ءبىلىم جانە عىلىم ءمينيسترى ە. ساعاديەۆتىڭ, اقپارات جانە كوممۋنيكاتسيالار ءمينيسترى د. اباەۆتىڭ, سونداي-اق بىرقاتار وبلىس اكىمدەرىنىڭ باياندامالارىمەن تانىسقاننان كەيىن باقىتجان ساعىنتاەۆ العا قويىلعان مىندەتتەردى ورىنداۋ بويىنشا بىرقاتار ناقتى تاپسىرمالار بەردى.
ەلباسى جولداۋدا ۇكىمەتكە تسيفرلىق ءبىلىم بەرۋ رەسۋرستارىن ودان ءارى دامىتۋ مىندەتىن قويدى. «تسيفرلىق قازاقستان» باعدارلاماسى اياسىندا تسيفرلىق تەحنولوگيالاردى قولدانۋ ارقىلى وقىتۋ ۇدەرىسىن جەتىلدىرۋگە باعىتتالعان شارالار انىقتالدى. بۇل شالعايداعى اۋىلدىق جەرلەر ءۇشىن اسا ماڭىزدى.
«اتقارىلعان جۇمىستاردىڭ ناقتى ناتيجەلەرى بار, — دەدى پرەمەر-مينيستر. — تسيفرلىق تەحنولوگيالارعا كوشۋ ءۇشىن ءبىلىم جانە عىلىم مينيسترلىگى 2018 جىلى اقپاراتتىق جۇيەلەردى مەملەكەتتىك ورگاندارمەن بىرىكتىرۋدى قامتاماسىز ەتۋى ءتيىس».
وبلىستاردىڭ اكىمدەرىنە مەكتەپتەردى تەحنيكالىق جابدىقتاۋ جانە ولاردى كەڭ جولاقتى ينتەرنەت جەلىسىنە, Wi-Fi جۇيەسىنە قوسۋ جۇمىستارىن جەكە باقىلاۋعا الۋ تاپسىرىلدى.
باقىتجان ساعىنتاەۆ 2020 جىلدىڭ سوڭىنا دەيىن بارلىق قاشىقتاعى ەلدى مەكەندەر كەڭ جولاقتى ينتەرنەتكە تولىقتاي قوسىلۋى ءتيىس ەكەنىن اتاپ ءوتتى. جالپى العاندا, ءبىلىم جانە عىلىم مينيسترلىگى اكىمدەرمەن بىرلەسىپ, تسيفرلاندىرۋ جۇمىستارىن جالعاستىرىپ, بارلىق جوسپارلى كورسەتكىشتەرگە جەتۋدى قامتاماسىز ەتۋى كەرەك.
باقىلاۋ جۇمىستارى قر پرەمەر-ءمينيسترىنىڭ ورىنباسارى ا. جۇماعاليەۆكە جۇكتەلدى.
