سولاردىڭ اراسىندا وڭىرىمىزگە بەلگىلى قىلقالام شەبەرى, سۋرەتشىلەر وداعىنىڭ مۇشەسى سۇلتانبەك جاڭبىرشيەۆتىڭ دە شاكىرتتەرى از ەمەس. جۋىردا سۋرەتشىنىڭ «كوكتەم شاقىرادى» تاقىرىبىندا جەكە شىعارماشىلىق كورمەسى ءوتىپ, وعان قىلقالام شەبەرىنىڭ جەكە قورىنان جيناقتالعان 111 تۋىندىسى قويىلدى. تۋىندىلارىنىڭ باسىم بولىگىندە سۇلۋ تابيعات بەينەلەنگەن. وسىلايشا اۆتور تۋعان جەرگە دەگەن سۇيىسپەنشىلىگىن بىلدىرەدى. سۋرەتشى شىنايى جەتكىزۋ ءۇشىن اسەم تابيعاتتىڭ اياسىندا جۇمىس ىستەيتىنىن, ال ۇستازىنىڭ كورمەسىنە كەلگەن شاكىرتتەرى تۋىندىلاردىڭ ەرەكشە شابىت سىيلايتىنىن ايتادى.
«مەنىڭ جۇمىستارىمدا تۇسپەن قالاي جۇمىس ىستەۋ قاجەتتىگى كورسەتىلگەن. جانە كومپوزيتسيانى قالاي قۇرۋدى دا ۇيرەنۋگە بولادى. وسى سياقتى ەرەكشەلىكتەر مەنىڭ جۇمىستارىمنان ايقىن كورىنىپ تۇرادى. ءبىزدىڭ شاكىرتتەرىمىز وسى جەردەگى جۇمىستار سيياقتى سۋرەتتەر سالۋى كەرەك. سول ءۇشىن ولارعا كورنەكىلىك ەسەبىندە دە كورمە ۇيىمداستىرۋدى ءجون كوردىك. كورمەگە قويىلعان تۋىندىلاردىڭ بارلىعى ەشقانداي كوشىرمە ەمەس, تابيعاتتىڭ شىنايى كورىنىستەرى», دەيدى قىلقالام شەبەرى.
عالىمجان ەلشىباي,
«ەگەمەن قازاقستان»
شىمكەنت
