ايگۇل 2015-ءشى جىلدان بەرى بيمەن اينالىسىپ كەلەدى. وسى ۋاقىت ارالىعىندا ول ءتۇرلى سايىستاردا بىرنەشە جۇلدەلى ورىنداردى يەلەنگەن, ال وسى جىلدىڭ ساۋىرىندە استانا قالاسىندا وتكەن قازاقستان چەمپيوناتىندا كۇمىس جانە قولا مەدالداردى جەڭىپ العان. ارباداعى بيدە باسقا دا بي تۇرلەرىندەگىدەي قازىلار القاسى ءبيشى تۇلا بويىن قالاي ۇستاي الاتىنىنا, ىرعاققا بەيىمدىلىگى, ءبيدىڭ كۇردەلىلىگى مەن ونى ورىنداۋ مانەرىنە نازار سالادى.
- ارباداعى بي – ايتارلىقتاي قىمبات قۇمارلىق, سەبەبى ول ءۇشىن ارنايى اربالار قاجەت: جەڭىلدەتىلگەن جانە يكەمدى, دوڭگەلەكتەرى ءبىر بۇرىشقا ءيىلىپ وناتىلادى دا, ارقاسى تومەن بولادى. ونداي اربالاردى تاپسىرىس بويىنشا عانا جاسايدى. مۇنداي جاقسى ءبىر اربانىڭ قۇنى شامامەن ءبىر جارىم ميلليون تەڭگەنى قۇرايدى. بىراق بىزگە قازىرگى زامانعى جانە سپورت بيلەرى فەدەراتسياسى ۇلكەن قولداۋ كورسەتەدى, ولار بىزگە اربانى قولدانۋعا بەرىپ, ال وتكەن جىلى مۇگەدەكتىك سپورت مەكتەبى وسىنداي اربانى سىيعا تارتتى. سونىمەن قاتار بىزگە قاراعاندى وبلىسىنىڭ سپورت باسقارماسى مەن ايگۇل تۇراتىن ساران قالاسىنىڭ مۇگەدەكتەر جانە پسيحونەۆرولوگيالىق دەرتتەرگە شالدىققان ناۋقاستارعا ارنالعان ينتەرنات كومەكتەسەدى, - دەيدى جاتتىقتىرۋشى كۇلشىم اتالىقوۆا.
قازىر ايگۇل قازاقستان چەمپيوناتىنا دايىندالىپ جاتىر. ازىرگە وندا بارۋعا مۇمكىندىك بولا ما, جوق پا, بەلگىسىز. الايدا قايتكەندە دە جاتتىعۋلار جالعاستىرىلادى.
ارباداعى بي سپورت ءتۇرى رەتىندە قازاقستاندا 2009-شى جىلى پايدا بولعان. قاراعاندى وبلىسىندا ول مۇمكىندىگى شەكتەۋلى جاندار اراسىندا وتە تانىمال. مۇنداي بيشىلەردى قازىرگى زامانعى جانە سپورتتىق بيلەر فەدەراتسياسى, قاراعاندى وبلىستىق مۇگەدەكتەر سپورت مەكتەبى مەن دەنە شىنىقتىرۋ جانە سپورت باسقارماسى قولدايدى.
