-1967 جىلدارى ارالى­عىندا قاراقيا مۇناي-گاز بارلاۋ ەكسپەديتسياسى يۋرا قاباتتارىنا بۇرعىلاۋ جۇمىستارىن جۇرگىزگەن. بىراق ەش ناتيجە بەرمەگەن سوڭ تاس­تاپ كەتكەن بولاتىن. سول ۋاقىت­تاعى بولجامدار بويىنشا پەرموترياس قاباتتارى پەرسپەكتيۆاسىز قاباتتار بولىپ ەسەپتەلىنەتىن دە, بۇل قابات­تاردى بارلاۋعا باسا نازار اۋدارىل­مايتىن. بىراق سوعان قاراماستان, 1972 جىلى وڭتۇستىك جەتىباي الاڭىنداعى № 25 ۇڭعىنىڭ 3506-3567 مەتر تەرەڭدىكتەگى پەرموترياس قاباتتارىنا سىناق جۇمىستارىن جۇرگىزۋ كەزىندە گازكوندەنساتتىڭ بۇرقاعى الىنعان بولاتىن. بۇل ناتيجە پەرموترياس قاباتتارىنىڭ پەرسپەكتيۆاسىنا دەگەن گەولوگ­تاردىڭ ۇلكەن ءۇمىتىن ارتتىرعان ەدى. سونداي-اق, ويماشا الاڭىنداعى بارلاۋ جۇمىستارىن ودان ءارى جال­عاس­تىرۋ ناتيجەسىندە № 9 بۇرعى­داعى پەرموترياس قاباتتارىنا سىناق جۇمىستارىن جۇرگىزۋ كەزىندە مۇناي بەلگىلەرى الىنعان-دى. مىنە, وسىن­داي ناتيجەلەر ويماشا الاڭىن­دا بۇر­عى­لاۋ جۇمىستارىن كەڭ كولەمدە جۇرگىزۋگە ىقپال ەتتى. وسى جۇمىسقا گەولوگ ساعىن ەرقاس­ ۇلى باتىل تۇردە كىرىسىپ كەتكەن. ساكەڭنىڭ ءالى ەسىندە, 1982 جىلى وسىنداعى № 12 بۇرعى­نىڭ پالەوزوي گرانيتتەرىندە سىناق جۇمىستارى ءجۇر­گىزىلگەن. بىراق سى­ناق­تىڭ العاش­قى ناتيجەلەرى كوڭىل تولارلىقتاي بولمادى. سوندا دا الىن­عان وڭدەۋ­سىز مۇناي ءونىمىن قايت­كەن كۇندە دە ارتتىرۋدى ماقسات تۇتتى. ول نەگىز­سىز دە ەمەس ەدى. ول ءۇشىن زابوي­دا كۇر­دەلى وڭدەۋ كەشەنى ءادىسىن قول­دانۋ كەرەك بولاتىن. بۇل ءادىس رەسەي­دەگى “ستاۆروپولنەفتە­گاز” ءون­دىرىس­تىك بىرلەستىگىنىڭ كەن ورىن­دارىن­دا قولدانىلادى ەكەن. وسى­نىڭ الدىندا عانا “ماڭعىش­لاق­مۇناي” وندىرىستىك بىرلەستىگى بۇر­عى­­لاۋ ءبولىمىنىڭ باس تەحنولوگى ن.لەۆ­چەن­كو مەن ساعىن ەرقاس ۇلى ستاۆرو­پول ولكەسىنە ىسساپارعا با­رىپ الگى ءادىس­پەن تانىسىپ قايت­قان. كەلگەن سوڭ باس ديرەكتور ۆ.