«جوعارعى سوت كەڭەسىنىڭ جۇمىسىن مودەرنيزاتسيالاۋ, جاڭعىرتۋ باعىتىندا كوپتەگەن جۇمىستار اتقارىلدى. بىرىنشىدەن, سوتتا ماسەلەنىڭ ءبارىن كادر شەشەدى. ال كادردى ءبىز قايدان الىپ جاتىرمىز؟ كادرلاردى جوعارعى سوت, البەتتە, رەسپۋبليكامىزدىڭ زاڭگەرلەرىنەن جينايدى. قازاقستاننىڭ بۇگىنگى كۇنگى زاڭ تالابىنا سايكەس, جاسى وتىزعا تولعان, زاڭ تۇرعىسىندا جوعارى ءبىلىمى بار جانە مورالدىق ادامگەرشىلىك قاسيەتتەرى ءمىنسىز بەدەلى بار, ونىڭ ۇستىنە ون جىلدان استام ۋاقىت زاڭ سالاسىنداعى جۇمىس ءوتىلى بار ادامدار سۋديا قىزمەتىنە وزدەرىن وزدەرى ۇسىنا الادى. بۇگىنگى كۇنى ءبىز كادر ماسەلەسىن رەتتەۋ باعىتىندا جوعارعى سوت جۇيەسىنە كەلەيىن دەپ جاتقان ۇمىتكەرلەردى ىرىكتەۋدى جاڭا ادىسپەن, جاڭا تارتىپپەن جۇرگىزە باستاعانىمىزدى جەتكىزگىمىز كەلەدى», - دەيدى ءادىل قۇرىقباەۆ جوعارى سوت كەڭەسىندە تىلشىلەردىڭ سۇراعىنا جاۋاپ بەرە وتىرىپ. ونىڭ ايتۋىنشا, جاڭا ءادىستىڭ قورىتىندىسى بويىنشا ەكى قايتارا بىلىكتىلىكتى قابىلداۋ ەمتيحانى وتكىزىلگەن.
ء«بىرىنشى ساتىسى وسى جىلدىڭ قىركۇيەك ايىندا وتكىزىلدى. ول كەزدە ءبىز 70 ادامدى ۇمىتكەر رەتىندە شاقىردىق. ۇمىتكەر رەتىندە شاقىرىلعان وسى 70 ادامنىڭ الپىسى كەلىپ, ەڭ ءبىرىنشى ساتىسى بولىپ ەسەپتەلەتىن پسيحولوگيالىق تەستىلەۋدەن ءوتتى. پسيحولوگيالىق تەستىلەۋدى ءبىز جاڭا تەحنولوگيالارمەن, ءوزىمىزدىڭ مەنتاليتەتتىك قاسيەتىمىزدى ەسەپكە الىپ, قازاق حالقىنىڭ بويىنداعى قاسيەتتەردى ەسەپتەي وتىرىپ جانە قانداي ادام سوت بولا الادى دەگەن مەتودولوگيالىق ادىستەر نەگىزىندە وتكىزدىك. العاشقى 60 ادامنىڭ پسيحولوگيالىق تەستتەن 23-ءى ءوتتى. ال ودان پسيحولوگيالىق تەستىلەۋدەن وتكەن ۇمىتكەرلەر ەسسە رەتىندە ءوز ويلارىن قىسقا جازاتىن بولادى. ەسسەدەن كەيىن ول 11 زاڭ سالاسىنا بايلانىستى كومپيۋتەرلىك تەستىلەۋدەن وتەدى. وسى كومپيۋتەرلىك تەستىلەۋگە 23 ادامنىڭ 17-ءى تىلەك بىلدىرگەن. ونىڭ 17-ءنىڭ بار-جوعى ۇشەۋى عانا كەرەكتى بالل جيناپ, بىلىكتىلىك ەمتيحانىنان ءوتتى دەپ ەسەپتەلىندى», - دەيدى ول. ءادىل قۇرىقباەۆ ءوز سوزىندە اتاپ وتكەندەي, سىننان سۇرىنبەي وتكەن ءۇش ادام تاعى اۋىزشا ەمتيحان تاپسىرادى. اۋىزشا ەمتيحان نەگىزىنەن ءۇش قۇقىقتىق سيپاتتا جاسالعان ەسەپتەردى جاساۋدان تۇرادى. «ەسەپتەردى شەشۋدە ۇمىتكەر نەنى ءبىلۋى كەرەك؟ ياعني, ۇمىتكەر وسى قۇقىقتىق جاعدايدىڭ قانداي زاڭمەن شەشىلەتىنىن ايقىنداپ, دالەلدەرىن كەلتىرگەن جاعدايدا سىننان وتەدى. ۇمىتكەر اۋىزشا ەمتيحان تاپسىرۋ ءۇشىن ەكى ساعاتتىڭ ىشىندە ول بىزگە قۇقىقتىق ەسەپتىڭ جاۋابىن جازباشا تۇردە الىپ كەلىپ, ءبىز كوميسسيا مۇشەلەرى جاۋاپتارىن جارتى ساعاتتىڭ ىشىندە تەكسەرىپ قاراپ شىعىپ, ودان كەيىن ۇمىتكەردى اڭگىمەلەسۋگە شاقىرامىز. بۇرىن تاپسىرىلعان ەمتيحان كەزىندە بۇل سىننان ىرىكتەلگەن ءۇش ادامنىڭ ەكەۋى ءوتىپ, بىرەۋى وتپەي قالعان بولاتىن», - دەيدى ءادىل قۇرىقباەۆ. ءادىل قۇرىقباەۆتىڭ ايتۋىنشا, كوميسسيا قۇرامىندا 16 ادام بار. ۇمىتكەرلەر سۋديا اتانۋ ءۇشىن قر جوعارعى سوتىنا كەلىپ, ەمتيحان تاپسىرۋعا بارىن سالۋى كەرەك. «سوڭعى رەت (وسى ايدا - اۆت.) ەمتيحاننان وتۋگە 50 ادام ءوتىنىش ءبىلدىرىپ, ولاردىڭ 40-ى پسيحولوگيالىق تەستىلەۋدەن وتۋگە ءوتىنىش ءبىلدىردى. ودان 17-ءى ادام ءوتىپ, ولاردىڭ 14-ءى كومپيۋتەرلىك تەستىلەۋگە كەلگەن. بۇگىن بارلىق سىننان سۇرىنبەي, سۋديالىققا ۇمىتكەرلەردىڭ ۇشەۋى عانا ءوتىپ وتىر», - دەپ ءتۇيدى ءادىل قۇرىقباەۆ.
