نولدىك ەسەپتەگى ءبىر كارتانىڭ قۇنى -300 تەڭگە.
Smart-كارتا شوتىن تاسىمالداۋشىلار ارقىلى, ساتۋ نۇكتەلەرىنەن, Qiwi-تەرمينالدار ارقىلى جانە ء"SmartQala"موبيلدى قوسىمشاسى ارقىلى تولىقتىرۋعا بولادى.
جالپى حالىققا 9 تولەم ءتۇرى قولجەتىمدى - كولىكتەگى سمارت كارتا, بانك كارتاسى, NFC قولدانباسى بار سمارتفون, QR كودى, QR كارتاسى, SMS حابارلامالار, Bluetooth, مەسسەندجەر جانە جولسەرىككە قولما-قول تولەم تولەۋ.
ايتا كەتۋ كەرەك, بۇل جۇيە قالا تۇرعىندارىنا جولاقىنى ادەتتەگى جالاقى نەمەسە زەينەتاقى الاتىن بانك كارتاسىمەن تولەۋگە مۇمكىندىك بەرەدى, حالىققا قولايلى جاعداي جاسايدى, ياعني جەكە اۆتوبۋس كارتاسىن ساتىپ الۋ جانە الىپ ءجۇرۋ قاجەتتىلىگى بولمايدى.
سونداي-اق, ءاربىر اۆتوبۋستىڭ كابيناسىندا كورسەتىلگەن 9505 قىسقا نومىرىنە ناقتى اۆتوبۋس ءنومىرىن SMS جولداۋ ارقىلى ۇيالى ءنومىردىڭ تەڭگەرىمىمەن تولەۋگە بولادى.
- قازىرگى ۋاقىتتا «SmartQala» موبيلدىك قوسىمشاسى جۇمىس ىستەيدى, ونىڭ كومەگىمەن تولەمنىڭ بارلىق تۇرلەرىن جاساۋعا جانە كارتا تەڭگەرىمىن باقىلاۋعا بولادى. ءموبيلدى قوسىمشادا تولەم كوزىن تاڭداۋعا, بايلانىستىرىلعان بانك كارتاسى تەڭگەرىمى, Smart تەڭگەرىمى نەمەسە ءموبيلدى ءنومىردىڭ تەڭگەرىمى ارقىلى جول ءجۇرۋ ءۇشىن اقى تولەۋگە بولادى.
كوپ ۇزاماي بۇل قوسىمشا ارقىلى بارلىق كوممۋنالدىق تولەمدەردى, جول اقىلارىن جانە سالىقتاردى تولەۋگە بولادى. جىل اياعىنا دەيىن قوسىمشادا ءبىز اۆتوبۋستاردىڭ كەلۋ ۋاقىتىن, باقىلاۋ فۋنكتسيونالدىعىن ىسكە قوسامىز. جولاۋشى قالاعان ايالدامانى تاڭداپ, جاقىن ماڭداعى قوعامدىق كولىكتىڭ ناقتى كەلۋ ۋاقىتىن كورە الادى (ايالدامانىڭ ونلاين-تابلوسى), - دەدى "Ѕمart -تكش" جشس وكىلى ەرلان نۇرلان ۇلى.
بۇگىندە 54 اۆتوبۋس ءموبيلدى تەرمينالدارمەن جابدىقتالعان. 1 قاراشاعا دەيىن قالانىڭ بارلىق 200 اۆتوبۋستارىن جابدىقتاۋ جانە ولارعا QR-كودتار بەرۋ جوسپارلانۋدا.
-اتىراۋ قالاسىنىڭ قوعامدىق كولىكتەرىندە ەلەكتروندى بيلەتتەر جۇيەسىن ەنگىزۋ وڭ ناتيجە بەرەدى , بۇل قوزعالىستىڭ اشىقتىعىن قامتاماسىز ەتەدى, ازاماتتاردىڭ الەۋمەتتىك ساناتتارى بويىنشا ستاتيستيكانى جۇرگىزۋگە, بيۋدجەتكە سالىق تۇسىمدەرىن ارتتىرۋعا, قوعامدىق كولىكتەردى باقىلاۋعا مۇمكىندىك بەرەتىندىگىنە سەنەمىز,-دەپ مالىمدەدى ەرلان نۇرلان ۇلى.
اتىراۋداعى جوبانىڭ ارتىقشىلىعى – تولەمدەر ونلاين-فورماتتا قابىلدانادى جانە تولەمدەردىڭ بارلىق 9 ءتۇرى ءبىر ينتەگراتسيالانعان جۇيەدە جۇمىس ىستەيدى.
