شىعارماشىلىقتىڭ وسىناۋ ەرەكشە تۇرىنە ايرىقشا ءمان بەرىپ, فوتوگراف قيالى ارقىلى اسەمدىككە جان ءبىتىرۋدى كوكسەگەن «اۋىل» حالىقتىق-دەموكراتيالىق پاتريوتتىق پارتياسى مەن «ەگەمەن قازاقستان» گازەتى ۇجىمى 2018 جىلدىڭ 3 مامىرى مەن 1 قاراشاسى ارالىعىندا «اۋىل ناقىشتارى» تاقىرىبىندا فوتوبايقاۋ جاريالايدى.
«اۋىل ناقىشتارى» تاقىرىبى بويىنشا وتكىزىلەتىن فوتوبايقاۋ ەرەجەسى
1. جالپى ەرەجەلەر
1.1. فوتوبايقاۋ ۇيىمداستىرۋشىلارى – «اۋىل» حالىقتىق-دەموكراتيالىق پاتريوتتىق پارتياسى» قب جانە «ەگەمەن قازاقستان» رەسپۋبليكالىق گازەتى» اق (بۇدان ءارى – ۇيىمداستىرۋشىلار). مەكەنجاي: 010000, استانا قالاسى, الماتى, 1 ك-ءسى, «اسىلتاۋ» بو, 010008, استانا ق., ەگەمەن قازاقستان ك-ءسى, 5/13.
1.2. فوتوبايقاۋعا جاس ەرەكشەلىگىنە, ماماندىعىنا جانە قىزىعۋشىلىقتارىنا قاراماستان, قازاقستان رەسپۋبليكاسى ازاماتى بولىپ تابىلاتىن بارلىق كاسىبي جانە اۋەسقوي فوتوگراف قاتىسا الادى.
1.3. ءاربىر قاتىسۋشى بايقاۋعا 3 سۋرەتكە دەيىن ۇسىنا الادى. بايقاۋدىڭ تاقىرىبى – «اۋىل ناقىشتارى». فوتولار تۋعان ولكەنىڭ اسەم كوركى مەن تۇرعىندارىنىڭ كەلبەتى, اۋىل تۇرمىسى مەن تىرشىلىگى, تابيعاتتى ايالاۋ كورىنىستەرىن قامتۋى جانە قازاقستان رەسپۋبليكاسى تەرريتورياسىندا تۇسىرىلگەن بولۋى ءتيىس. ءبىر اۆتور تاراپىنان بايقاۋعا ۇسىنىلعان 3 سۋرەت جانرى, تاقىرىپتىق سيپاتى جانە مازمۇنى جاعىنان ءارتۇرلى بولۋى شارت.
1.4. فوتوبايقاۋدىڭ باستالۋى: 2018 جىلدىڭ 03 مامىرى.
1.5. فوتوبايقاۋدىڭ ناتيجەسىن شىعارۋ: 2018 جىلدىڭ 01 قاراشاسى.
1.6. بايقاۋعا قاتىسۋشىلاردىڭ سۋرەتتەرىنە كەلەسىدەي تەحنيكالىق تالاپتار قويىلادى:
– JPG فورماتىندا بولۋى;
– پيكسەل كولەمى 3 000-نان كەم بولماۋى;
– ءاربىر سۋرەتتىڭ كولەمى 5 مb-تان اسپاۋى ءتيىس.
1.7. فوتولار «فوتوبايقاۋعا» دەگەن ايدارمەن auyl.kz سايتىنا جولدانۋى ءتيىس.
2. بايقاۋعا قاتىسۋشىلاردىڭ قۇقىقتارى مەن مىندەتتەرى
2.1. قاتىسۋشى بايقاۋعا ءوز سۋرەتىن جىبەرە وتىرىپ, فوتونىڭ اۆتورى ءوزى ەكەندىگىنە جانە ول ەشكىمنىڭ اۆتورلىق قۇقىعىن بۇزبايتىندىعىنا, سونداي-اق سۋرەت بۇرىن ەشقانداي فوتوبايقاۋعا ۇسىنىلماعاندىعىنا جانە ەشقانداي باسىلىمدا/ينتەرنەت-رەسۋرستا جاريالانباعانىنا كەپىلدىك بەرەدى.
2.2. فوتوبايقاۋعا قاتىسۋشىلار اۆتورلىق جانە ساباقتاس قۇقىقتاردىڭ ساقتالۋى بويىنشا جاۋاپكەرشىلىكتى ءوز موينىنا الادى. بايقاۋعا قاتىسۋشىنىڭ سۋرەتتەرىنە قاتىستى ءۇشىنشى تاراپتان قاندايدا ءبىر شاعىم تۇسكەن جاعدايدا قاتىسۋشى ماسەلەنى ءوز مۇمكىندىكتەرىنە سۇيەنىپ, ءتيىستى شىعىندارىن ءوز ەسەبىنەن جابۋ ارقىلى شەشۋگە مىندەتتەلەدى.
2.3. قاتىسۋشى بايقاۋعا ءوز سۋرەتىن جىبەرە وتىرىپ, فوتوبايقاۋعا قاتىسۋعا كەلىسىم بەرەتىندىگىن جانە وسى ەرەجەدە كورسەتىلگەن بايقاۋدىڭ شارتتارىمەن كەلىسەتىندىگىن راستايدى.
