ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەلەرى ەلىمىزدىڭ ىشكى اسكەرىنە قاراستى 6656 اسكەري بولىمىندە جانە ماڭعىستاۋ وبلىستىق ىشكى ىستەر دەپارتامەنتىندە وتكەن كوشپەلى وتىرىس اياسىندا ساربازدارمەن جانە ساقشىلارمەن جۇزدەسىپ, ەلىمىزدىڭ تىنىس-تىرشىلىگى تۋرالى جان-جاقتى اڭگىمەلەدى.
كەزدەسۋدە ەلباسى ن.نازارباەۆتىڭ جولداۋىنداعى باستى باعىتتاردىڭ ءبىرى رەتىندە انىقتالعان – تسيفرلاندىرۋ مەن جاڭا تەحنولوگيالاردى ەنگىزۋدى زاڭدى تۇرعىدان قامتاماسىز ەتۋ ماسەلەلەرى ءسوز بولدى.
– ءبىزدىڭ ەلىمىز نەبىر قيىندىقتاردى ارتقا تاستاۋمەن قاتار, سول قيىندىقتاردان ساباق, تاعىلىم الىپ جەتىلىپ كەلەدى. مەملەكەت باسشىسى الدىمىزعا قويعان تاپسىرمالار – ەل كەلەشەگىنىڭ كەپىلى. ەلباسى الەۋمەتتىك جاڭعىرتۋ جولىندا جاڭا قادام جاساۋعا دايىن ەكەنىمىزدى مالىمدەپ, 5 الەۋمەتتىك باستامانى ۇسىندى. بۇل – جاڭاشا تۇلەۋ, بولاشاققا جاڭاشا قادام باسۋ دەگەن ءسوز. وزدەرىڭىز بىلەسىزدەر, ءبىرىنشى باستاما – بۇل ءاربىر وتباسى ءۇشىن تۇرعىن ءۇي الۋدىڭ جاڭا مۇمكىندىكتەرى. قازىرگى كەزگە دەيىن كوپتەگەن وتباسىلاردىڭ ءوز باسپانالارى جوق. دەمەك, بۇل ايرىقشا الەۋمەتتىك ماڭىزى بار ماسەلە. يپوتەكانىڭ قولجەتىمدىلىگىن ارتتىرۋ, ونى شەشۋ ءۇشىن بارلىق جاعدايدى جاساۋ قاجەت, – دەگەن ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى باقىتجان ەرتاەۆ پوليتسيا قىزمەتكەرلەرىنىڭ جۇمىسىمەن تانىسىپ, ءتارتىپ ساقشىلارىنا حالىقتىڭ الەۋمەتتىك جاعدايىن جاقسارتۋ ءۇشىن جاستاردى پاتريوتتىق تاربيەلەۋ بويىنشا جۇرگىزىلىپ جاتقان شارالار تۋرالى ايتىپ بەردى.
جاۋاپتى قىزمەتتە جۇرگەن پوليتسەيلەرگە ەلباسى جولداۋىنىڭ وزەكتىلىگىمەن قاتار, ءتارتىپ ساقشىلارى قىزمەتىنىڭ الار ورنىن, ولارعا جۇكتەلگەن مىندەتتەردىڭ ماڭىزدىلىعىن, سونداي-اق ولاردىڭ ەل الدىنداعى جاۋاپكەرشىلىگىنىڭ تەرەڭدىگىن اڭگىمەلەگەن دەپۋتاتتارعا ماڭعىستاۋ وبلىسى ىشكى ىستەر دەپارتامەنتىنىڭ باستىعى, پوليتسيا پولكوۆنيگى قانات تايمەردەنوۆ العىس ايتىپ, ريزاشىلىعىن ءبىلدىردى.
– ءبىز سىزدەرمەن كەزدەسىپ, الەۋمەتتىك مۇمكىندىكتەر تۋرالى ماسەلەلەردى تالقىلاۋدى ۇلكەن قۇرمەت دەپ قارايمىز. پوليتسيا قىزمەتكەرلەرى قىزمەتتىڭ قيىندىقتارىنا قاراماستان, حالىقتىڭ يگىلىگى ءۇشىن كۇشەيتىلگەن تارتىپتە جۇمىس ىستەيدى. تەحنيكالىق بازانى جەتىلدىرۋ ماقساتىندا جاڭا تەحنولوگيالاردىڭ ەنگىزىلۋىنە بايلانىستى ايماقتاعى كريمينوگەندىك جاعداي ايتارلىقتاي جاقساردى, – دەدى دەپارتامەنت باسشىسى ق.تايمەردەنوۆ.
ادال قىزمەت ەتىپ, حالىقتىڭ قالاۋلىسىنا, ەلىنىڭ قاھارمان ەرىنە اينالعان ازاماتپەن كەزدەسۋ – پوليتسەيلەردى, اسىرەسە جاس ساقشىلاردى قاناتتاندىرىپ, قىزمەتكە دەگەن قىزىعۋشىلىعىن ارتتىرا تۇسەتىن اسەر بەرگەنى انىق.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
