اباي الاڭىنا جينالعان جۇرتشىلىقتى وبلىس اكىمى دانيال احمەتوۆ مەرەكەمەن قۇتتىقتاپ, لەبىزىن جەتكىزدى. «ۇلت بىرلىگى – باياندى بولاشاقتىڭ بەرىك نەگىزى. پرەزيدەنتىمىزدىڭ سىندارلى ساياساتى ارقاسىندا حالقىمىز الەم كوشىنەن قالماي باقىتتى عۇمىر كەشۋدە. بەرەكەمىز ارتىپ, ىرىسىمىز تاسىدى. رۋح ويانىپ, ەكونوميكا نىعايدى. مۇنىڭ بارلىعى - جاسامپاز ەڭبەكتىڭ جەمىسى, كوپۇلتتى, ەركىن ەلدىڭ جەڭىسى», - دەدى ايماق باسشىسى ءوزىنىڭ قۇتتىقتاۋ سوزىندە.
قازىر قالاداعى ورتالىق الاڭعا اعىلعان حالىق نازارىنا «قازاقستان- تۇراقتىلىق پەن بەيبىتشىلىكتىڭ بەسىگى» اتتى ەتنومادەني بىرلەستىكتەر مەن ونەر ۇجىمدارىنىڭ كونتسەرتى ۇسىنىلىپ جاتىر.
وسكەمەن قالالىق ىشكى ساياسات ءبولىمىنىڭ تاراتقان مالىمەتتەرىنە سۇيەنسەك, مەرەكەلىك شارالار لەگى استانانىڭ 20 جىلدىعىنا وراي ۇيىمداستىرىلعان اۆتوشەرۋمەن, «ستۋدەنت كوكتەمى-2018» بايقاۋىنىڭ گالاكونتسەرتىمەن جالعاسادى. X-Faسtor جوباسىنىڭ جەڭىمپازى ەۆگەنيا ۆىبلوۆ پەن «تى-سۋپەر!» جوباسىنىڭ قاتىسۋشىسى ۆلادا لوسكۋتوۆ الاڭدا ءان سالادى. مەرەكەلىك شارا كەشكىسىن ساعات 21:00-دە مۋزىكالى سۋبۇرقاقتىڭ ىسكە قوسىلۋىمەن تۇيىندەلەدى.
ازامات قاسىم,
«ەگەمەن قازاقستان»
