بۇگىنگى تاڭدا ەلوردادا 69 ارنايى ۇيىم قىزمەت كورسەتەتىن 6 653 ليفت تىركەلگەن. ولاردىڭ ىشىندە: تۇرعىن ۇيلەردە - 4 910 ليفت, اكىمشىلىك عيماراتتاردا - 1 743.
ليفتتە ءجۇرۋدىڭ ورتاشا باعاسى: كارتوچكالىق جۇيەدە ءبىر جولعىعا 9 تەڭگە, ال بتج ارقىلى - ايىنا 1 200 تەڭگە.
2017 جىلى قالااكىمىنىڭ تاپسىرماسىنا سايكەس 96 ليفت, سونىڭ ىشىندە قىزمەت مەرزىمى بىتكەن (25 جىلدان استام) 63, اپاتتىق 23 جانە «وركەن قالا» جشس قايتارىمدى قاراجاتى ەسەبىنەن 10 ليفت الماستىرىلدى.
ق ۇلىشەۆتىڭ ايتۋىنشا, بۇگىنگى تاڭدا اتالعان سالادا ءتارتىپ ورناتۋ مەن قاتار «اتامەكەن» ۇكپ-مەن بىرلەسە وتىرىپ ليفت شارۋاشىلىعىن پايدالانۋ سالاسىندا, سونىڭ ىشىندە ليفت كومپانيالارى مەن پيك-تەردىڭ جاۋاپكەرشىلىگىن ارتتىرۋعا قاتىستى نورماتيۆتىك ەرەجەلەردى رەتتەۋ قاجەت.
«پيك تاراپىنان باقىلاۋدىڭ جوقتىعى مەن ليفت كومپانيالارىنىڭ ءتيىستى جۇمىستاردى اتقارماۋى سالدارىنان ليفتىلەردىڭ اپاتتىق توقتاۋ وقيعالارى جيىلەپ كەتتى», - دەدى ول.
ونىڭ كەلتىرگەن مالىمەتتەرىنە سايكەس, 2017-2018 جىلدارى جۇمىس ىستەمەيتىن ليفتتەر بويىنشا 547 ءوتىنىم كەلىپ تۇسكەن. قازىرگى ۋاقىتتا 9 ۇيدە جۇمىس ىستەمەيتىن 12 ليفت بار. سونداي-اق, وسى كەزەڭدە, «ەدەم پالاس 1, 2», «ايا», «ۋسپەح» تۇرعىن ءۇي كەشەندەرىندە ليفتتەردىڭ اپاتتى توقتاۋى, كوتەرۋ قۇرىلعىسىنىڭ ءۇزىلۋى سالدارىنان سوڭعى فاكت تاۋەلسىزدىك داڭعىلى, 38/2 مەكەن-جايى بويىنشا تىركەلگەن.
استانا قالاسى اكىمىنىڭ تاپسىرماسىنا سايكەس تۇرعىن ءۇي ينسپەكتسياسى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ استانا قالاسى بويىنشا دەپارتامەنتىمەن بىرلەسە وتىرىپ قالاداعى 117 نىساندا 727 ليفت قوندىرعىلارىن پايدالانىپ وتىرعان 64 پيك قىزمەتى تەكسەرىلدى. مونيتورينگ ناتيجەسىندە 239 كوتەرۋ مەحانيزمىندە كەمشىلىكتەر انىقتالىپ, 30 باسقارۋ ورگاندارىنىڭ باسشىلارىنا ۇيعارىم تاپسىرىلدى.
«قىزمەت كورسەتۋشى ۇيىمدار مەن يەلەرى تاراپىنان ونەركاسىپتىك قاۋىپسىزدىك زاڭناماسى سالاسىنداعى تالاپتار تولىق ورىندالىپ وتىرعان جوق. اكىمشىلىك شارالار ءتيىستى ناتيجە بەرمەۋدە. سوندىقتان ولاردىڭ جاۋاپكەرشىلىگىن قىلمىستىق دەڭگەيگە دەيىن قاتاڭداتۋدى ۇسىنۋ قاجەت», - دەپ اتاپ ءوتتى اكىم.
ءوز كەزەگىندە, قالا اكىمى قالالىق ورتا ساپاسى جانە باقىلاۋ باسقارماسىنا قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ استانا قالاسى بويىنشا دەپارتامەنتىمەن بىرلەسە وتىرىپ پيك جانە ليفت شارۋاشىلىعى كومپانيالارىن تەكسەرۋ جۇمىستارىن جالعاستىرۋدى تاپسىردى.
