ۇشۋ قاۋىپسىزدىگىن ساقتاۋ

بۇگىنگى تاڭداعى ماڭىزدى ماسەلە بولىپ وتىر اسكەري كونسۋلتاتيۆتىك كەڭەس اياسىندا وتكىزىلگەن رەسپۋبليكالىق كونفەرەنتسيادا نەگىزىنەن قازاقستان رەسپۋبليكاسى مەملەكەتتىك اۆياتسيا­سى­نىڭ ۇشۋ قاۋىپسىزدىگىندەگى ماڭىزدى ماسەلەلەر ورتاعا سالىندى. ونىڭ جۇمىسىنا قورعانىس ءمينيسترىنىڭ ءبىرىنشى ورىنباسارى, وسى ۆەدومستۆو شتابتار باستىعى كوميتەتىنىڭ ءتورا­عا­سى, ارميا گەنەرالى مۇحتار التىن­باەۆ جەتەكشىلىك ەتتى. كونفەرەنتسياعا ۇلت­تىق قاۋىپسىزدىك كوميتەتى شەكارا قىز­مەتىنىڭ, كولىك جانە كوممۋنيكا­تسيا, توتەنشە جاعدايلار جونىندەگى جانە ىشكى ىستەر مينيسترلىكتەرىنىڭ وكىلدەرى, اۆياتسيالىق بولىمدەردىڭ كو­مانديرلەرى قاتىستى. جيىندا ەلباسى نۇرسۇلتان نازارباەۆتىڭ  رەسپۋبليكا قورعانىس مينيسترلىگىنىڭ كەڭەيتىلگەن القا وتىرىسىندا العا قويعان تاپ­سىر­­ما­لارىن كەلەشەكتە دايەكتىلىكپەن جۇزەگە اسىرۋ قاجەتتىگى جونىندە اتاپ ايتىلدى. كونفەرەنتسيادا ءسوز العان ارميا گەنەرالى مۇحتار التىن­باەۆ جانە باسقا لاۋازىم يەلەرى سوڭعى ۋاقىت­تاعى اۋە وقيعالارىنىڭ سەبە­پتەرىن ساراپقا سالدى. شىن ءما­نىسىندە دە ۇشۋ قاۋىپسىزدىگىنىڭ قاجەتتى شارتىن, تەحنيكالىق قاۋىپسىزدىكتى ساقتاۋ تەك قورعانىس كۇشتەرىنە عانا ەمەس, سون­داي-اق شەكارا قىزمەتى, ىشكى اسكەر­لەر, توتەنشە جاعدايلار قۇرى­لىم­دارىنا دا قاتىستى ەكەندىگى نا­زار­­دان تىس قالمادى. ارينە, مۇنداعى باستى تالاپ – اپاتتاردىڭ الدىن الۋ, ونى بولدىرماۋ جولدارىن قاراستى­رۋدا بارلىق كۇش-قۋاتتى بىرىكتىرىپ, ۇيىمشىلدىق, ىسكەرلىك تانىتۋ قاجەت. جيىندا وتكەن 2009 جىلعى ۇشۋ قاۋىپسىزدىگى جاعدايلارى, سونىمەن قا­تار سوڭعى بەس جىل كولەمىندە ورىن العان اۋە وقيعالارىنىڭ سەبەپ-سال­دارلارىنا تالداۋ جاسالۋىنىڭ ءوز ماڭىزى بار. ءسوز اراسىندا كەزدەيسوق اپاتتاردىڭ الدىن الۋعا ىقپال ەتەتىن ەڭ ماڭىزدى ءىس-شارالاردىڭ قاتارىن­دا تاجىريبە الماسۋدىڭ قاجەتتىلىگى جوعارى ەكەندىگى ايتپاسا دا تۇسىنىكتى. كونفەرەنتسيادا مەملەكەتتىك اۋە كە­مەلەرىمەن بىرلەسىپ جۇمىس ىستەۋ جانە اقپارات الماسۋدىڭ نەگىزگى باعىتتارى دا ايقىندالدى. ەڭ باستىسى, قازاق­ستان مەملەكەتتىك اۆياتسياسىنىڭ ۇشۋ قاۋىپسىزدىگى جونىندە جاڭا قۇجات جا­سالدى. جيىنعا قاتىسۋشىلار بۇدان كەيىن ترەناجەرلىك كەشەندەگى ۇشۋ قۇرامىنىڭ تاجىريبە جۇزىندە كور­سەت­كەن ءىس-شارالارىمەن, قازىرگى زامانعى تەحنيكالىق جابدىقتارمەن جان-جاقتى تۇردە تانىستى. باقىت بالعارينا, الماتى.