تاياۋدا تەمىرتاۋ قالاسى مەن قۇرما اۋىلدىق وكرۋگىندە مەكتەپ جاسىنا دەيىنگى بالالارعا ارنالعان ەكى شاعىن ورتالىق اشىلدى. قۇرما اۋىلىنداعى «ەركەتاي» دەپ اتالعان نىسان 50 بالاعا ارنالعان. مۇندا مۋلتيمەديالىق كابينەت, روبوت-تەحنيكا جانە پسيحولوگ ماماننىڭ بولمەلەرى بار. شاعىن ورتالىقتا ءارتۇرلى جاستاعى بالاقايلار ەكى توپ بويىنشا قازاق جانە ورىس تىلدەرىندە ءتىل سىندىرادى. ورتالىقتى جابدىقتاۋعا جۇمسالعان 7 ملن تەڭگە قاراجات جەرگىلىكتى بيۋدجەتتەن بولىنگەن.
تەمىرتاۋداعى 100 ورىنعا شاقتالعان شاعىن ورتالىق قالاداعى №22 ورتا مەكتەپ جانىنان اشىلدى. وقۋ ورداسىنداعى بالالارعا بەرىلگەن بوس بولمەلەرگە جالپى قۇنى 120 ميلليون تەڭگە بولاتىن جوندەۋ جۇمىستارى جۇرگىزىلىپ, ءىشى تالاپقا ساي جابدىقتالعان. بۇگىندە ءبىلىم مەكەمەسى «مەكتەپ – شاعىن ورتالىق» پىشىمىندە جۇمىس ىستەي باستادى.
بۇل شاعىن ورتالىقتاردىڭ اشىلۋىنا وبلىستاعى مەملەكەت-جەكەمەنشىك ارىپتەستىگىنىڭ دامۋى يگى ىقپالىن تيگىزدى.
قايرات ءابىلدا,
«ەگەمەن قازاقستان»
قاراعاندى وبلىسى