2.4. قاتىسۋشى بايقاۋعا ءوز سۋرەتىن جىبەرە وتىرىپ, ۇيىمداستىرۋشىلارعا بولاشاقتا ءوز فوتولارىن «ەگەمەن قازاقستان» گازەتى بەتتەرىندە, ۇيىمداستىرۋشىلاردىڭ سايتتارى (www.auyl.kz, www.egemen.kz) مەن الەۋمەتتىك جەلىلەردەگى رەسمي پاراقشالارىندا اۆتورلىق قالاماقىسىز جانە كوممەرتسيالىق ەمەس ماقساتتا شەكتەۋسىز كولەمدە پايدالانۋعا كەلىسىم بەرەدى. ۇيىمداستىرۋشىلار فوتوبايقاۋعا قاتىسۋشىنىڭ سۋرەتىن ءاربىر قولدانعان كەزدە اۆتوردىڭ اتى-ءجونىن ءتيىستى تالاپتارعا سايكەس كورسەتەتىن بولادى.
2.5. بايقاۋعا جىبەرىلگەن سۋرەتتەر كەلەسىدەي جاعدايلاردا فوتوبايقاۋعا قاتىستىرىلمايدى:
– فوتو بايقاۋدىڭ تاقىرىبىنا ساي كەلمەسە;
– سۋرەتتىڭ شىعارماشىلىق جانە تەحنيكالىق ساپاسى وتە تومەن دەڭگەيدە بولسا;
– فوتو ەروتيكالىق مازمۇندا بولسا, سونداي-اق سۋرەتتەردە زورلىق-زومبىلىققا, ناسىلدىك جانە ءدىني توزبەۋشىلىككە شاقىرۋ بەلگىلەرى كورىنىس تاپسا;
– ءانونيمدى (اۆتور تۋرالى ناقتى ءارى شىنايى اقپارات بەرىلمەسە) بولسا.
2.6. ۇيىمداستىرۋشىلاردىڭ ءتيىستى ساپالىق جانە تەحنيكالىق تالاپتارعا ساي كەلمەيتىن سۋرەتتەردى اۆتورعا سەبەبىن ءتۇسىندىرۋسىز بايقاۋعا قاتىستىرماۋعا قۇقىعى بار.
2.7. بايقاۋدا جۇلدەلى ورىن العان فوتوسۋرەتتەردى ۇيىمداستىرۋشىلاردىڭ ءوز سايتتارى مەن الەۋمەتتىك جەلىدەگى رەسمي پاراقشالارىندا جاريالاۋعا قۇقىعى بار.
3. فوتوبايقاۋدىڭ ناتيجەسىن شىعارۋ
3.1. بايقاۋدىڭ جەڭىمپازدارىن «اۋىل» حالىقتىق-دەموكراتيالىق پاتريوتتىق پارتياسى» قب جانە «ەگەمەن قازاقستان» رەسپۋبليكالىق گازەتى» اق قىزمەتكەرلەرىمەن قاتار, تاۋەلسىز فوتوگراف-ساراپشىلاردان تۇراتىن قازىلار القاسى انىقتايدى;
بايقاۋ ماراپاتتارى:
1-ورىنعا 500 000 تەڭگە;
2-ورىنعا 300 000 تەڭگە;
3-ورىنعا 200 000 تەڭگە.
• «كوپتىڭ كوزايىمى» اتتى ارنايى سىيلىق: 100 000 تەڭگە («اۋىل» پارتياسىنىڭ سايتىندا جاريالانىپ, ىرىكتەلىپ الىنعان فوتولاردىڭ ىشىنەن ەڭ كوپ داۋىس جيناعان فوتوسۋرەتكە تاعايىندالادى). داۋىس بەرۋ 2018 جىلدىڭ 16 قىركۇيەگىندە باستالادى
• دەمەۋشىلەردىڭ ارنايى سىيلىقتارى
3.2. بايقاۋ جەڭىمپازدارى انىقتالعاننان كەيىن ۇيىمداستىرۋشىلار جەڭىمپازدارعا فوتوبايقاۋ ناتيجەسىن ەلەكتروندى پوشتا ارقىلى حابارلايدى.
3.3. جەڭىمپازدار جۇلدەلەرىن الۋ ءۇشىن فوتوبايقاۋدىڭ جەڭىمپازى اتانعانى تۋرالى حابارلاما العاننان كەيىنگى وتىز كۇننىڭ ىشىندە ۇيىمداستىرۋشىنىڭ مەكەنجايىنا وزدەرىمەن بىرگە تولقۇجاتتارىن الا كەلۋى ءتيىس. جەڭىمپاز ماراپاتىن الۋعا ءوزى كەلە المايتىن جاعدايدا, جۇلدەگە سەنىمحاتتا اتى-ءجونى كورسەتىلگەن وكىلى ارقىلى نەمەسە ۇيىمداستىرۋشىنىڭ ەلەكتروندى پوشتاسىنا (auyl-patriot@mail.ru) ءوز تولقۇجاتىنىڭ كوشىرمەسىن, بانكتەگى ەسەپشوتىنىڭ ءنومىرىن جانە ناقتى پوشتا ادرەسىن جىبەرۋ ارقىلى قول جەتكىزە الادى.
3.4. جەڭىمپازدار وسى ەرەجەنىڭ 3.3 تارماعىندا كورسەتىلگەن تالاپتى ورىنداماعان جاعدايدا سىيلىققا يە بولۋ قۇقىعىنان ايىرىلادى.
3.5. ەگەر جەڭىمپاز ۇيىمداستىرۋشىلارعا بانكتەگى ەسەپشوتىنىڭ ءنومىرى مەن پوشتا ادرەسىن جىبەرۋدە قاتەلىككە جول بەرىپ, ناتيجەسىندە سىياقى مەن سىيلىق وعان جەتپەسە, ۇيىمداستىرۋشىلار ماراپاتتى جەتكىزۋدە ءوز مىندەتتەرىن تولىق ورىنداعان بولىپ ەسەپتەلەدى.
