«وتانىمىزدى دۇنيە جۇزىنە تانىتتىڭىز»

پرەزيدەنت نۇرسۇلتان نازارباەۆتىڭ اتىنا قازاقستان ءتاۋ­ەل­سىزدىگىنىڭ 20 جىلدىعىنا بايلانىستى پراۆوسلاۆيە شىركەۋى, قو­عام­دىق بىرلەستىكتەر مەن ەلىمىزدىڭ جەكەلەگەن ازاماتتارىنان قۇت­تىقتاۋلار كەلىپ ءتۇستى, دەپ حابارلادى قازاقستان رەسپۋبليكاسى پرە­زيدەنتىنىڭ ءباسپاسوز قىزمەتى. قازاقستان پراۆوسلاۆيە ءشىر­كەۋى­نىڭ باسشىسى, استانا جانە قا­زاقستان ءميتروپوليتى الەكسان­در­دىڭ حاتىندا بىلاي دەلىنەدى: «ۇلت­تىق ەگەمەندىك جىلدارىندا قا­زاق­ستان حالقى ءسىزدىڭ باسشىلى­عى­ڭىز­بەن مەملەكەتتىك جانە قوعامدىق ءومىردىڭ بارلىق سالالارىندا ءداي­ەك­تى دامۋ جولىمەن ءجۇردى. ءبىزدىڭ ەلىمىز ساياسي جانە الەۋمەتتىك-ەكو­نوميكالىق تابىستارمەن قاتار, دىنارالىق تۇسىنىستىك پەن كەلىسىم, ءداستۇرلى رۋحاني قۇندىلىقتاردى ساقتاۋ مەن كوبەيتۋگە قاتىستى ىستەردە وزگەلەرگە ۇلگى بولىپ كەلەدى». سونداي-اق قۇتتىقتاۋلاردى ورال جانە گۋرەۆ ارحيەپيسكوپى انتوني, باتىس قازاقستان, اقتوبە, ماڭ­عىستاۋ جانە اتىراۋ وبلىس­تا­رىن وزىنە قوساتىن ورال ەپار­حيا­سى­نىڭ رۋحاني سەنۋشىلەرى جولداعان. قازاقستاننىڭ ورىستار, سلاۆياندار جانە كازاكتار ۇيىمى قاۋ­ىم­داستىعىنىڭ توراعاسى س.تەرەششەنكو ءوزىنىڭ قۇتتىقتاۋ حاتىندا بىلاي دەپ جازادى: «كەڭەستىك يمپەريا­نىڭ قيراندىلارىنان تاريحي مەملەكەت قۇرۋ مۇمكىندىگى حح عاسىر­دىڭ سوڭىندا قازاقستاندىقتاردىڭ ۇلەسىنە ءتيدى. سانداعان عاسىرلار بويى ءبىزدىڭ اتا-بابالارىمىز بوستان بولۋ ءۇشىن تاۋەلسىزدىكتى ارمان­دادى. بىراق بۇل 1991 جىلدىڭ جەل­توقسانىندا ءسىزدىڭ دانا ساياسا­تى­ڭىز­دىڭ ارقاسىندا مۇمكىن بولدى. تاۋەلسىزدىك حالىقتىڭ باستى قۇن­دىلىعى, ويتكەنى, ول ءوزىمىزدىڭ تاع­دى­رىمىزدى ءوزىمىز ايقىنداۋعا قۇ­قىق بەرەتىن ءبىزدىڭ تاريحي تاڭ­داۋى­مىز بولىپ تابىلادى. «ورتاق ەل – ورتاق تاعدىر» قاعيداتىنا نەگىزدەلگەن قازاقستان حالقىنىڭ كەلىسىمى مەن بىرلىگى ءسىزدىڭ كورەگەن سايا­سا­تىڭىزدىڭ نەگىزگى ۇستىنىنا اي­نال­دى. تاۋەلسىزدىك جىلدارىندا قا­زاق­ستان ەكونوميكالىق دامۋ, ازا­ماتتارىمىزدىڭ ءومىر ءسۇرۋ دەڭ­گەيىن جوعارىلاتۋ, دەموكراتيانىڭ بەرىك نەگىزدەرىن قۇرۋ باعىت­تارىندا ادام ايتقىسىز تابىس­تارعا جەتتى». مولەكۋليارلىق بيولوگيا ينس­تي­تۋتىنىڭ ديرەكتورى, قر ۇعا اكادەميگى ن.