«رۋحاني جاڭعىرۋ» باعدارلاماسى اياسىندا «قازاق تىلىندەگى 100 جاڭا وقۋلىق» جوباسىن تالقىلاۋعا ارنالعان بۇل شاراعا قازاقستان حالقى اسسامبلەياسىنىڭ, عىلىمي-ساراپتامالىق توبىنىڭ مۇشەلەرى, ۋنيۆەرسيتەتتىڭ پروفەسسورلىق-وقىتۋشىلار قۇرامى جانە ستۋدەنتتەر قاتىستى.
«National bookdating» اكتسياسى شاراسىن اشقان قەۋ-ءدىڭ الەۋمەتتىك ماسەلەلەر بويىنشا پرورەكتورى, پروفەسسور قوسمان ءابىلوۆ ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ قوعامدىق سانانى جاڭعىرتۋ باعىتىندا اتقارىپ كەلە جاتقان شاراپاتتى ءرولىن اتاپ ءوتىپ, «100 جاڭا وقۋلىق» جوباسىنىڭ ءبىلىم بەرۋ ىسىندە وسكەلەڭ ۇرپاق ءۇشىن ماڭىزى زور شارۋا ەكەنىن ايتتى. اكتسيا بارىسىندا سپيكەرلەر اۋديتوريانى الەمدەگى ەڭ ۇزدىك كىتاپتاردىڭ اۋدارمالارىمەن تانىستىردى.
ەسكە سالا كەتسەك, ن.نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ جاريالانعانىنا بيىل ءبىر جىل تولىپ وتىر. باعدارلاما ىشىندە «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى دا بار. وسى ۋاقىتقا دەيىن اتالعان جوبا اياسىندا فيلوسوفيا, ءدىنتانۋ, انتروپولوگيا جانە جۋرناليستيكا بويىنشا 18 كىتاپ پەن وقۋ قۇرالى جارىققا شىقتى. ءاربىر وقۋلىق 10 مىڭ دانامەن باسىلىپ شىعىپ, الداعى ءبىر ايدىڭ ىشىندە جوعارى وقۋ ورىندارى مەن كىتاپحانالارعا تاراتىلادى. بيىلدان باستاپ وقۋ باعدارلاماسىنا دا ەنگىزىلەدى. سونىمەن قاتار بارلىق وقۋلىقتاردىڭ ەلەكتروندى نۇسقالارى جانە سونىڭ نەگىزىندە ازىرلەنگەن بەينەدارىستەر توپتاماسى قازاقستانننىڭ اشىق ۋنيۆەرسيتەتى پلاتفورماسى (OpenU.kz) ارقىلى تاراتىلاتىن بولادى.
قايرات ءابىلدا,
«ەگەمەن قازاقستان»
قاراعاندى
