پارتيا توراعاسىنىڭ ءبىرىنشى ورىنباسارى ماۋلەن اشىمباەۆ اقمولا وبلىسىنا ساپارى بارىسىندا وسى جوبالاردىڭ جۇزەگە اسىرىلۋ بارىسىمەن تانىستى. الدىمەن ول كوكشەتاۋ قالاسى ورتالىعىندا ورنالاسقان م.عابدۋللين اتىنداعى №3 مەكتەپ-گيمنازياسىندا بولىپ, ءىت-سىنىپتىڭ قازىرگى جاعدايىن كورىپ ءبىلدى. اتالعان ءبىلىم شاڭىراعىنا ماۋلەن اشىمباەۆ اقمولا وبلىسىنىڭ اكىمى مالىك مىرزالينمەن بىرگە كەلدى. ايتا كەتۋ كەرەك, بۇل وقۋ ورداسىندا پارتيانىڭ بالالارعا باعدارلامالاۋ نەگىزدەرىن وقىتاتىن تەگىن ءىت-سىنىپتار اشۋ جوباسى بويىنشا ارنايى سىنىپ جۇمىس ىستەيدى. وقۋشىلار بۇل كۇندە «Pascal», Java», «PhP», «Delph» سياقتى باعدارلامالاۋ تەتىگىن يگەرىپ, روبوت-تەحنيكاسىنا قاتىستى بىلىمدەرىن تەرەڭدەتۋگە مۇمكىندىك الىپ وتىر. بۇل ءۇشىن مەكتەپ قابىرعاسىندا بارلىق جاعداي جاسالعان. پارتيا باستاماسىمەن ەلىمىزدە مىڭعا تارتا ءىت-سىنىپ اشىلىپ, وندا جىلىنا 150 مىڭ بالا باعدارلامالاۋ جانە روبوت-تەحنيكاسىن يگەرۋ ماشىقتارى بويىنشا تەرەڭدەتىلگەن ءبىلىم الاتىن بولادى.
بۇدان باسقا, وتكەن جىلى مەكتەپ بازاسىندا «باعدارلامالاۋ» ۇيىرمەسى اشىلعانى بەلگىلى. وندا جەتكىنشەكتەر ءىت تەحنولوگيا, 3D مودەلدەۋ سياقتى جاڭا يننوۆاتسيالىق باعىتتا بىلىمدەرىن تولىقتىرا الدى. سونىڭ ارقاسىندا مەكتەپ ءتۇرلى يننوۆاتسيالىق جوبالار بايقاۋىندا توپ جارىپ, وقۋشىلار جوعارى جەتىستىكتەرگە قول جەتكىزىپ كەلەدى. ايتا كەتۋ كەرەك, 9, 11-سىنىپ وقۋشىلارىنىڭ مەملەكەتتىك ەمتيحانعا جانە ۇلتتىق بىرىڭعاي تەستىلەۋگە دايىندالۋىنا ارنالعان ۆەب-سايتتى وسى مەكتەپ-گيمنازيانىڭ جاس ونەرتاپقىشتارى ويلاپ تاپقان. مىنە, وسىنداي اۋقىمدى جۇمىستاردىڭ تابىستى جۇزەگە اسىرىلۋى «تسيفرلى قازاقستان» مەملەكەتتىك باعدارلاماسىنىڭ جەمىسى ەكەنى ءسوزسىز.
سونداي-اق پارتيا توراعاسىنىڭ ءبىرىنشى ورىنباسارى ا.مىرزاحمەتوۆ اتىنداعى كوكشەتاۋ ۋنيۆەرسيتەتىندەگى ءىت-ورتالىقتىڭ جۇمىسىمەن جان-جاقتى تانىستى. بۇل ورتالىق پارتيانىڭ ءىت-ماماندار دايارلاۋ جوباسى اياسىندا اشىلعان. ەندى بۇل جەردە ۋاقىتشا جۇمىسسىز جۇرگەن جانە ءوزىن ءوزى جۇمىسپەن قامتىعاندار باعدارلامالاۋ نەگىزدەرى بويىنشا ءبىلىم الىپ كەلەدى. ولار «Java», «PhP», «Delphi», «C++3D», «Max3D», «Studio», «MaxFoxPro», «Corell3» سياقتى باعدارلامالارمەن تانىسىپ عانا قويماي, سولاردى پايدالانۋ ارقىلى جۇمىس ىستەۋگە ماشىقتانادى. جالپى, ءىت-كومپانيالار مەن ءىرى جوعارى وقۋ ورىندارى بازاسىندا وسىنداي 20 ءىت-ورتالىق اشىلىپ, ولاردا جىلىنا 35 مىڭ ادام ءبىلىم الادى دەپ جوسپارلانىپ وتىر. ەل تۇرعىندارىنىڭ تسيفرلى ساۋاتتىلىعىن ارتتىرۋ باعىتىندا قازىرگى تاڭدا كوپتەگەن جۇمىستار اتقىرىلۋدا. اسىرەسە جاستاردى باسەكەگە قابىلەتتى مامان رەتىندە قالىپتاستىرۋ ەرەكشە نازاردا. سوندىقتان دا الداعى ۋاقىتتا جاستاردىڭ قابىلەتتەرىن شىڭداۋ ماقساتىندا پارتيا ايتارلىقتاي كۇش سالاتىن بولادى.