ايتحوجينانىڭ جە­دەل­­حا­تىن­دا بىلاي دەلىنەدى: «ءسىز­دىڭ ۇم­تى­لىسىڭىز, ەڭبەگىڭىز بەن ءبىلىمىڭىز قازاقستانعا حالىق­ار­ا­لىق تانى­مال­­دىلىققا يە ءارى پوست­كەڭەستىك كە­ڭىستىكتەگى اسا تابىستى مەملەكەت بولۋعا مۇمكىندىك بەردى. ءسىزدىڭ قوعامدى دامىتۋداعى سترا­تەگيالىق باسىمدىقتاردى ناقتى انىقتاي بىلەتىندىگىڭىز بەن ەلدىڭ عىلىمي-تەحنيكالىق جانە يننو­ۆا­تسيالىق الەۋەتىن جوعارى­لاتۋ­داعى تالماس قامقورلىعىڭىز قا­زاقستاندىقتار­دىڭ العا قويىلعان اۋقىمدى مىندەتتەردى جۇزەگە اسىرۋ قىزمەتىن بەلسەندى ەتە ءتۇستى». سوعىس ارداگەرى, كسرو مەن قر-نىڭ قۇرمەتتى جول قىزمەتكەرى ي.كاراپىشتىڭ حاتىندا بىلاي دەلىنەدى: «ءسىزدى قازاقستان رەسپۋب­لي­كا­سى تاۋەلسىزدىگىنىڭ 20 جىلدىعىمەن شىن جۇرەكتەن قۇتتىقتايمىن. ءسىز, نۇرسۇلتان ءابىش ۇلى, ءبىزدىڭ ەلىمىز­دىڭ اسا قۇرمەتتى ازاماتىسىز. ءسىزدى ەلىمىزدىڭ ازاماتتارى جاقسى كورەدى. حالىق سىزگە «ەلوردانىڭ باس ار­حي­تەكتورى» دەگەن قۇرمەتتى اتاق بەردى». وسكەمەندىك زەينەتكەرلەر باق­تى­گۇل بوتانتاەۆا پرەزيدەنتتى قۇت­تىق­تاي كەلىپ, مىنانى اتاپ كور­سە­تەدى: «نۇرسۇلتان نازارباەۆتىڭ دانا باسشىلىعىنىڭ ارقاسىندا ءبىز­دىڭ ەلىمىزدى بۇكىل الەم تانىدى. ەندى قازاقستان – ءتۇرلى ۇلت وكىلدەرى بەيبىتشىلىكتە جانە كەلىسىمدە تۇ­رىپ جاتقان وركەندەگەن, جوعارى دامىعان ەل». مەملەكەت باسشىسىنىڭ اتىنا قۇتتىقتاۋلار ورتالىقازيالىق كەن-وندىرىستىك وداعىنىڭ مۇشەلەرى ا.بەيسەباەۆتان, ب.احمەتعاليەۆتان, ل.كرۋپنيكتەن, پرەزيدەنت جانىن­داعى قسزي ديرەكتورى ب.سۇل­تا­نوۆتان, جازۋشى, م.شولوحوۆ اتىن­داعى حالىقارالىق سىيلىقتىڭ لاۋ­رەاتى, قر-نىڭ ەڭبەك سىڭىرگەن قاي­راتكەرى س.دوسانوۆتان, قازاقستان حالقى اسسامبلەياسىنىڭ مۇشەسى م.احماديەۆتەن, ۆەتەريناريا عى­لىم­دارىنىڭ دوكتورى ە.قانجى­گى­تو­ۆادان, قر حالىق ءارتىسى, كومپوزيتور ب.جۇمانيازوۆتان, جازۋشى جانە ەكولوگ ە.عابباسوۆتان, قر ۇعا اكادەميگى ي.سەۆەرسكيدەن, اكادەميك س.سارتاەۆتان, قىزىلوردا وب­لى­سى­نىڭ سىرداريا اۋدانىنداعى اۋىل­دىق وكرۋگتىڭ ارداگەرلەر كەڭەسىنىڭ توراعاسى ت.جۇمابەك ۇلىنان, ەڭبەك ارداگەرى ز.قامشىباەۆادان, پروفەسسور ە.تەگىسباەۆتان, قىزىلوردا وبلىسىنىڭ سىرداريا اۋدانىن­دا­عى تەرەڭوزەك قالالىق ارداگەرلەر كەڭەسىنىڭ توراعاسى ا.پىرىمبەتتەن, ريددەر قالاسىنىڭ تۇرعىنى ح.ەستاەۆادان, وڭتۇستىك قازاقستان وب­لى­سىنىڭ سايرام اۋدانىنداعى قا­رابۇلاق اۋىلىنىڭ تۇرعىنى ش.دوسىمحانقىزىنان,  وڭتۇستىك قا­زاق­ستان وبلىسىنىڭ بايدىبەك اۋدا­نىنداعى شايان اۋىلىنىڭ تۇر­عىن­دارى ك.تىلەگەنوۆا مەن ا.ءىزباساروۆادان, الماتى وبلىسىنداعى ءۇش­تو­بە اۋىلىنىڭ تۇرعىنى و.ءبا­رى­­بە­كوۆ­تەن, استانا قالاسىنىڭ تۇرعى­نى ە.بەيسەنوۆادان, اقتوبە وبلى­سىن­داعى قاراعاش اۋىلىنىڭ تۇر­عىنى ك.ەركونەكوۆتەن, قازاق­ستان­­دىق مەكتەپ وقۋشىلارى ۋ.ءابي­حان, ن.ورازبەك, ن.جولدىباي, ە.تاكمەتبەك جانە باسقالاردان كەلىپ ءتۇستى.