كوپتەگەن جىلدار بويى ءارتۇرلى سەبەپتەرمەن, سونىڭ ىشىندە ساياسي, كەيبىر وا مەملەكەتتەرى تۇرعىندارىنىڭ اراسىنداعى تىعىز قارىم-قاتىناسى قيىن بولعان. قازىر ءبىز كەدەرگىلەر بىرتىندەپ جويىلىپ, ۆيزا رەجيمدەرى جەڭىلدەتىلىپ نەمەسە قاراپايىم سوزبەن ايتقاندا ەلدەر ءبىر-بىرىنە «اشىلىپ» جاتقانىن كورىپ وتىرمىز.
مەملەكەت باسشىلارى ءساتتى ساۋدا-ساتتىقتى جۇرگىزۋ جانە ساياسي ىنتىماقتاستىقتى نىعايتۋ الدىندا مادەنيەتارالىق الماسۋدى ورناتۋ قاجەت ەكەندىگىن ءتۇسىندى.
استاناداعى كەزدەسۋ ايماقتىق دەڭگەيدە جان-جاقتى بايلانىستاردى قالپىنا كەلتىرۋ ۇدەرىسىنە قولداۋ كورسەتىپ, جاڭا سەرپىن بەرەدى.
سونىمەن قاتار, قازاقستان بيزنەستىڭ جانە تۋريستىك تارتىمدىلىقتىڭ ورتالىعى بولۋعا تاماشا مۇمكىندىگىن الادى. بىزدە زاماناۋي قالالار بار, ولار وزدەرىنىڭ دامىعان ينفراقۇرىلىمى مەن الەمدىك دەڭگەيدەگى كوڭىل كوتەرۋ قىزمەتتەرىمەن ايماقتىڭ باسقا ەلدەرىنىڭ تۇرعىندارىن قىزىقتىرادى. بۇل الەۋەتتى ءتۇسىنىپ, اشىلعان «مۇمكىندىكتەر تەرەزەسىن» ەسكەرە وتىرىپ, بارىنشا پايداسىن الۋ ماڭىزدى.
سەرىك بەيسەمباەۆ,
قازاقستان رەسپۋبليكاسى تۇڭعىش پرەزيدەنتىنىڭ قورى جانىنداعى اەسي ساراپشىسى