تي­­مو­نينگە بايان­داپ, ول ءادىستى ءوزى­­مىز­دىڭ كەن ورىن­دارىنا دا قولدانۋعا بو­لا­­تى­نىن دالەلدەپ, ونى ويماشا­دان باستاۋعا رۇقساتىن العان بولاتىن. ساعىن ەرقاس ۇلى ءسويتىپ, دەرەۋ ىسكە كىرىسىپ كەتتى. بۇل جۇمىستى جۇرگىزەتىن “ماڭعىشلاقنەفتەحيم­پروم” كاسىپورنى ەدى. كوپ كىدىرمەي الگى كاسىپورىننىڭ باس ينجەنەرى ل. قيىنوۆ بارلىق تەحنيكالارىن الىپ, №12 ۇڭعىنىڭ باسىنا كەلگەن. باستى ماقسات – ۇڭعىنىڭ وڭدەۋسىز ءونىمىن ارتتىرۋ ەدى. ويماشا جەتى­باي مۇناي-گاز ءوندىرۋ باسقارماسىنا قارايتىن. جۇمىستى ەندى باستاعالى جاتقاندا, باسقارما باستىعى د.گوريۋنوۆ پەن باس گەولوگ ك.ساۆين كەلىپ: “سىزدەر قولدانباق بۇل تەحنو­لوگيا ءبارىبىر ۇلكەن ناتيجە بەر­مەيدى. ايتىپ جۇرگەندەرىڭىز بوس ءسوز. بۇل الاڭ ءبىزدىڭ باسقارماعا قارايدى. رۇقسات جوق. كەتىڭىزدەر!”-دەدى. باسقارما باستىعى, ياعني, الاڭ يەسى ايتىپ تۇرعان سوڭ ءلاززات كەتە­باي ۇلى سوزگە كەلمەستەن قاراۋىن­داعىلارعا تەحنيكالاردى قايتارۋعا بۇيرىق بەردى. ساعىن ەرقاس ۇلى اڭتارى­لىپ قالدى. نە ىستەۋ كەرەك؟ كوپتەن بەرگى ارمانى ەندى بولماسا قولدان شىعىپ كەتكەلى تۇر. كەنەت باسىنا ءبىر وي ساپ ەتە تۇسكەن... – ءلاززات ءىنىم ءسال كىدىرە تۇرشى! – دەپ ول راتسيا تۇرعان بولمەگە جۇگىردى. كەلە راتسيا قۇلاعىندا وتىرعان جىگىتكە: ­– ماعان باس ديرەكتوردى تەز قوسىڭىز – دەدى. – كەشىرىڭىز, ۆيتالي يوسي­فوۆيچ –دەدى ول اپتىعىپ قاپەلىمدە اۋزىنا سوزدە تۇسپەي. – جەتىباي باسشىلارى №12 ۇڭعىعا كەشەندى وڭدەۋ جۇرگىزۋگە رۇقسات ەتپەۋدە. “ماڭعىشلاقحيمنەفتەپروم” جىگىت­تەرى رۇقسات ەتپەگەن سوڭ تەحنيكا­لارىن الىپ كەتكەلى جاتىر. بۇل قالايدا ىستەلۋى ءتيىس جۇمىس قوي, ناتيجە بەرەتىنىنە سەنىم مول... ءسوزدىڭ اۋجايىن تۇسىنگەن باس ديرەكتور گەولوگتىڭ ءسوزىن اياقتات­پاي-اق: ء“تۇسىندىم. جۇمىستى جال­عاس­تىرا بەرىڭدەر. ءوز جاۋاپكەرشى­لى­گىڭە العان ەكەنسىڭ, ساتتىلىك تىلەي­مىن. ال جەتىبايلىقتارعا ءوزىم ايتارمىن”, – دەدى. قۋانعاننان ساعىننىڭ جۇرەگى جارىلىپ كەتە جازدادى. تەكەتىرەستە جەڭىس ءوز جاعىنا شىقتى. – ءلاززات! تەحنيكالارىڭدى جيناما, ىسكە كىرىس, تەزىرەك بىتىرەلىك, باس ديرەكتور رۇقسات ەتتى, – ساعىن­نىڭ راتسيا بولمەسىنەن شىعا بوركىن قولىنا الىپ جۇگىرىپ كەلە جاتىپ ايتقانى وسى بولعان. موتور جىبەرىلگەن سوڭ ۇڭعى جاي­لاپ جۇمىس ىستەي