شارا «جاستار جانە عىلىم: بۇگىنى مەن بولاشاعى» تاقىرىبىنداعى رەسپۋبليكالىق عىلىمي-تاجىريبەلىك كونفەرەنتسيا اياسىندا ۇيىمداستىرىلىپ وتىر.
بايقاۋدىڭ ماقساتى – جاس عالىمداردىڭ جاسامپازدىق الەۋەتىن دامىتۋ, ولاردى زاماناۋي عىلىمنىڭ ماڭىزدى ماسەلەلەرىن شەشۋگە بەلسەندى تۇردە تارتۋ, ۋنيۆەرسيتەت ءبىلىم الۋشىلارىنىڭ شىعارماشىلىق قابىلەتىن اشۋ جانە يننوۆاتسيالىق كاسىپكەرلىككە تارتۋ. سونىمەن قاتار, جاستاردىڭ الەۋمەتتىك باعىتتاعى كاسىپكەرلىك مادەنيەتى مەن كوشباسشىلىق داعدىلارىن قالىپتاستىرۋ, بيزنەس قاۋىمداستىقتارىمەن جانە وزگە مۇددەلى تاراپتارمەن بايلانىس ورناتۋ.
بايقاۋعا قىزدار ۋنيۆەرسيتەتىنىڭ كۇندىزگى ءبولىمىنىڭ 1, 2, 3-كۋرس ستۋدەنتتەرى مەن 1-كۋرس ماگيسترانتتارىنان بارلىعى 16 جوبا كەلىپ تۇسكەن. سونىڭ ىشىندە جاراتىلىستانۋ فاكۋلتەتىنىڭ 1-كۋرس ستۋدەنتى ا. سادىربەكوۆانىڭ «جابىق جابىندا وسىرىلگەن باعالى جەمىستەردى ۆيرۋسسىز ءتاسىل ارقىلى ءوسىرۋ», جاراتىلىستانۋ فاكۋلتەتىنىڭ 2-كۋرس ستۋدەنتتەرى ع. نۇرپەيىسقىزى, ا. ءابدىماناپتىڭ «جاۋىن قۇرتىن (Lumbricus terrestris) كوممەرتسيالىق باعىتتا قولدان ءوسىرۋ», جاراتىلىستانۋ فاكۋلتەتىنىڭ 2-كۋرس ستۋدەنتتەرى د. بۋلحانوۆا, ع. تۋلاق پەن ع. نۇرپەيىسقىزىنىڭ «مەديتسينالىق س ۇلىكتى كوممەرتسيالىق ماقساتتا كەڭىنەن پايدالانۋ», فيزيكا-ماتەماتيكا فاكۋلتەتىنىڭ ستۋدەنتى ا. بەردىقوجانىڭ «تۇراقتى كەرنەۋدى تۇرلەندىرۋگە ارنالعان ينۆەنتور» جانە پەداگوگيكا-پسيحولويا فاكۋلتەتىنىڭ ستۋدەنتتەرى ج. ەركەقۇل مەن د. ماتنيازوۆانىڭ ء«بىلىم بەرۋ جۇيەسىن تسيفرلاندىرۋ: « ۇلى ويشىلداردىڭ وي-پىكىرلەرىندەگى پەداگوگيكالىق يدەيالار» اتتى جوبالارى بايقاۋ كوميسسياسى تاراپىنان جوعارى باعا الدى. جەڭىمپازدار رەسپۋبليكالىق «Startup-Bolashak» يننوۆاتسيالىق جوبالار بايقاۋىنا ۋنيۆەرسيتەت اتىنان قاتىسادى جانە جوبالارى قازىلار القاسى تاراپىنان ۇزدىك دەپ تانىلسا 200 مىڭ تەڭگە كولەمىندەگى قارجىلاي سىياقىمەن ماراپاتتالادى. ال, ەكىنشى ورىن يەگەرى 100 مىڭ تەڭگە, ءۇشىنشى ورىن يەگەرى 50 مىڭ تەڭگەگە يە بولماق.
سايىس «زاماناۋي فيلولوگيالىق عىلىمدار جانە الەمنىڭ ۇلتتىق بەينەسى», «ەلىمىزدەگى جانە الەمدەگى پەداگوگيكا جانە پسيحولوگيا: قازىرگى تەوريا جانە تاجىريبە», «قازاق قوعامىنىڭ ساناسىن جاڭعىرتۋ ۇدەرىسىندەگى الەۋمەتتىك-گۋمانيتارلىق ءبىلىم», «جاراتىلىستانۋ عىلىمدارى: يننوۆاتسيالىق تەحنولوگيالار مەن يدەيالار», «تسيفرلىق قازاقستان: فيزيكا-ماتەماتيكا عىلىمدارىنىڭ جاڭا سەرپىلىسى» جانە «جاھاندىق الەمدەگى زاماناۋي قازاقستاندىق مادەنيەت» باعىتتارى بويىنشا ءوتتى.
بايقاۋ قورىتىندىسىن شىعارۋعا ارنالعان ساراپتامالىق كوميسسيانىڭ قۇرامى قر تۇڭعىش پرەزيدەنتى – ەلباسى قورى, الماتى قالاسى, المالى اۋداندىق جۇمىسپەن قامتۋ ورتالىعى, «دامۋ» كاسىپكەرلىكتى دامىتۋ قورى» اق, «KaznexInvest» ەكسپورتتاۋ جانە ينۆەستيتسيالاۋ بويىنشا ۇلتتىق اگەنتتىگى, «اتف بانك» اق قىزمەتكەرلەرى مەن بيزنەس وكىلدەرىنەن تۇرادى. قازىلار القاسى جوبالاردى يننوۆاتسيالىق ولشەمدەر بويىنشا ىرىكتەپ, بەلگىلەنگەن اتالىمدار بويىنشا بايقاۋ جەڭىمپازدارىن انىقتايدى.
– جاستاردىڭ شىعارماشىلىق, عىلىمي-زەرتتەۋ جۇمىستارىن ناسيحاتتاۋ مەن ونى كەڭ كولەمدە جاريالاۋدا, ولاردىڭ تۇلعالىق دامۋدىڭ ءتاسىلى رەتىندەگى جوبالىق زەرتتەۋ ءىس-ارەكەتتەرىنە تارتۋدا جانە ءبىلىم بەرۋ ءۇردىسىنىڭ تيىمدىلىگىن كوتەرۋ مەن قولدانبالى عىلىمعا دەگەن قىزىعۋشىلىقتارىن دامىتۋدا وسى تاقىلەتتەس جيىنداردىڭ ماڭىزى زور, – دەيدى شارا ۇيىمداستىرۋشىلارى.