ساپار بارىسىندا م.اشىمباەۆ وڭىردەگى بيزنەس قاۋىمداستىق وكىلدەرىمەن كەزدەسىپ, وسى سالاداعى پارتيالىق جوبالار جايىن كەڭىنەن تالقىلادى. «نۇر وتان» پارتياسى شاعىن جانە ورتا بيزنەستى قولداۋ ماقساتىندا كاسىپكەرلەرگە ارنالعان بىرىڭعاي گەواقپاراتتىق ونلاين قىزمەت ۇسىناتىن پورتال قۇرۋدى قولعا الىپ, وندا بيزنەس سالاسىنداعى مەملەكەتتىك قىزمەتتەردى ەلەكتروندى فورماتقا كوشىرۋ, دامىعان ەلدەردىڭ ەڭ ۇزدىك ۇلگىلەرىن ەنگىزۋ جانە بيزنەس شىعىندارىن ازايتۋ كوزدەلگەن. سونىمەن قاتار بۇدان بىلاي كاسىپكەرلەردىڭ كوممەرتسيالىق ماقساتتاعى جەر تەلىمدەرىنە قاتىستى تولىق مالىمەت الۋىنا, بيزنەس جۇرگىزۋدىڭ بىرىڭعاي ستاندارتتارىن ەنگىزۋ جايىنان حاباردار بولۋىنا مۇمكىندىك جاسالادى. «اتامەكەن» ۇلتتىق كاسىپكەرلەر پالاتاسىنىڭ وبلىستىق فيليالىندا وتكەن باسقوسۋدا ءوڭىردىڭ باس جوسپارى ەنگىزىلگەن ينتەراكتيۆتى كارتا دايارلاۋ باستاماسى تالقىلاندى. وسى كارتا ارقىلى اقمولالىق كاسىپكەرلەر ينجەنەرلىك ينفراقۇرىلىمعا قول جەتكىزىپ, بوس جەر تەلىمدەرى تۋرالى تولىق مالىمەتتەر الا الادى.
م.جۇماباەۆ اتىنداعى اقمولا وبلىستىق امبەباپ عىلىمي كىتاپحاناسىنا ات باسىن بۇرعان پارتيا توراعاسىنىڭ ءبىرىنشى ورىنباسارى قازىرگى تاڭدا ەلىمىزدەگى كىتاپحانالاردىڭ زاماناۋي ءبىلىم ورتالىقتارى رەتىندە قايتا قۇرۋ جۇمىستارى باستالعانىنا توقتالدى. «رۋحاني جاڭعىرۋ» باعدارلاماسى اياسىندا ەلىمىزدەگى كىتاپحانالاردى زاماناۋي ءبىلىم ورتالىقتارى رەتىندە قايتا قۇرۋ باستاماسى پارتيا جوبالارىنىڭ قاتارىندا.
«پارتيا توراعاسىنىڭ تاپسىرماسىنا سايكەس «نۇر وتان» پارتياسى دا ءوز قىزمەتىن جاڭعىرتۋ بويىنشا ناقتى جۇمىستاردى قولعا الدى. اقمولا وبلىسىنداعى يگى باستامالار سونىڭ جەمىسى. الداعى ۋاقىتتا دا پارتيا قازاقستاندىقتاردىڭ زامان تالاپتارىنا بەيىمدەلگەن, يننوۆاتسيالىق جەتىستىكتەردى ەركىن مەڭگەرگەن, ءىت سالاسىندا باسەكەگە قابىلەتتىلىگىن ارتتىرۋ ءۇشىن باستاعان جۇمىستارىن لايىقتى جالعاستىرادى», دەدى م.اشىمباەۆ پارتيالىق جوبالاردىڭ ماڭىزدىلىعى تۋرالى ايتا كەلىپ. ساپار سوڭىندا پارتيا توراعاسىنىڭ ءبىرىنشى ورىنباسارى «نۇر وتان» پارتياسى وبلىستىق اكتيۆىمەن كەزدەسىپ, پارتيالىق جوبالاردى جۇزەگە اسىرۋدىڭ ءتيىمدى تەتىكتەرىن جان-جاقتى تالقىلادى.
اسقار تۇراپباي ۇلى,
«ەگەمەن قازاقستان»
اقمولا وبلىسى
