ستۋدەنتتەردى قىزىقتىرعان ساۋالدارعا وسى وقۋ ورنىنىڭ تۇلەكتەرى, بۇگىندە «قازتسينكتە» جۇمىس ىستەپ جۇرگەن تيمۋر توقجىگىتوۆ پەن دميتري تيليلياەۆ جاۋاپ بەردى. «ماماندار دايارلاۋ ماسەلەسىندە ءبىز د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىمەن تىعىز قارىم-قاتىناستا جۇمىس ىستەيمىز. ۋنيۆەرسيتەت جانىندا كومپانيانىڭ كافەدراسى اشىلعان. وقۋ ورنىنىڭ مىڭعا جۋىق ستۋدەنتى جىل سايىن «قازتسينكتە» بىلىمدەرىن شىڭدايدى. دارىندى, ءبىلىمدى جانە ءوز ىسىنە جاۋاپتى جاستارعا اركەز ەسىگىمىز اشىق», - دەيدى «قازتسينك» جشس اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ.
شارا بارىسىندا وڭىردەگى ءىرى ءوندىرىس ورنى مەن ايماقتاعى ىرگەلى وقۋ ورداسى ىنتىماقتاستىق جونىندەگى مەموراندۋمعا قول قويدى.
ازامات قاسىم,
«ەگەمەن قازاقستان»
وسكەمەن
