بۇگىنگى كۇنى الماتى تسيفرلاندىرۋدى ەنگىزۋ بويىنشا جانە ءىت ونىمدەرىن شىعارۋدا كوشباسشى بولىپ تابىلادى. «اقىلدى قالا» كونتسەپتسياسى بارىسىندا قاۋىپسىزدىك, قوعامدىق كولىك, ءبىلىم جانە دەنساۋلىق ساقتاۋ سالالارىندا جۇيەلى تسيفرلاندىرۋ جوبالارى ىسكە اسۋدا. بۇل كرەاتيۆتى كاسىپكەرلەر مەن ستارتاپەرلەر ءۇشىن ءىرى نارىق بولىپ تابىلادى.
وسى كەزدەسۋ بارىسىندا ب.بايبەك جاڭا تەحنولوگيالاردى ەنگىزۋ پروتسەستەردى اشىق جۇرگىزۋگە جانە وپەراتسيالىق شىعىنداردى ازايتۋعا ىقپال ەتەتىنىن, سونىمەن قاتار مەملەكەتتىك اپپارات پەن بيزنەستە ءتيىمدى اكىمشىلىككە قول جەتكىزەتىنىن اتاپ ءوتتى.
«مەملەكەتتىڭ مىندەتى –بيۋروكراتتىق كەدەرگىلەردى بارىنشا ازايتۋ, ءتيىستى ينفراقۇرىلىمدى قالىپتاستىرۋ, بيزنەس باستامالاردى ىنتالاندىرۋ. ول ءۇشىن قالادا ءتۇرلى قولداۋ شارالارى جۇزەگە اسۋدا, سونىڭ ىشىندە ارنايى ەكونوميكالىق ايماقتار جانە مەحانيزمدەر ارقىلى كاسىپكەرلەر قارجىلىق رەسۋرستارعا قول جەتكىزۋدە. دەگەنمەن, كەدەرگىلەر دە بارشىلىق, ال ولاردى دۇرىس شەشۋ ءۇشىن ءبىز جۇمىس جاساپ جاتقان كومپانيالار وكىلدەرىمەن عانا ەمەس, ءىستى ەندى عانا قولعا العان ستارتاپەرلەرمەن دە تۇراقتى كەزدەسەمىز», - دەپ اتاپ ءوتتى قالا باسشىسى.
ەلۆيرا سەرىكقىزى,
«ەگەمەن قازاقستان»
الماتى
