ءىس-شارا مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ۇندەۋى نەگىزىندە ۇيىمداستىرىلعان «قازاقستاننىڭ 100 جاڭا ەسىمى» جوباسىنىڭ اياسىندا ۇيىمداستىرىلىپ وتىر. كورمەدە اتالعان بايگەنىڭ جەڭىمپازدارىنىڭ سۋرەتتەرى مەن ولاردىڭ اتقارعان جۇمىسى مەن ءومىربايانى تۋرالى قىسقاشا ماعلۇمات بەرىلەدى.
فوتوكورمە وتكەن جىلى 1 جەلتوقسان كۇنى «قازاقستانداعى 100 جاڭا ەسىم» جوباسى جەڭىمپازدارىنىڭ باسىن بىرىكتىرگەن فورۋمدا, ەلباسىنىڭ جەڭىمپازدارمەن كەزدەسۋى بارىسىندا كورسەتىلگەن بولاتىن. جوبانىڭ ماقساتى - تاۋەلسىز قازاقستاننىڭ دامۋىنا ەلەۋلى ۇلەس قوسقان بىراق حالىققا تانىلماعان جاڭا ەسىمدەردى ەلگە تانىستىرۋ جانە جەتىستىككە جەتكەن ءومىرباياندارىن پاش ەتۋ.
«قازاقستاننىڭ 100 جاڭا ەسىمى» 2017 جىلى ەلباسى نۇرسۇلتان نازارباەۆتىڭ باستاماسى بويىنشا حالىققا كەڭىنەن تانىلماعان بىراق بەلگىلى ءبىر سالادا ەلەۋلى جەتىستىكتەرگە جەتىپ, مەملەكەتىمىزىدىڭ دامۋىنا اۋقىمدى ۇلەس قوسقان ازاماتتاردى تاۋىپ, ولاردىڭ ۇلگى بولارلىق جۇمىسىن دارىپتەۋ ماقساتىندا جۇزەگە اسىرىلعان. بايگەگە ەلىمىزدىڭ تۇكپىر-تۇكپىرىنەن ءتۇرلى ماماندىق يەلەرى قاتىسىپ, ەڭ مىقتى دەگەن 100 ادام اشىق ونلاين داۋىس بەرۋ ارقىلى ىرىكتەلىپ الىنعان. 18 ناۋرىزدا ساعات 14:00-دە «قازاقستاننىڭ 100 جاڭا ەسىمى» جوباسىنىڭ قاتىسۋشىلارى كەلىپ وزدەرىنىڭ جوبالارى جانە كەلەشەك جوسپارلارىمەن بولىسەدى.