باستادى. كەنەت ۇڭعى ىسقىرىپ كەتتى. ارا­سىندا ءۇزىلىس جوق. ءبىر كەزدە الگى ىسقىرىق مۇناي بۇرقاعىنا اينا­لىپ شىعا كەلدى. كادىمگى ءتۇسى سارى مۇناي. اتقىلاپ جاتىر. اركىممەن ءبىر الىسىپ-ج ۇلىسىپ جۇرگەندەگى بار ماقسات وسى جەر استى بايلىعىن جەر ۇستىنە شىعارىپ حالىق يگىلىگىنە اينالدىرۋ ءۇشىن ارەكەت ەتۋ عوي. ساعىن ەرقاس ۇلىنىڭ توككەن ماڭ­داي تەرى دالاعا كەتپەدى. مىنە, مۇناي بۇرقاعى بولىپ اتتى. قۋانىش­تا شەك جوق. مۇنايشىلار ۋىستارىنا مۇناي تولتىرىپ الىپ بەتتەرىن جۋدى. ءاپ-ساتتە ءبارىنىڭ دە جۇزدەرى قاپ-قارا قاراماي بولىپ شىعا كەلگەن. مۇناي تابيعاتى دا قىزىق, اۋەلى جەر استىنان ساپ-سارى تۇسپەن شىعادى دا كەيىن ءاپ-ساتتە قارا تۇسكە اينالادى. ۇڭعى بىرتە-بىرتە بىرقالىپتى جۇمىسىنا كوشتى. ولشەگەندە جوباسى تاۋلىگىنە 250-300 تونناداي مۇناي بەرەتىن مۇناي بۇرقاعى وسىلاي دۇنيەگە كەلگەن. تۇنىمەن الگى №12-ءشى ۇڭعىنىڭ باسىندا بولعان ساعىن ەرقاس ۇلى تاڭەرتەڭ باس ديرەكتور ۆ.تيمونين­گە تەلەفون سوعىپ, كەشەگى داۋلى ۇڭعىدان مۇناي بۇرقاعى الىنعانىن بايانداعان. باس ديرەكتوردىڭ دا قۋانىشىندا شەك بولمادى. سول بوي­دا بۇرقاق الىنعان ۇڭعىنىڭ باسى­نا كەلىپ, ءتيىستى ادامدارعا قۇ­بىر تارتۋعا تاپسىرما, ال ساعىن ەر­قا­س ۇلى باستاعان جۇمىسشىلارعا ءبىر ايلىق سىيلىق بەرۋگە بۇيرىق بەرگەن. وسى وقيعادان كەيىن كوپ ۇزاماي, ءبىر كۇنى بىرلەستىك گەولوگيا ءبولى­مىنىڭ باستىعى يبراگيم مۇراتوۆ ساكەڭە تەلەفون سوعىپ: – ءسىز بۇگىن وبكومنىڭ ءبىرىنشى حاتشىسى سالامات مۇقاش ۇلىنىڭ قابىلداۋىنا بارۋىڭىز كەرەك –دەدى. – نە ءۇشىن؟ – ويماشادان مۇناي بۇر­قا­عى­نىڭ قالاي الىنعانىن تۇسىندىرەسىز. – نەگە مەن, ءبولىم باستىعى ءوزىڭىز تۇسىندىرمەيسىز بە. بارلىق قۇجات قولىڭىزدا عوي؟ – ءبىرىنشى حاتشىعا ءسىز قاجەت ەكەنسىز. ساعات ۇشتە, كەشىكپەڭىز! ساعىن ەرقاس ۇلى گەولوگيالىق كارتالارىن, كەرندەردى, مۇناي ۇلگىلەرىن الىپ وبلىستىق پارتيا كومي­تەتىنە باردى. بۇل ونىڭ وبلىس باسشىسى الدىنا العاش كەلۋى ەدى. سالامات مۇقاش ۇلى بايسالدى دا بايىپتى, قاراپايىم كىسى ەكەن. ساعىندى جىلى شىرايمەن قارسى الىپ: “ويماشاداعى مۇناي بۇر­قا­عىنىڭ جايىن باسى-قاسىندا بولعان ادامنىڭ ءوز اۋزىنان ەستيىن دەپ ەدىم, ايتىپ بەرشى”, – دەدى, تىڭ­داۋ­عا ىقىلاس تانىتىپ. سوندا ساعىن ەرقاس ۇلى اشىلعان بۇل كەن كوزىنىڭ ءبىر ەرەكشەلىگى – مۇناي ەلىمىزدە ال­عاش رەت پالەوزوي گرانيتتى قابات­تارى­نان الىنىپ وتىرعاندىعىن, ناق­تى ايتقاندا جاڭا مۇناي-گاز كەشەنى ەكەندىگىن, مۇنداي كەن ورىن­دارى سيرەك كەزدەسەتىنىن كەلىستىرىپ بايانداعان. وسىدان كەيىن كوپ ۇزاماي ساعىن ەرقاس ۇلى ماڭعىستاۋ مۇناي بارلاۋ-بۇرعىلاۋ باسقارماسى پارتيا كوميتەتىنىڭ حاتشىسى بولىپ سايلاندى. بۇل جۇمىستا ول جەرگى­لىكتى ۇلت كادرلارىن ۇيرەتۋگە, ورتا بۋىن, باسشىلىق جۇمىستارعا تاعايىنداۋعا ىقپال جاساپ وتىردى. سونىڭ ناتيجەسىندە ينستيتۋت قابىرعاسىنان كەلگەن جاس ماماندار جۇما قوجانوۆ, توقاباەۆ, ازات قۋانوۆ, ت.ب. باسشىلىق جۇمىستارعا تارتىلدى. ارينە, پارتيا جەتەكشىسى­نىڭ مۇنداي ساياساتى كەيبىر ادام­دارعا ۇنامادى. ولار بۇل وزگەرىس­تەردى وزدەرىنشە تەرىس پايىمداپ, پارتيا­نىڭ ورتالىق كوميتەتىنە دەيىن ارىزدانعان. ال جوعارى جاقتان كەلگەن تەكسەرۋلەر ساعىن ەرقاس ۇلى­نىڭ العان شەشىمدەرىنىڭ دۇرىستى­عىنا كوزدەرىن جەتكىزگەن. ساعىن ەرقاس ۇلى ۇسىنعان كانديدا­تۋرانىڭ ءبىرى – ق.باتىحوۆ ماڭعىس­تاۋ مۇناي بارلاۋ-بۇرعىلاۋ باسقار­ماسىنا باستىق بولىپ تاعايىن­دالعان. ساعىن ەرقاس ۇلى ماڭعىستاۋ وبلىستىق پارتيا كوميتەتىنىڭ ونەر­كاسىپ, كولىك جانە حالىق تۇتىنا­تىن تاۋارلار ءبولىمى مەڭگەرۋشىسىنىڭ ورىنباسارلىعىنا تاعايىندالىپ, ەندى ولكەدەگى بارلىق ونەركاسىپ سالا­سىنا باسشىلىق جاسايتىن بولدى. ساعىن ەرقاس ۇلى قىرىمقۇلوۆ  كومپانيانىڭ باس گەولوگ-ۆيتسە-پرەزيدەنتى كەزىندە-اق قالامقاس, جەتىباي كەن ورىن­دارىنداعى مۇناي ونىمدەرىنىڭ تومەن­دەۋ سەبەپتەرىن انىقتاپ, ونى قالپىنا كەلتىرۋگە ەلەۋلى ەڭبەك سىڭىرگەن بولاتىن. ال باس ديرەكتور قىزمەتىنە كەلگەننەن كەيىن جوعارى­دا ايتىلعانداي ستراتەگيا­لىق ينۆەس­تور “سەنترال ازيا پەترولەۋم لتد” كومپا­نيا­سى­مەن بىرگە ماق­ساتتى جۇمىس جاساپ, بيىك تالاپتار قويۋدىڭ ناتيجەسىندە كەن ورىن­دارىنىڭ ەنەرگەتيكالىق ساۋىق­تىرىلۋىن قامتاماسىز ەتتى. “ەلۋ جىلدا ەل جاڭا” دەيدى دانا حالقىمىز. مىنە, بۇل كۇندە ساكەڭ­مەن بىرگە وسىدان جارتى عاسىر بۇرىن بۇرعىلاۋ الاڭىنا اتتانعان جاستار وزدەرىنىڭ تۋعان ولكەسى – كيەلى ماڭعىستاۋدىڭ جاڭارىپ, جاسارىپ, ەلىمىزدىڭ ەڭ ءىرى مۇناي مەن گاز ءوندىرۋ ايماعىنا اينالۋىنا سۇبەلى ۇلەس قوسسا, ەندى ولاردىڭ اكە جولىن قۋعان بالالارى اتسالىسىپ كەلەدى. ولار جاڭالىقتى جاساۋدىڭ قيىن دا ابىرويلى جاسامپاز ىستەرى­نىڭ ورىنداۋشىلارى قاتارىندا بولعاندارىن اسا ماقتانىش ەتەدى. وسىنداي جاستاردىڭ جانقيارلىق ەڭبەگى ارقاسىندا تۋعان ولكەگە دەگەن شىن سۇيىسپەنشىلىگى, مۇناي-گاز كەن ورىندارىن ىزدەستىرۋدەگى تابىس­تارى, اشىلعان كەن ورىندارىن ەل يگىلىگىنە جاراتۋداعى ەڭبەكتەرى – ولاردىڭ ءومىرىنىڭ نەگىزى, ءمانى جانە مازمۇنى بولىپ تابىلادى. وسى تۇستا ساعىن ەرقاس ۇلى كەزىندە وزىنە باعىت-باعدار بەرگەن اعالارى, ۇزەڭگىلەستەرى, جولداستارى جونىندە: – ادام ءومىر جولىندا تالاي جان­دارمەن كەزدەسىپ, قىزمەتتەس, جول­­داس­تىق قارىم-قاتىناستا بولا­دى عوي. ولاردىڭ ءارتۇرلى مىنەز-قۇلقى, وزدەرىنە ءتان باسقاعا ۇلگى-ونەگە بو­لار­لىقتاي قاسيەتتەرى – ادامگەر­شىلىگى مەن جاستاردى قىزىق­تىرىپ ىلگەرى جەتەلەيدى. ءومىر جو­لىم­­دا تالاي-تالاي جاقسىلارمەن قىزمەتتەس بولىپ, ادامي قاسيەت­تەرىن ۇلگى ەتتىك, اعالىق قامقورلىق­تارىن سەزىندىك. ونداي اعالاردىڭ قاتارىنا اساباي حيسمەتوۆتى, حالەل وزبەك­قاليەۆتى, ۆيتالي تيمونين­دى, سالا­مات مۇقا­شەۆتى, ناسىپقالي مارا­باەۆ­­تى, لەو­نيد دميتريەۆتى, يۋري يۋفەروۆتى, يبراگيم مۇرات­تى, ۆالەن­تين تو­كارەۆتى, راشيت ءسار­سەنوۆتى, جان­بولات دوسمۇحان­بەتوۆتى جاتقىزار ەدىم. ءاردايىم ادال, اقپەيىل بولىپ ادامگەرشى­لىكتىڭ الا ءجىبىن اتتا­ماعانعا نە جەتسىن, – دەيدى ول. تۋعان ولكەنى ەرەن ەڭبەگىمەن تۇلەتۋگە ەلەۋلى ۇلەس قوسقان بەلگىلى گەولوگ, “ماڭعىستاۋمۇنايگاز” اق-نى ون جىل باسقارعان قر جەر قويناۋىنىڭ قۇرمەتتى بارلاۋشىسى, ءومىرى ونەگەمەن ورنەكتەلگەن ساعىن قىرىمقۇلوۆ وسىنداي ارداگەر, ابىرويى اسقان ايتۋلى ازامات. جولامان بوشالاق.