سۇحباتتاسۋ الدىندا ءوڭىر باسشىسى فرانتسۋز دەلەگاتسياسىن فرانتسيا قۇراماسىنىڭ رەسەيدەگى فۋتبولدان الەم چەمپيوناتىنداعى جەڭىسىمەن قۇتتىقتادى. سوڭعى رەت فرانتسۋزدار الەم بىرىنشىلىگىندە 20 جىل بۇرىن – 1998 جىلى جەڭىپ شىققان ەدى.
نۇرلان نوعاەۆ اتاپ وتكەندەي, بۇگىندە اتىراۋ وبلىسى مەملەكەت باسشىسى قويعان ستراتەگيالىق مىندەتتەردى ىسكە اسىرۋداعى بەلسەندى جانە جۇيەلى ءىس-قيمىلداردىڭ ناتيجەسىندە سەرپىندى دامۋ ۇستىندەگى وڭىرلەردىڭ ءبىرى. وبلىستا ۇدەمەلى يندۋستريالىق-يننوۆاتسيالىق دامۋ اياسىندا ءىرى اۋقىمدى ينۆەستيتسيالىق جوبالار ىسكە اسىرىلۋدا. قازىرگى تاڭدا ءوڭىر ەكونوميكانى ءارتاراپتاندىرۋ ماقساتىندا باسقا باعىتتاردى – اگروونەركاسىپتىك كەشەندى, دەنساۋلىق ساقتاۋ, تۋريزم سالالارىن دامىتۋدا. – مەملەكەت باسشىسى نۇرسۇلتان نازارباەۆتىڭ ەلىمىزگە شەتەلدىك ينۆەستيتسيالاردى, جوعارى تەحنولوگيالاردى تارتۋ, پەرسونالداردى الەمدىك ستاندارتتار بويىنشا وقىتۋ جونىندەگى تاپسىرماسى بار. وسى باعىتتا وبلىسىمىزدا بىرقاتار ىستەر اتقارىلدى, - دەپ ەرەكشە اتاپ ءوتتى نۇرلان نوعاەۆ. – ءبىز بيزنەستى دامىتۋ جانە ينۆەستيتسيالىق احۋالدى جاقسارتۋ ءۇشىن بارلىق جاعدايلاردى جاسايمىز. ءسىزدىڭ ەلدەن كەلگەن كومپانيالار بىرلەسكەن جوبالار قۇرۋ ءۇشىن بارلىق قاجەتتى كومەكتى الا الاتىنىنا سەندىرگىم كەلەدى.
اتىراۋ وبلىسىنىڭ فرانتسيامەن سىرتقى ساۋدا اينالىمى 2018 جىلدىڭ ءبىرىنشى توقسانىندا 854,9 ملن. اقش دوللارىن قۇرادى, بۇل وتكەن جىلدىڭ سايكەس كەزەڭىنە قاراعاندا 27,6%-عا ارتىق. ءوڭىر اۋماعىندا فرانتسۋز كاپيتالىنىڭ قاتىسۋىمەن 8 كومپانيا جۇمىس جاسايدى.
ءوز كەزەگىندە فرانتسيانىڭ قازاقستانداعى توتەنشە جانە وكىلەتتى ەلشىسى فيليپپ مارتينە وبلىس اكىمىمەن ەكى ەل اراسىنداعى ىنتىماقتاستىق بويىنشا الداعى جوسپارلارىمەن ءبولىستى.
- فرانتسيا قازاقستانمەن تىعىز ىنتىماقتاستىق جاسايتىن ەلدەردىڭ ۇشتىگىنە كىرەدى. وسى جىلى ەكى ەل اراسىنداعى ستراتەگيالىق ىنتىماقتاستىق تۋرالى شارتقا 10 جىل بولادى, - دەدى فيليپپ مارتينە. ءبىزدىڭ كومپانيالارىمىز ءسىزدىڭ ەل اۋماعىنداعى كوپتەگەن ءىرى جوبالارعا قاتىسادى. ءبىز جاڭا تەحنولوگيالاردى ۇسىنۋعا, قازاقستان ەكونوميكاسىنىڭ ءتۇرلى سالالارى ءۇشىن كادرلار دايىنداۋعا قاتىسۋعا دايىنبىز. بالامالى ەنەرگەتيكانى, مادەني بايلانىستاردى دامىتۋ, ستۋدەنتتەردى فرانتسيانىڭ جوعارعى وقۋ ورىندارىنا وقۋعا شاقىرۋ – بۇل ەكى ەل ەكونوميكاسىن بىرىكتىرۋدىڭ ءبىر بولىگى عانا.
سونىمەن قاتار فرانتسۋز ەلشىسى كوپتەگەن جوبالاردى ىسكە اسىرۋعا جانە فرانتسيا مەن قازاقستان اراسىنداعى مادەني بايلانىستاردى دامىتۋعا مۇمكىندىك بەرەتىن الدا بولاتىن قازاقستان-فرانتسۋز فورۋمى تۋرالى دا اڭگىمەلەدى.
كەزدەسۋ سوڭىندا وبلىس اكىمى نۇرلان نوعاەۆ وڭىردە ءوزارا ءتيىمدى ىنتىماقتاستىقتى جولعا قويۋعا بولاتىن وتە كوپ سالالاردىڭ بارىن ايتا كەلە, فرانتسيا وكىلدەرىن اتىراۋ وبلىسىنا ءجيى كەلۋگە شاقىردى.
