وبلىس دەلەگاتسياسى 2018 جىلعى استانا ەكونوميكالىق فورۋمى بارىسىندا قول قويىلعان مەموراندۋمدى جۇزەگە اسىرۋدىڭ ءتيىمدى مەحانيزمىن ازىرلەۋ ءۇشىن «Dunbia» كومپانياسىمەن كەلىسسوز جۇرگىزدى.
ءوڭىر دەلەگاتسياسى سونداي-اق كومپانيانىڭ وندىرىستىك نىساندارىن (سويۋ, وراۋ, وڭدەۋ تسەحتارىن) ارالادى. «Dunbia» كومپانياسىنىڭ باس كەڭسەسىندە ەت وڭدەۋدىڭ تولىق تسيكلى بويىنشا جوبانىڭ ىسكە اسىرىلۋ بارىسى تالقىلاندى.
– قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ اتاپ وتكەندەي, اگرارلىق سەكتور ەكونوميكانىڭ جاڭا قوزعاۋشى كۇشى بولۋى كەرەك. ءبىزدىڭ ءوڭىر اۋىل شارۋاشىلىعىندا, اسىرەسە مال شارۋاشىلىعىندا ۇلكەن الەۋەتكە يە. سوندىقتان ءبىز سىزدەرمەن بىرگە ايماقتىڭ اگروونەركاسىپتىك كەشەنىن دامىتۋ ماقساتىندا جەمىستى ىنتىماقتاستىق ورناتۋعا نيەتتىمىز, – دەدى باتىس قازاقستان وبلىسىنىڭ اكىمى التاي كولگىنوۆ.
«Dunbia» كومپانياسى باتىسقازاقستاندىق كاسىپكەرلەرمەن ارىپتەس بولۋعا, ماركەتينگ سالاسىندا ءوز تاجىريبەسىمەن بولىسۋگە دايىن ەكەنىن ءبىلدىردى. اتاپ ايتقاندا, كومپانيا قىتاي, يران جانە تاياۋ شىعىستىڭ نارىقتارىنا قازاقستاندىق ەتتى ىلگەرىلەتۋدى قامتاماسىز ەتۋگە مۇددەلى. «جايىك ەت» قازاقستاندىق كومپانياسىنىڭ ديرەكتورى ت.ەسكەندىروۆ اتاپ وتكەندەي, «Dunbia» سيياقتى جاھاندىق كومپانيالاردىڭ قازاقستاندىق جوبالاردى ىسكە اسىرۋى مەن ينۆەستيتسيالاۋى قازاقستاندىق كاسىپورىنداردىڭ دەڭگەيىن ەلەۋلى تۇردە كۇشەيتىپ, باسقا شەتەلدىك ينۆەستورلار ءۇشىن ۇلگى بولا الادى.
قوس تاراپ وكىلدەرى اۋىل شارۋاشىلىعىن تسيفرلاندىرۋ سالاسىن دامىتۋ ماقساتىندا وتكەن جۇمىس ساپارىن وتە جەمىستى بولعانىن اتاپ ءوتتى.
«ەگەمەن-اقپارات»
