ۇلتتىق ەكونوميكا ءمينيسترى تيمۋر سۇلەيمەنوۆتىڭ ايتۋىنشا, بۇگىندە جالپى سوماسى 766,4 ملرد تەڭگەگە 212 كەلىسىمشارت تىركەلگەن, ونىڭ ىشىندە 2018 جىلدىڭ ءى توقسانىندا 521,5 ملرد تەڭگەگە (2 رەسپۋبليكالىق جانە 14 جەرگىلىكتى) 16 كەلىسىمشارت جاسالدى.
جالپى, وسى جىلدىڭ 1 ساۋىرىندەگى جاعداي بويىنشا 90,6 ملرد تەڭگە سوماسىنا 140 نىسان پايدالانۋعا بەرىلدى, ونىڭ ىشىندە 2018 جىلدىڭ ءى توقسانىندا — 8 نىسان (1,2 ملرد تەڭگە). سونىمەن قاتار, دايىنداۋدىڭ ءارتۇرلى كەزەڭدەرىندە جالپى قۇنى 1,6 ترلن تەڭگە بولاتىن 620 جوبا بار.
تيمۋر سۇلەيمەنوۆتىڭ ايتۋىنشا, سالالىق تۇرعىدا 212 كەلىسىمشارتتىڭ (218 نىسان بويىنشا) باسىم بولىگى ءبىلىم بەرۋ سالاسىنا — 52%, دەنساۋلىق ساقتاۋ سالاسىنا — 19%, مادەنيەت جانە سپورت سالاسىنا — 14% تيەسىلى. باسقا سالالار — 15%.
«تاجىريبە كورسەتكەندەي, ءمجا تەتىگىن پايدالانۋ وڭ ناتيجە بەردى. وتكەن كەزەڭدە 140 نىسان پايدالانۋعا بەرىلدى, بۇل بيۋدجەتكە بىرجولعى جۇكتەمەنى 90,6 ملرد تەڭگەگە قىسقارتۋعا مۇمكىندىك بەردى», — دەدى تيمۋر سۇلەيمەنوۆ.
بۇدان وزگە, ءمجا دامىتۋعا ارنالعان زاڭنامالىق شارالار قابىلداندى. 2017 جىلدىڭ سوڭىندا ءمجا تەتىكتەرىن ودان ءارى جەتىلدىرۋ مەن جەڭىلدەتۋ بويىنشا زاڭ قابىلداندى, زاڭعا سايكەس كەزەڭدەردى 5-تەن 3-كە دەيىن قىسقارتۋ ارقىلى راسىمدەر وڭتايلاندىرىلدى, بۇل ءمجا جوبالارىنىڭ ساراپتاما جۇمىستارى مەن ماقۇلداۋ مەرزىمدەرىن 7 ايدان 3 ايعا دەيىن قىسقارتۋعا جول اشتى; 3 جانە ودان دا كوپ جىلعا ءمجا بويىنشا تۇتىنۋ كەپىلدىگىن بەرۋ قاراستىرىلعان; مەملەكەتتىك باعدارلامالار اياسىندا سالانىڭ ەرەكشەلىگىن ەسكەرە وتىرىپ, ءمجا ستاندارتتالعان جوبالارىن جوسپارلاۋ مۇمكىندىگى ەنگىزىلدى. وسى زاڭنىڭ ورىندالۋىنا قاجەتتى زاڭعا قوسىمشا اكتىلەر قابىلداندى.
مينيسترلىك ۇلتتىق بانكپەن جانە «اتامەكەن» ۇكپ-مەن بىرلەسە وتىرىپ, مەملەكەت تاراپىنان ەدب كەپىلدىكتى قامسىزداندىرۋ رەتىندە تولەمدەردى قاراستىراتىن, ءمجا كەلىسىمشارتتارىن تانۋعا بايلانىستى قولدانىستاعى زاڭنامالىق اكتىلەرگە بىرقاتار تۇزەتۋلەر ازىرلەدى.
جالپى, ۇلتتىق ەكونوميكا ءمينيسترى ءمجا دامىتۋدىڭ وڭ قارقىنىن اتاپ ءوتتى جانە تيپتىك قۇجاتتامانى ازىرلەۋ, جوبالاردى كونكۋرستىق كەزەڭگە جەتكىزۋ جانە ءمجا كەلىسىمشارتتارىن تىركەۋ سەكىلدى جاعدايدى جاقسارتۋ بويىنشا بىرقاتار ۇسىنىستار ايتتى.
ءوز كەزەگىندە ينۆەستيتسيالار جانە دامۋ ءمينيسترى جەڭىس قاسىمبەك قازىرگى تاڭدا مەملەكەتتىك-جەكەشەلىك ارىپتەستىك تەتىگى بويىنشا 44 جوبا ازىرلەۋ جانە ەنگىزۋ ساتىسىندا تۇرعانىن, سونىڭ ىشىندە جول سالاسىندا — 4 جوبا, تەمىرجول كولىگى سالاسىندا — 1 جوبا, 2 جوبا — ازاماتتىق اۆياتسيا سالاسىندا, 4 — ەنەرگيا ۇنەمدەۋ جوبالارى جانە تۇرعىن ءۇي-كوممۋنالدىق شارۋاشىلىق سالاسىندا — 33 جوبا بار ەكەنىن مالىمدەدى.
