2018 جىلعى 9 تامىزدا تاجىكستان استاناسىندا قازاقستان رەسپۋبليكاسىنىڭ تاجىكستانداعى ەلشىلىگىنىڭ جاردەمدەسۋمەن جانە «اتامەكەن» ۇكپ سىرتقى ساۋدا پالاتاسى مەن تاجىكستان رەسپۋبليكاسىنىڭ ساۋدا-ونەركاسىپ پالاتاسىنىڭ ۇيىمداستىرۋىمەن قازاقستان-تاجىك ىسكەرلىك كەڭەسىنىڭ العاشقى وتىرىسى جانە قازاقستاندىق كاسىپكەرلەردىڭ ساۋدا ميسسياسى ءوتتى.
قازاقستان تاراپىنان اۆتوموبيل, قۇرىلىس, مەديتسينالىق, تاعام جانە باسقا دا ونىمدەردى شىعاراتىن 20 وتاندىق ءوندىرۋشى قاتىستى. ەكىجاقتى كەلىسسوزدەرگە قازاقستاندىق ونىمدەردى ساتىپ الۋعا قىزىعۋشىلىق بىلدىرگەن 100-دەن استام تاجىك كومپانيالارى قاتىستى. ءىس-شاراعا تاجىكستان رەسپۋبليكاسىنىڭ كولىك, ەكونوميكالىق دامۋ جانە ساۋدا, قارجى, دەنساۋلىق ساقتاۋ, ونەركاسىپ جانە جاڭا تەحنولوگيالار, ەنەرگەتيكا مينيسترلىكتەرىنىڭ وكىلدەرى كەلدى.
ساۋدا ميسسياسىنىڭ اشىلۋ سالتاناتىندا قازاقستان ەلشىسى نۇرلان سەيتىموۆ مۇنداي ءىس-شارالاردىڭ قازاقستان مەن تاجىكستان اراسىنداعى ءوزارا ساۋدانىڭ وسۋىنە جانە ەكونوميكالىق ىنتىماقتاستىقتى نىعايتۋعا جاردەمدەسەتىنىن ايرىقشا اتاپ ءوتتى. سونداي-اق, ەلشى ەكى ەل مەملەكەت باسشىلارىنىڭ ساۋدا-ەكونوميكالىق بايلانىستاردى ۇلعايتۋعا جانە تەرەڭدەتۋگە بارىنشا جاعداي جاساعانىن, ەكى ەل ىسكەر توپتارىنىڭ اراسىندا ءوزارا ءتيىمدى ارىپتەستىك قارىم-قاتىناستار جاساۋعا بەرىك ىرگەتاس قالاعانىن اتاپ كورسەتتى.
ىسكەرلىك كەڭەس وتىرىسىنىڭ شەڭبەرىندە «سارىاركااۆتوپروم» جشس مەن «ازيا گرۋپپ تادجيكيستان حولدينگى» جاق اراسىندا «JAC» ماركالى 50 ءاۆتوموبيلدى جەتكىزۋ جانە «JAC» اۆتوموبيلدەرىنە تاجىكستان اۋماعىندا ديللەرلىك وكىلەتتىكتەر بەرۋ تۋرالى ەكى كەلىسىمگە قول قويىلدى.
