پارلامەنت سەناتى الەۋمەتتىك-مادەني دامۋ جانە عىلىمي كوميتەتىنىڭ توراعاسى بىرعانىم ءايتىموۆا باستاعان كوشپەلى وتىرىسقا كوميتەت مۇشەلەرى مۇرات باقتيار ۇلى, باقىتجان جۇماعۇلوۆ, دينار نوكەتاەۆا, دارحان ساتىبالدى جانە سەرىك بەكتۇرعانوۆ قاتىستى.
جۇمىس ساپارى بارىسىندا دەپۋتاتتار بىرقاتار الەۋمەتتىك نىسانداردىڭ جاعدايىمەن تانىستى. سەناتورلار اقكول اۋدانىندا 2017 جىلى سالىنعان ورتالىق اۋرۋحانانى ارالادى. ءبىر اۋىسىمدا 250 ناۋقاستى قابىلداي الاتىن زاماناۋي جابدىقپەن جابدىقتالعان اۋرۋحانادا 125 ادامعا جۇمىس ورنى اشىلعان بولاتىن.
سەناتورلار بۇلاندى اۋدانىنداعى ت.كاكىشەۆ اتىنداعى ورتا مەكتەپتە عيمارات قۇرىلىسىنىڭ ساپاسىن تەكسەرىپ, ولقىلىقتاردىڭ جوندەلگەنىنە كوز جەتكىزدى. اپات جاعدايىنداعى مەكتەپتىڭ ۇزاق جىلدار بويعى ماسەلەسى – نەگىزگى عيماراتقا جوندەۋ جۇمىستارى جۇرگىزىلدى جانە 2019 جىلى سپورتزالدى جوندەۋ ماسەلەسى شەشىلەدى.
پرەزيدەنت تاپسىرمالارىنىڭ تابىستى جۇزەگە اسۋىنىڭ ناتيجەسى – ماكينسك مەكتەپ-ليتسەيى جانە ورتالىق ازياداعى ماكينسك قۇس فابريكاسى بولىپ وتىر.
بۋراباي اۋدانىندا الەۋمەتتىك-مادەني دامۋ جانە عىلىم كوميتەتىنىڭ كوشپەلى وتىرىسى ءوتتى. وتىرىس بارىسىندا وبلىس اكىمى مالىك مىرزالين ءبىلىم بەرۋ جانە دەنساۋلىق ساقتاۋ سالالارىنداعى مەملەكەتتىك-جەكەمەنشىك ارىپتەستىك ماسەلەسىنىڭ جاعدايى جانە وڭىردەگى تۋريزم سالاسىن دامىتۋ تۋرالى حاباردار ەتتى.
اقمولا وبلىسى اكىمىنىڭ اقپاراتىنا سايكەس, وڭىردە مەملەكەتتىك-جەكەشەلىك ارىپتەستىك اياسىنداعى جالپى سوماسى 9 ملرد تەڭگە بولاتىن 41 جوبا, ءبىلىم بەرۋ سالاسىندا جالپى ينۆەستيتسيالار سوماسى 792 ملن تەڭگە بولاتىن 27 جوبا ىسكە اسۋدا. جىلدىڭ سوڭىنا دەيىن مەملەكەتتىك-جەكەشەلىك ارىپتەستىكتىڭ 3 جوباسى – ەرەيمەنتاۋ اۋدانىندا 2 بالاباقشا جانە جارقايىڭ اۋدانىنداعى «سولنىشكو» بالاباقشاسىن سەنىمدى باسقارۋعا بەرۋ جوسپارلانىپ وتىر.
وڭىردە مەملەكەتتىك-جەكەمەنشىك ارىپتەستىك اياسىندا دەنساۋلىق ساقتاۋ سالاسىندا 3 جوبا جۇزەگە اسۋدا. وڭىردىك تۋريزم كلاستەرىنە وسى سالاداعى 700-دەن استام كاسىپورىن كىرەدى. «وبلىس اكىمدىگى مەن «McKinsey&Company» حالىقارالىق كونسالتينگتىك كومپانياسى بىرلەسە وتىرىپ, شۋچينسك-بۋراباي دەمالىس ايماعىن دامىتۋ جوسپارى بويىنشا شەبەرلىك جوسپارى ازىرلەنۋدە. شۋچينسك-بۋراباي دەمالىس ايماعىندا ءتۋريزمدى دامىتۋدىڭ نەگىزگى جەرلەرى – بۋراباي اۋىلى, ششۋچينسك قالاسى جانە قوتىركول وزەنىنىڭ جانىنداعى ايماقتار بولىپ تابىلادى. زەرەندى دەمالىس ايماعى وڭىردەگى ءتۋريزمدى دامىتۋ كارتاسىنداعى نەگىزگى ايماق بولۋى ءتيىس», - دەپ اتاپ ءوتتى مالىك مىرزالين.
جۇمىس ساپارى بارىسىندا دەپۋتاتتار پرەزيدەنتتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىن تالقىلاۋ بويىنشا اۋدان اكتيۆىنىڭ وتىرىسىنا قاتىستى. تالقىلاۋ بارىسىندا ءوڭىردىڭ كوكەيكەستى ماسەلەلەرى مەن ونى دامىتۋ كەلەشەگى تۋرالى ايتىلدى.
ۇستازدار قاۋىمى, دەنساۋلىق ساقتاۋ سالاسىنىڭ قىزمەتكەرلەرى, بارلىق دەڭگەيدەگى ءماسليحات دەپۋتتاتارى جانە شارۋاشىلىق جۇرگىزۋشى سۋبەكت پەن شاعىن جانە ورتا بيزنەس وكىلدەرى ەلباسىنىڭ الەۋمەتتىك باستامالارىن قولدايتىندارىن جەتكىزدى.
