وتانسۇيگىشتىكتى, تابيعاتقا دەگەن قامقورلىقتى ناسيحاتتاۋدى ماقسات ەتەتىن ماڭىزدى شارانى الماتى قالاسى مەدەۋ اۋدانىنىڭ اكىمدىگى, تابيعي رەسۋرستار جانە تابيعاتتى پايدالانۋدى رەتتەۋ باسقارماسى, ءبىلىم باسقارماسى مقكم جاس ناتۋراليستەر ستانساسى ۇيىمداستىرىپ وتىر.
فەستيۆالدىڭ دەمەۋشىسى, جاسىل-جەلەكتەردى وتىرعىزىپ, ولاردى كۇتۋمەن اينالىساتىن «گرين لاند» جشس ديرەكتورى گ.ءا. قالدىباەۆا «ماقساتىمىز – سيرەپ بارا جاتقان قىزعالداق تۇرلەرىنە دەگەن قامقورلىقتى, ناسيحاتتى كۇشەيتۋ, قىزعالداقتار مەرەكەسىن وتكىزۋ ارقىلى قىزىل كىتاپقا ەنگەن قىزعالداق تۇرلەرىن كوبەيتۋ», دەپ اتاپ ءوتتى. قازىرگى كەزدە اتالعان كومپانيا ماماندارىمەن وسىرىلگەن 10 مىڭ قىزعالداق الماتى قالاسىنداعى ەكى ساياباقتا جايقالىپ تۇر.
ال جابايى جانە سيرەك كەزدەسەتىن وسىمدىكتەر الەمىن زەرتتەۋمەن اينالىساتىن بيولوگ-عالىم ا.ا. يۆاششەنكو فەستيۆالگە قاتىسۋشىلاردى وسىمدىكتەردى ايالاۋعا شاقىردى.
– بۇگىندە الەمدە گۇلدىڭ 110-عا تارتا ءتۇرى كەزدەسەدى. ەلىمىزدىڭ باي ولكەلى قىراتتارىندا 42 ءتۇرى وسەدى. وزگە ەلدەردە كەزدەسپەيتىن تۇرلەرى قىزىل كىتاپقا ەنگەن. ال قازاقستاننان كوشىرىلگەن گۇلدىڭ سورتتارى ەلۋ-ءجۇز جىل جاسايتىن بولسا, ەلىمىزدىڭ تابيعاتى اياسىندا جايقالعان جابايى قىزعالداق تۇرلەرى ميلليونداعان جىلدار جايقالىپ تۇرا بەرمەك. سوندىقتان ولارعا ادامزاتتىڭ قامقورلىعى اسا قاجەت, – دەدى عالىم.
ەلۆيرا سەرىكقىزى,
«ەگەمەن قازاقستان»
الماتى
