قىزىلوردا وبلىسىندا قولعا الىنعان جاڭا جوبا «الەۋمەتتىك بالاباقشا» وسى قيىن تۇيىندەردى مۇمكىندىگىنشە شەشۋگە سەپتەسەدى. بۇگىندە وبلىستاعى «قامقورلىق» داعدارىس ورتالىعىندا جاي-كۇيى جوق 26 ايەل تۇرادى. تۇرمىس تاۋقىمەتىن ءبىر كىسىدەي تارتقان وسى انالاردىڭ ماماندىعى جوقتارى قايتا دايارلاۋ كۋرستارىنان ءوتىپ, تۇراقتى جۇمىسپەن قامتىلۋىنا مۇمكىندىكتەرى بار. ولار جۇمىس ىستەپ, قاجەتىن ايىرۋ ءۇشىن «الەۋمەتتىك بالاباقشا» بالالارىن تەگىن قابىلداپ, باعىپ-قاعادى.
«قامقورلىق» داعدارىس ورتالىعىنىڭ ديرەكتورى جاندوس تۇرماعامبەتوۆ عيماراتتى كاسىپكەرلەر سالىپ بەرگەندىگىن ايتادى. ولار بالاباقشانى قاجەتتى زاتتارمەن جانە ويىنشىقتارمەن قامتاماسىز ەتكەن. تاعى ءبىر جاقسىلىعى, بالالار تەگىن تاسىمالدانادى. اناسى جۇمىسقا ورنالاسىپ, ءۇي-جاعدايى شەشىلگەن جاعدايدا بالاسىن وزىنە الا الادى.
ازىرگە رەسپۋبليكادا بالاماسى جوق جاڭا بالاباقشا الەۋمەتتىك تەڭسىزدىكتى وسىلايشا شەشىپ وتىر. ايدىڭ-كۇننىڭ امانىندا زار ەڭىرەپ دالادا قاڭعىپ قالعان شەرلى انالاردىڭ قامقور جاندار مەن مەملەكەتتىك كومەكتىڭ ارقاسىندا كوزىندەگى جاسى قۇرعادى. قىزىقتى بالالىق شاعىن وكسىكپەن وتكىزىپ كەلە جاتقان بالاقايلار دا ايالى الاقانعا ءتۇسىپ, قۋانىپ ءجۇر.
باقتيار تايجان,
«ەگەمەن قازاقستان»
قىزىلوردا وبلىسى
