ازىرگە كىنالى دەپ تانىلىپ وتىرعان ايىپكەر ءوزىنىڭ قىزمەتتىك اۆتوكولىگىندە 100 مىڭ تەڭگە پارا العان كەزىندە ۇستالىپتى. ياعني قالتا تەلەفونىنا قاتىستى قىلمىستى بۇركەمەلەپ قالۋ ءۇشىن تولىعىمەن بارلىعى 300 مىڭ تەڭگە سۇراعان.
-بۇل وقيعانىڭ ورىن الۋ سەبەبى, زاتون اۋداندىق پليتسيا بولىمىندە باسشىلىق تاراپىنان قاداعالاۋدىڭ بولماۋى,-دەپ ءتۇسىندىردى سىبايلاس جەمقورلىقپەن كۇرەس جونىندەگى اۋدانارالىق باسقارما باستىعىنىڭ سەمەي ءوڭىرى بويىنشا ورىنباسارى باقىتجان وتەپوۆ,-بۇل سىبايلاستىققا وراي تىركەلگەن جالعىز فاكتى ەمەس, وتكەن جىلدىڭ وزىندە سەمەيدە 97 قىلمىس تىركەلسە, ونىڭ 30-ىن پوليتسەيلەر جاساپ وتىر. سىبايلاس جەمقورلىق قىلمىسىنىڭ ۇشتەن ءبىرى پوليتسيا قىزمەتكەرلەرىنىڭ ەنشىسىندە. ماسەلەن, سەمەي قالالىق ىشكى ىستەر باسقارماسى جول-پاترۋل جاساعىنىڭ بىرنەشە قىزمەتكەرى 20 مىڭ تەڭگە پارا العان كەزدەرىندە ۇستالدى. ال 2018 جىلدىڭ العاشقى جارتىسىندا-اق, سىبايلاس جەمقورلىققا وراي ءتارتىپ ساقشىلارىنىڭ اراسىندا 17 قىلمىستىق ءىس تىركەلىپ وتىر.
راۋشان نۇعمانبەكوۆا,
سۋرەتتى تۇسىرگەن اۆتور
سەمەي.
