ق.توقاەۆ ەلشى گۋن تسزيانۆەيدىڭ حاتشىلىق جۇمىسىنا قوسقان ۇلەسىن اتاپ ءوتىپ, وسى فورۋمدا توراعالىق ەتكەن مەرزىم ىشىندە اوسشك-ءنى ءتيىمدى قولداعانى ءۇشىن قىتاي تاراپىنا العىس ءبىلدىردى.
سەنات توراعاسىنىڭ ايتۋىنشا, قحر-ءدىڭ قوسقان ەلەۋلى ۇلەسىنىڭ ارقاسىندا اوسشك ايماقتىق قاۋىپسىزدىكتى قامتاماسىز ەتۋدىڭ قۇرالىنا اينالىپ, ءوزىنىڭ ومىرشەڭدىگىن كورسەتتى جانە ازيا مەملەكەتتەرىن جاھاندىق سەنىم شارالارىنىڭ جۇيەسىنە تارتۋدىڭ ماڭىزدى فاكتورى بولا الدى. فورۋمنىڭ 2014 جىلعى 20-21 مامىردا شانحاي قالاسىندا وتكەن ءسامميتى جانە 2016 جىلعى 28 ساۋىردەگى مينيسترلەردىڭ كەزدەسۋى اوسشك قىزمەتىندەگى ماڭىزدى وقيعالار بولدى.
ء«سىز اوسشك حاتشىلىعىنىڭ اتقارۋشى ديرەكتورى لاۋازىمىن اتقارعان كەزەڭدە فورۋم قىزمەتىنىڭ مازمۇنىن تولىقتىرۋ جانە كەڭىنەن جاريا ەتۋ جونىندە سەرپىندى شارالار ءوتتى», – دەدى ق.توقاەۆ.
