ەلباسىمەن – ەرتەڭگە!

قازاقستاندىقتار مەملەكەت باسشىسىنىڭ تاۋەلسىزدىكتىڭ 20 جىلدىعىنا ارنالعان سالتاناتتى جينالىستا سويلەگەن سوزىنە ءۇن قوسادى _______________________

جاسامپازدىقتىڭ جولىن باستاۋشى

مەن ەلباسى نۇرسۇلتان نا­زار­باەۆتىڭ ۇستانعان سارا سايا­ساتى مەن باعىت-باعدارلا­ما­لارى­نىڭ قولداۋشىلارىنىڭ ءبىرىمىن. قاشاندا حالقىنىڭ قا­مىن ويلايتىن ەلباسى ەل ءتاۋ­ەلسىزدىگىنىڭ 20 جىلدىعىنا ار­نالعان سالتاناتتى جيىندا ەلى­مىزدىڭ وسى كەزەڭدە وتكەن جول­دارىن ادەمى ادىپتەپ بەردى. وسى كەزەڭدە قول جەتكەن جەتىستىكتەردى بوياماسىز بايانداعان ەلبا­سى­نىڭ سوزدەرىندە ەگەمەن ەلى­مىز­دىڭ وتكەن جولدارى ايقىن اڭ­عارىلدى. مۇنى ءار قازاقستان­دىق­تىڭ سەزىنىپ وتىر­عانى شىندىق. ەلىمىزدىڭ بۇگىنگى ەكونوميكالىق-الەۋمەتتىك دا­مۋىنىڭ قارقىنى دوستارى­مىز­دى قۋانتىپ, دۇشپانىمىزدى قىز­عانتۋدا. ەكونوميكالىق دا­مۋدىڭ ارقاسىندا حالقىمىزدىڭ تۇرمىسى جاقسارىپ, الەۋەتى ارت­تى. تاۋەلسىز 20 جىل ىشىندە اتقا­رىلعان شارۋالارعا حالقى­مىزدىڭ ريزا ەكەندىگىنە كۇمان جوق. كەڭەستىك كەزەڭنىڭ 70-جىل­دا­رىندا بارماعان الىس اۋىل­دارعا, ەلدى مەكەندەرگە قازىر سۋ قۇبىرلارى تارتىلىپ, «كوگىلدىر وتىن» بارعانىن كوزىمىز كورىپ وتىر. ەلباسى قاشاندا اۋىلدىڭ دامۋىن ۇدايى نازاردا ۇستاپ كەلەدى. ەلباسى تاۋەلسىزدىكتىڭ 20 جىلدىعىنا ارنالعان سال­تا­ناتتى جيىنىندا سويلەگەن ءسو­زىن­دە ەل ەكونوميكاسىنىڭ دامۋ باعىتتارىن ناقتىلاپ بەردى. تاۋەلسىزدىك اكەلگەن جەڭىستەر تۇعىرلى بولۋ ءۇشىن بۇگىنگى جاس­تارىمىز ەرەن ەڭبەك ەتۋى ءتيىس. ەلباسى 15 جەلتوقساندا ءسوي­لە­گەن سوزىندە جاستارعا, سونىڭ ىشىندە, عىلىممەن اينالىساتىن ورەندەرىمىزگە ۇلكەن سەنىم ارت­تى. بۇل سەنىمدى اقتاۋ ولاردىڭ ازاماتتىق پارىزى عانا ەمەس, سونىمەن بىرگە پاتريوتتىق مىندەتى دەپ ءبىلۋىمىز كەرەك. وتا­نىن قورعاۋ ءۇش­ىن قىرشىنى­نان قي­ىل­عان كەڭەس ودا­عى­نىڭ با­تى­رى ءاليا مول­دا­عۇ­لوۆا­نىڭ ەرلىك ىستەرىن ناسيحاتتاۋمەن اينالىسا ءجۇ­رىپ, ەلى­مىز­دىڭ ەگەمەندىگى وسىنداي قاي­سار ۇل-قىز­دا­رىمىزدىڭ ارقا­سىندا مۇمكىن بول­عانىن ايتقىم كەلەدى. ەلبا­سى بايانداماسىندا ەلىمىزدىڭ قول جەتكەن جەتىستىكتەرىمەن قاتار ەرتەڭگى دامۋ با­عىتتارى دا اي­قىن ءسوز بولدى. قاشاندا ناقتى ىسكە با­عىتتالاتىن باعدارلا­ما­لار­دى تىلگە تيەك ەتكەن ەلبا­سىنىڭ ءسوز­دەرىنەن ەلىمىزدىڭ تاياۋ جىل­دارداعى دامۋ باعىتتارى ايقىن اڭعارىلادى. ءبىز ەلبا­سى­نىڭ ءسوزى مەن ءىسىنىڭ بىرلىگىنە تالاي ءتانتى بولدىق. حالقىنا قىز­مەت ەتەتىن ۇلدىڭ ءسوزى قاشاندا ءوتىمدى. عالىمجان بايدەربەس, «قوس شىنار» ءاليا-مانشۇك اتىنداعى اقتوبە  قالالىق قايىرىمدىلىق قورى» قوعامدىق بىرلەستىگىنىڭ توراعاسى. اقتوبە وبلىسى.