“السيم الاركو – ماكيول – سك – كورەيان ەكسپرەسسۆەي” كونسورتسيۋمىمەن ۇلكەن الماتى اينالما اۆتوكولىك جولى ء(ۇاااج) قۇرىلىسى بويىنشا قازاقستانداعى العاشقى ءىرى كونتسەسسيالىق جوبانى ىسكە قوسۋ تۋرالى كەلىسىمشارتقا قول قويىلدى. بيىلعى جىلدىڭ مامىر ايىندا قۇرىلىس-مونتاج جۇمىستارى باستالادى. 2021 جىلى قۇرىلىس جۇمىستارىن اياقتاپ, اقىلى نەگىزدە جولدى پايدالانۋعا بەرۋ كوزدەلگەن», — دەدى جەڭىس قاسىمبەك.
ينۆەستيتسيالار جانە دامۋ ءمينيسترى اۆتوكولىك جانە تەمىر جولدار, تۇرعىن ءۇي-كوممۋنالدىق شارۋاشىلىعى, تسيفرلاندىرۋ سالالارىنداعى ءمجا وزگە دە ءىرى جوبالارى بويىنشا اتقارىلىپ جاتقان جۇمىستار تۋرالى تولىعىراق بايانداپ ءوتتى. سونداي-اق, جەڭىس قاسىمبەك ورتالىق مەملەكەتتىك جانە جەرگىلىكتى اتقارۋشى ورگاندارعا ەنەرگيا ۇنەمدەۋگە جانە ەنەرگيا تيىمدىلىگىن ارتتىرۋعا باعىتتالعان ءمجا جوبالارىن ىسكە اسىرۋدى باستاۋ تۋرالى ۇسىنىس ايتتى.
قر دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا, بۇگىندە دەنساۋلىق ساقتاۋ سالاسىنداعى ءمجا جوبالارىنىڭ ءتىزىمى 175 جوبانى قامتيدى, ولاردىڭ 50-ءى بويىنشا كەلىسىمشارت جاسالعان, قول قويىلعان كەلىسىمشارتتاردىڭ جالپى قۇنى 33,7 ملرد تەڭگەنى قۇرايدى.
بيىل 6 وڭىردە 15 كەلىسىمشارت جاسالدى. جوبالار دارىگەرلەر امبۋلاتوريالارىن, ەمحانالاردى, ستاتسيونارلاردى سالۋدى جانە پايدالانۋعا بەرۋدى, مەديتسينالىق تەحنيكامەن جابدىقتاۋدى جانە ت.ب. قاراستىرادى. تاعى 125 جوبا دايىنداۋ ساتىسىندا تۇر, ونىڭ ىشىندە 25 جوبا جەكە قارجىلىق باستاما اياسىندا كونكۋرس پەن كەلىسسوزدەر ساتىسىندا تۇر.
دەنساۋلىق ساقتاۋ سالاسىنداعى نۆەستيتسيالاردىڭ 2025 جىلعا دەيىنگى ورتاشا جىلدىق ءوسۋ قارقىنى 9,3%-ءتى قۇرايدى دەپ كۇتىلۋدە.
«بۇل رەتتە, 750 ملرد تەڭگە ينۆەستيتسيالاردى ءمجا اياسىندا تارتۋ جوسپارلانۋدا. باسەكەلەستىكتى دامىتۋ, تاريفتىك ساياساتتى, تسيفرلاندىرۋدى جەتىلدىرۋ بويىنشا شارالارمەن بىرگە, ءمجا تەتىكتەرىن ەندىرۋدىڭ ناتيجەسى – مىندەتتى الەۋمەتتىك مەديتسينالىق ساقتاندىرۋدى ەندىرۋ جاعدايىنداعى دەنساۋلىق ساقتاۋ ۇيىمدارىنىڭ زاماناۋي ءتيىمدى ينفراقۇرىلىمى بولادى», — دەپ تۇيىندەدى ەلجان ءبىرتانوۆ.
سونىمەن قاتار, ماسەلەنى قاراۋ بارىسىندا ءمجا تەتىكتەرىن ەنگىزۋ سالاسىنداعى جۇمىستار تۋرالى شىعىس قازاقستان وبلىسىنىڭ اكىمى د. احمەتوۆ, اقتوبە وبلىسىنىڭ اكىمى ب. ساپارباەۆ, باتىس قازاقستان وبلىسىنىڭ اكىمى ا. كولگىنوۆ, سولتۇستىك قازاقستان وبلىسىنىڭ اكىمى ق. اقساقالوۆ, اتىراۋ وبلىسىنىڭ اكىمى ن. نوعاەۆ, جامبىل وبلىسى اكىمىنىڭ ورىنباسارى ە. مانجۋوۆ, سونداي-اق «اتامەكەن» ۇكپ باسقارما توراعاسىنىڭ ورىنباسارى يۋ. ياكۋپباەۆا ءسوز سويلەدى.
