جاڭاوزەن: جاعداي تىنىشتالىپ كەلەدى

19 جەلتوقسان كۇنى جاڭاوزەندەگى جاعداي ءبىر قالىپقا تۇسكەندەي بولدى. شەتەلدىك ءبىر توپ جۋرناليستەرمەن بىرگە وقيعا بولعان ور­تا­لىق الاڭ­دى, قيراتىلىپ, وتقا ورانعان قالالىق اكىمدىك, «وزەن­مۇ­نايگاز» وندىرىستىك فيليالى كەڭ­سەسى مەن «ارۋانا» قوناق ءۇيىن, ءىرى ساۋدا ورىن­دارىن ارالاپ كوردىك. كوشەلەردە ءتار­تىپ­سىزدىكتىڭ سالدارىنان قيراعان, ب ۇلىنگەن دۇنيە-م ۇلىكتەر, اۆتوكولىكتەر جينالا قويماپتى. كو­شە­لەردەگى جۇرگىنشىلەر قاتارى دا سيرەك. جەل­توقساننىڭ قارا سۋىعىنا قاراماي ىشكى ىستەر ورگاندارى مەن اسكەريلەر ساقتىق پەن قىراعى­لىق تانىتىپ, ازاماتتاردىڭ قاۋىپسىزدىگىن ساق­تاۋ جولىنداعى جۇمىستارىن اتقارىپ ءجۇر. قا­لاعا كىرەبەرىستەگى ارناۋلى پۋنكتتەردە توتەنشە جاعداي­لار­عا بايلانىستى تەكسەرۋ جولعا قو­يى­لىپتى. جالپى, قالا كوشەلەرى, نەگىزگى نى­سان­دار باقىلاۋ مەن قور­عاۋعا الىنعان. قالالىق اۋرۋحانا ماڭايىندا حا­لىق ءبىراز جينالىپ, تۋ­ما-تۋىس, دوس-جاران­دارىنىڭ جاعدايىنا الاڭ­داۋلى ەكەن. اۋرۋحانا باس ءدارى­گەرى­نىڭ ورىن­باسارى ر.جاپاروۆانى اڭگىمەگە تارتتىق. بىزدە 16, 17, 18 جەلتوقساندا دارىگەرلىك كومەك سۇراپ كەلگەن 99 ادام تىركەلدى. ءبىراز ادامعا جەدەل جاردەم كورسەتىلدى. كۇنى بۇگىن 23 ادامعا كومەك كورسەتىلىپ, ەم جاسالۋدا. 28 ادام اقتاۋعا جونەل­تىل­دى. بىزگە كەلگەندەردىڭ 85 پايىزى وق ءتيىپ, دەنە جاراقاتىن العاندار. جاس مولشەرلەرى 18-30 جاس ارالىعىنداعى ادامدار. ناۋقاستارعا قاجەتتى ءدارى-دارمەك پەن قان جەتكىلىكتى ەكەندىگىن جەتكىزدى. قالالىق شتابتا وبلىستىق ىشكى ىستەر دە­پار­­تامەنتىنىڭ باستىعى, قالا كومەندانتى, پوليتسيا پولكوۆنيگى ا.قابىلوۆپەن اڭگىمە­لەس­تىك. ەلباسى­نىڭ جارلىعىمەن 17 جەلتوق­سان­نان باستاپ جاڭا­وزەن قالاسىندا توتەنشە جاع­داي ەنگىزىلدى. مەن سول جار­لىققا وراي جاڭا­وزەن قالا­سى­نىڭ كومەندانتى قىز­مەتىن اتقا­رىپ جا­تىرمىن. جارلىققا وراي قالاعا كەلىپ-كەتۋ ۋا­قىتشا شەكتەلىپ, باسقا دا قاۋىپ­سىزدىك زاڭدى­لىق­تارى ساق­تالۋدا. قالا تۇگەل­دەي دەرلىك با­قى­لاۋعا الىندى. قازاق گاز وڭدەۋ زاۋىتى, «قازترانسويل» اق وبەكتىلەرىنە جانە باسقا دا حالىققا قىزمەت كورسەتەتىن نىساندارعا با­قى­لاۋ قويىلدى. جۇ­مىستارى بىرقالىپتى ءجۇ­رۋ­دە. ازىق-ت ۇلىك جەتكىزىلىپ, 3 ناۋبايحانا جۇ­مىس ىستەي باستادى. قالا­لىق اكىمدىك ۋاقىتشا دەنە شىنىقتىرۋ جانە سپورت كەشەنىنە ور­نا­لاستى. 20 جەلتوقسان كۇنى قالا­دا سەنبىلىك ءوت­كى­زىپ, كوشەلەردى, الەۋمەتتىك نىساندار ماڭايىن تازالاۋ جوسپارلانۋدا, بۇل جۇمىستى قا­لا­لىق «تازالىق» سەرىكتەستىگى قولعا الادى. بۇزا­قى­لار­دى ىزدەۋ, تەرگەۋ جۇمىستارى ءجۇرىپ جاتىر. بارلىعى 700-گە جۋىق ادام تەكسەرىلىپ, 49 ادام تۇتقىندالدى. ءبىر سوزبەن ايت­قان­دا, قوعامدىق ءتارتىپ قاتاڭ باقى­لا­نىپ, تۇرعىن­دار­دىڭ قاۋىپ­سىزدىگىن ساقتاۋ ءۇشىن قول­دان كەلگەن­نىڭ ءبارى جاسالۋدا. سونداي-اق قالادا جا­ڭاوزەن قالاسى­نىڭ ەكونوميكاسى مەن الەۋمەتتىك ءومى­رىن شۇعىل ارادا قالپىنا كەلتىرۋ ماقساتىندا قۇ­رىلعان كوميسسيا مۇشەلەرى دە جۇمىس جاساۋدا. سول كۇنى وبلىس اكىمى ق.كوشەرباەۆ قالا­دا­عى قالىپتى تۇرمىستى قامتاماسىز ەتۋشى قۇ­رى­لىم­دار قىزمەتىن قالپىنا كەلتىرۋ ماسە­لەلەرى بو­يىن­شا جۇمىس كەڭەسىن وتكىزدى. وعان توتەنشە جاع­داي­لار ءمينيسترى, ۇكىمەتتىك كوميسسيا ءتور­اعا­سىنىڭ ورىنباسارى, ىشكى كوميسسيا جەتەكشىلەرى ۆ.بوجكو, بايلانىس جانە اق­پارات ءمينيسترى ا.جۇ­ماعاليەۆ قاتىستى. وندا ءبىرىنشى كەزەكتە جەرگىلىكتى اتقارۋ­شى بيلىك­تىڭ قالىپتى جۇمى­سى ءۇشىن بارلىق جاع­داي­دى جاساۋ قاجەتتىگى ايتىلىپ, ونى جەدەل ءۇي­لەس­تىرۋ شارالارى بەلگىلەندى. قورىتا ايتقاندا, جاڭا­وزەندەگى جاع­داي­دى قالىپقا كەلتىرىپ, ازامات­تار­دىڭ قاۋىپ­سىز­دىگىن ساقتاۋ جولىنداعى جۇ­مىس­تار جۇيەلى ءجۇ­رىپ جاتىر. جولامان بوشالاق.