بىرىنشىدەن, ورىنداۋشىلار بۇگىنگى ۇيىمداستىرۋ پروتسەستەرىن ەلەكتروندى فورماتقا اۋىستىرۋمەن اينالىسىپ, نەگىزگى ماسەلە – تسيفرلى يندۋستريا قۇرۋدى كەيىنگە قالدىرىپ وتىر. بۇل جەردە ماسەلە بۇرىن نارىققا ەنبەگەن جاڭا سەكتورلاردى, تاۋارلار مەن قىزمەتتەردى تۋدىرۋعا تىرەلەدى. ماسەلەن, حالىقارالىق مەديتسينا كوپ جىلدار بويى قولدانىلىپ كەلە جاتقان پرەپاراتتاردى جاڭارتۋ ماسەلەسىن العا تارتىپ وتىر. كريميناليستەر قىلمىستاردى اشۋدىڭ كومپيۋتەرلىك باعدارلامالارىن جاساۋدا. سول سياقتى ساراپشىلار ساقتاندىرۋ, بانك جانە قور بيرجالارىندا بلوكچەين تەحنولوگيالارىنىڭ نەگىزىندەگى پەرسپەكتيۆالار تۋرالى ايتۋدا. كولىك سالاسىندا دا پيلوتسىز اۆتوموبيلدەر مەن اۆياتاكسيلەر, اۋىل شارۋاشىلىعى اۆياتسياسى مەن ماگيسترالدى كومپانيالاردىڭ تىكۇشاقتاردان باس تارتىپ, نىساندارعا مونيتورينگتەر جاسايتىن اپپاراتتاردىڭ شىعىپ جاتقانى ايتىلۋدا.
ەكىنشىدەن, بۇل جۇمىستا جەكە ادامداردىڭ باستامالارىن, عىلىمنىڭ جەتىستىگى مەن كاسىپكەرلىكتى قولدانعان ءارتۇرلى بيزنەس-يدەيالاردى قولداۋىمىز كەرەك. حالىقارالىق ەكسپەرتتەر ەكونوميكانى تسيفرلاندىرۋ جۇمىسىنا مەملەكەتتىڭ ارالاسۋىن شەكتەۋ كەرەكتىگىن ايتادى. ۇكىمەت پروتسەستەردىڭ ورىنداۋشىسى ەمەس, تەك مودەراتورى قىزمەتىن اتقارۋى كەرەك.
سونىمەن قاتار «ميدىڭ سىرتقا اعىلۋىن» دا تەجەۋدى قاراستىراتىن ارنايى باعدارلاما ازىرلەنۋى كەرەك. بۇگىنگى تاڭدا قازاقستاندىق ءىت ماماندار باتىسقا, ءتىپتى وزبەكستانعا دا كەتۋدە. جۋىردا ءماجىلىس دەپۋتاتتارىمەن رەسەيدىڭ سكولكوۆو تەحنولوگيا پاركىندەگى بولعان كەزدەسۋدە سوندا جۇرگەن جۇزدەگەن قازاقستاندىق قىزدار مەن جىگىتتەردى كەزدەستىردىك. قازىر رەسەيدىڭ جوو-لارىندا جەتپىس مىڭنان استام قازاقستاندىق جاستار وقيدى ەكەن. ولاردىڭ وقىعانىنا ەش قارسىلىق جوق, بىراق سولاردىڭ ەلگە ورالۋى قاداعالانۋى كەرەك قوي.
ۇشىنشىدەن, بىزدە ءالى كۇنگە تسيفرلاندىرۋدى رەتتەيتىن قۇقىقتىق قۇجاتتار ازىرلەنبەگەن. وتكەن جىلى پارلامەنتكە تسيفرلى ەكونوميكانى رەتتەيتىن زاڭ جوبالارىنىڭ كەشەندى پاكەتى اقىرى ەنگىزىلمەدى, ال ونى قاجەت ەتەتىن سالالار جەتەرلىك بولاتىن.
ءبىزدىڭ ۇلتتىق بانكىمىز ءساۋىر ايىندا كريپتوۆاليۋتالارمەن جاسالاتىن وپەراتسيالارعا تىيىم سالىناتىنىن جاريالادى. بىراق تسيفرلاندىرۋدىڭ الەمدىك تەندەنتسياسى بۇدان قاشىپ جاتقان جوق, ناتيجەسىندە ءبىزدىڭ ارتتا قالىپ قويۋىمىز مۇمكىن. سوندىقتان پروتسەسسكە تىيىم سالعاننان گورى ونى رەتتەگەن دۇرىس ەمەس پە؟
ماجىلىستەگى «اق جول» پارتياسىنىڭ فراكتسياسى وسى ماسەلەلەردىڭ ءبارىن ۇكىمەت باسشىسىنىڭ نازارىنا جەتكىزىپ, ۇلتتىق ەكونوميكانىڭ تسيفرلاندىرۋ سەكتورلارىن قولدايتىن جاڭا زاڭ جوبالارىن تەزىرەك ازىرلەۋدى العا تارتىپ وتىر.
ازات پەرۋاشەۆ,
ءماجىلىس دەپۋتاتى
