قالا كۇنى مەرەكەسىنە وراي اتىراۋ قالاسىنىڭ اكىمى اليمۇحاممەد قۇتتىمۇرات- ۇلى "شاڭىراق"وتباسى ۇلگىسىندەگى بالالار اۋىلىنىڭ تاربيەلەنۋشىلەرىمەن كەزدەستى. بۇگىندە مۇندا 3,5 جاستان 18 جاسقا دەيىنگى 62 بالا تۇرادى. ولاردىڭ ارقايسىسىندا 10 بالادان تاربيەلەنەتىن التى وتباسى جەكە جابدىقتالعان بولمەلەردە تۇرادى, وندا جاتىن بولمەسى, اس ءۇي, ويىن بولمەسى جانە قوناق بولمەسى بار.
"شاڭىراق" وتباسى ۇلگىسىندەگى بالالار اۋىلىنىڭ ديرەكتورى گۇلسارا بوتاتاەۆانىڭ ايتۋىنشا, بالالاردىڭ 20% - ى جەتىم بالالار, قالعاندارى -اتا-اناسىنىڭ قامقورلىعىنسىز قالعان بالالار.
- بيىل ءبىزدىڭ اۋىل ءۇشىن وتە قۋانىشتى جىل بولدى, بىزگە جاڭا عيمارات سالۋعا جەر بولگەن ەدى, قازىر ءبىز بۇرىنعى بالاباقشا عيماراتىندا تۇرامىز. قازىرگى ۋاقىتتا جاڭا اۋىل قۇرىلىسىنا جسق مەملەكەتتىك ساراپتامادان وتۋدە, جاقىن ارادا بالالاردىڭ قونىس تويىن تويلايمىز دەپ ۇمىتتەنەمىز,- دەيدى گۇلسارا بوتاتاەۆا.
اتىراۋ قالاسىنىڭ اكىمى اليمۇحاممەد قۇتتۇمۇرات- ۇلى بالالاردى كەلە جاتقان قالا كۇنىمەن قۇتتىقتاپ, ارقايسىسىنا سىيلىقتار تابىس ەتتى. العىس رەتىندە بالالار قوناقتارعا كونتسەرت قويدى.
- بارشاڭىزعا بەلگىلى, 1 قازاندا جالپىرەسپۋبليكالىق «قامقورلىق» ايى باستالىپ,بۇل كۇنى قارتتار ۇيىندە قارتتار ءۇشىن قايىرىمدىلىق تۇسكى اس ۇيىمداستىرىلعان ەدى. بۇگىن "شاڭىراق" بالالار اۋىلىنىڭ بالالارىنا بارىپ قايتتىق. بۇل جۇمىس الداعى ۋاقىتتا دا جالعاساتىن بولادى. اتىراۋ قالاسىنىڭ بارلىق تۇرعىندارىن وسى اكتسيانى قولداۋعا جانە ناعىز مۇقتاج ادامدارعا كوڭىل بولۋگە شاقىرامىز, - دەدى اتىراۋ قالاسىنىڭ اكىمى.
ايتا كەتەيىك, جالپى رەسپۋبليكالىق «قامقورلىق» ايى قازان ايىنىڭ سوڭىنا دەيىن جالعاسادى. قازاقستاننىڭ بارلىق ايماقتارىندا 30 كۇن بويى قايىرىمدىلىق ءىس-شارالار, سونداي-اق قايىرىمدىلىق پەن مەيىرىمدىلىك اكتسيالارى وتكىزىلەدى.
