وسىعان دەيىن 13 ساۋىردە توراعا وكىمىمەن وبلىستىق سوتتا 7 باعىت بويىنشا ارنايى جۇمىس توبى قۇرىلىپ, جاۋاپتى سۋديالار مەن قىزمەتكەرلەر بەكىتىلگەن بولاتىن. دوڭگەلەك ۇستەل بارىسىندا جۇمىس توبىنىڭ وكىلدەرى سوت جۇيەسىن ودان ءارى دامىتۋ, سوت تورەلىگىنە سەنىمدى ارتتىرىپ, سوت تورەلىگىنىڭ ادىلدىگىن, جاۋاپكەرشىلىگىن ارتتىرۋ ماسەلەلەرىن ورتاعا سالدى.
ماڭعىستاۋ وبلىستىق سوت توراعاسى ج.الانوۆ ءمىنسىز سۋديانىڭ كەلبەتى مەن وعان قويىلاتىن باستى تالاپتارعا ەرەكشە توقتالىپ, تاۋەلسىز سوت تورەلىگىنىڭ حالىقارالىق ستاندارتتارى نەگىزىندە قازاقستاندىق قوعامنىڭ سۇرانىسىنا ساي, جوعارى كاسىبي سوت كورپۋسىن قالىپتاستىرۋ, سوت تورەلىگىن اتقارۋ كەزىندەگى سۋديالاردىڭ سىرتقى جانە ىشكى تاۋەلسىزدىگىن زاڭنامالىق, قۇقىقتىق جانە ماتەريالدىق كەپىلدىكتەرىن ارتتىرۋ تۋرالى اتاپ ءوتتى. سونداي-اق, ول سۋديانىڭ كونكۋرسقا قاتىسۋ كەزىندە قويىلاتىن تالاپتارىن بەكىتىپ, ءمىنسىز سۋديا سىبايلاس جەمقورلىقتان ادا بولۋ كەرەكتىگى تۋرالى ۇسىنىس ەنگىزۋ قاجەتتىگىنە توقتالدى.
ودان ءارى سوت توراعاسى جاقىندا باتىس ايماعى بويىنشا سوت توراعالارىمەن كەزدەسۋ وتكىزىپ, 7 تۇيىندە كوزدەلگەن باستامالار مەن جۇمىس باعىتتارىن تالقىلاۋدى, ءوزارا پىكىر الماسۋدى, وبلىستىق سوتتا اشىلاتىن مەدياتسيا ورتالىعىن قازاقى ناقىشتا بەزەندىرۋ تۋرالى ويىمەن ءبولىستى.
ءىس-شاراعا قاتىسۋشىلار تاتۋلاستىرۋ جوباسى بويىنشا كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا, اقتاۋ قالاسى №2 سوتىندا مەدياتسيامەن قارالاتىن ىستەردىڭ سانىن ارتتىرۋ, سۋديالاردى مەدياتسيانى جۇرگىزۋ بويىنشا تەرەڭدەتىلگەن كۋرستارعا ءوز ەركىمەن جىبەرۋ, سۋديالار اتىنا تۇسكەن العىس حاتتار بويىنشا ءمىنسىز سۋديا جوباسىنا ۇسىنىس ەنگىزۋ, 7 ءتۇيىن جوباسى بويىنشا سوت ارداگەرلەرىن, مەدياتورلاردى, ادۆوكاتتاردى جۇمىسقا تارتۋ تۋرالى ويلارىن بەلسەندى تۇردە ورتاعا سالدى.
ماڭعىستاۋ وبلىستىق سوت سۋدياسى ا.مولباەۆا وبلىستىق سوتتا داۋلار مەن جانجالداردى رەتتەۋ بويىنشا حالىققا كەشەندى قىزمەت كورسەتۋ, تاتۋلاسۋ راسىمدەرىنىڭ قولدانۋ اياسىن كەڭەيتۋ ماقساتىندا مەدياتور, ادۆوكات, نوتاريۋس, حقو جانە كاسىپوداق ورتالىعى وكىلدەرىنىڭ كەڭەستەرىن الۋعا مۇمكىندىك بەرەتىن «قۇقىقتىق قىزمەت كورسەتۋ ورتالىعىن» اشۋ تۋرالى ۇسىنىس ايتتى. سونىمەن قاتار, سوتتار اكىمشىسىنىڭ باسشىسى ح.بەگاليەۆ «7 ءتۇيىن» جوباسى اياسىنداعى جۇمىس توبىنىڭ فۋنكتسيونالدىق مىندەتتەرى بويىنشا ءوز ۇسىنىستارىن ءبىلدىردى.
قىزۋ تالقىلاۋ سوڭىندا سۋديا-مەدياتوردى باسقا جۇمىستاردان بوساتۋ تۋرالى وكىم شىعارىلىپ, ونىڭ مىندەتتەرى, جاۋاپكەرشىلىگى مەن جۇمىس تارتىپتەرى ايقىندالدى. جۇمىس توبىنداعى سۋديالار مەن سوتتار اكىمشىسىنىڭ قىزمەتكەرلەرىنە ءبىر اپتا مەرزىم ىشىندە جۇمىس باعىتتارىن ناقتىلاپ, جوسپار بەكىتىپ, بىرقاتار ناقتى تاپسىرمالاردى جۇزەگە اسىرۋ جۇكتەلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
