سالتاناتتى شاراعا وبلىس اكىمى قۇمار اقساقالوۆ قاتىسىپ, كوپ جىلدان بەرى كەزەكتە تۇرعاندارعا پاتەر كىلتتەرىن تابىس ەتتى. وڭىردە جىل وتكەن سايىن تۇرعىن ءۇي قۇرىلىسى قارقىن الىپ كەلەدى. بىلتىر ءبىر مىڭ پاتەر بەرىلسە, بيىل 20 پايىزعا ارتىق. ساتىپ الۋ قۇقىعىمەن جالعا بەرىلگەن پاتەر كىلتتەرىنە كوپبالالى انالار, جەتىم بالالار, مۇمكىندىگى شەكتەۋلى جاندار, مەملەكەتتىك قىزمەتشىلەر, اسكەري سالا وكىلدەرى يە بولدى. جيىرما جىل مەرزىمگە بەرىلگەن پاتەر كەيىن جالعا الۋشىنىڭ مەنشىگىنە وتەدى. ونىڭ قۇنىن مەرزىمىنەن بۇرىن وتەۋگە دە بولادى.
«قازاقستان يپوتەكالىق كومپانياسى» اكتسيونەرلىك قوعامىنىڭ باسقارۋشى ديرەكتورى ارمان مۇقاتوۆ ۇيىم نۇرلى جەر» باعدارلاماسىنىڭ وپەراتورى بولىپ تابىلاتىنىن, جىل سوڭىنا دەيىن 96 پاتەرلىك تاعى ءبىر ءۇيدىڭ قونىس تويى تويلاناتىنىن جەتكىزدى. اق جاۋلىقتى انا التىنشاش رامازانوۆانىڭ قىزى ون ەكى جىل بويى پاتەر جالداپ كەلسە, ەندى ەكى باسپانانىڭ كىلتىنە قول جەتكىزىپ وتىر.
تۇرعىن ءۇيدىڭ جالپى اۋماعى 9300 شارشى مەتردى قۇرايدى. استانالىق «البات قۇرىلىس» جشس-ءى توعىز ايدىڭ ىشىندە قۇرىلىستى اياقتاپ, 850 ميلليون تەڭگە باعىتتاپتى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
