كونفەرەنتسيادا ءسوز العان قازاقستان رەسپۋبليكاسى جوعارى سوتى تقوراعاسىنىڭ كەڭەسشىسى ساعاتبەك سۇيلەيمەن مەدياتسيا, ياعني تاراپتاردىڭ ءىستى سوتقا دەيىن جەتكىزبەي-اق كەلىسۋى, تاتۋلاسۋى ەكونوميكالىق جانە الەۋمەتتىك جاعىنان دا ۋاقىت تالاپ ەتىپ وتىرعان ماسەلە ەكەنىن ايتتى.
ء«بىزدىڭ ەلدە جىل ساناپ سوتتاعى ىستەر ەسەلەپ ارتۋدا. 2013 جىلمەن سالىستىرعاندا 2017 جىلى 2 ەسەگە جاقىن, ياعني 1,4 ميلليونننان 2,7 ميلليونعا دەيىن وسكەنىن ايتتى. ەلىمىزەگى ادام باسىنا شاققاندا قۇقىققا قابىلەتتى ءاربىر ءتورتىنشى ازامات داۋعا تارتىلىپ, سوتتاسىپ ءجۇر» دەدى ساعاتبەك سۇلەيمەن. ول سونىمەن قاتار قوستاناي وبلىسىندا باسقا وڭىرلەرمەن سالىستىرعاندا داۋكەستىك دەڭگەيى جوعارى ەكەنىن دە ايتىپ ءوتتى. تەك داۋلاسۋشى ەكى ادام عانا قاتىساتىن ازاماتتىق ىستەر بويىنشا سوتتاسۋشىلار سانى وبلىس تۇرعىندارىنىڭ 15 پروتسەنتىن قامتيدى.
قوستاناي وبلىستىق سوتىنىڭ توراعسى مەرعاليەۆ اسلانبەك بىتىمگەرشىلىك بويىنشا وبلىستا جۇرگىزىلىپ جاتقان جۇمىستارعا شولۋ جاسادى. قازىردە ادامداردى سوتتارداعى بىتىمگەرشىلىك ءىسى قىزىقتىرادى. تۇرمىستىق جانە ازاماتتىق داۋ-دامايلاردى سوتقا دەيىن تاتۋلاسۋ ارقىلى بىتىرسە, ول تاراپتارعا قارجىلىق جاعىنان دا جەڭىل تۇسەدى جانە تاربيەلىك ءمانى دە جوعارى بولادى. سوڭعى جىلدارى مەدياتسيا مامەلەسىن جۇرتشىلىققا تۇسىندىرۋدە جوعارى وقۋ وردالارىمەن جۇرگىزىلەتىن جۇمىستار ناتيجەلەى ايقىن بايقالادى.
«زۇلقارناي الدامجار اتىنداعى الەۋمەتتىك –تەحنيكالىق ۋنيۆەرسيتەتىمەن ىقپالداستىق بويىنشا مەموراندۋمعا قول قويىپ, وسىندا مەدياتسيا كابينەتىن اشتىق.سونىمەن قاتار داۋلاردى بالامالى شەشۋ ماسەلەسى بويىنشا جوعارى وقۋ ورىندارى ءۇشىن ءپان بولۋى كەرەكتىگىن ايتقىم كەلەدى» دەدى اسلانبەك امانگەلدى ۇلى.
مۇنان كەيىن كونفەرەنتسياعا شاقىرىلعان زيالى قاۋىم وكىلدەرى, اقساقالدار ءسوز الىپ, ومىردە كەزدەسىپ جاتاتىن تىرشىلىك تۇيكىلدەرىنەن تۋاتىن ۇساق داۋلاردى سوتقا جەتكىزبەي, ءوز ارا شەشۋ كەرەكتىگىن, ونىڭ حالقىمىز تاريحىندا بار نارسە ەكەنىن, جاس ۇرپاقتى سوعان تاربيەلەۋ كەرەكتىگىن ايتتى.
ءنازيرا جارىمبەت,
«ەگەمەن قازاقستان»
قوستاناي
