«بالا قازىر ساباقتا. قاسىندا قازىر اجەسى جانە تاتەسى بار. قاۋىپسىزدىك جاعدايىن جاسادىق, قارنى توق. جاعدايى جاقسى. مەكتەپكە بارىپ ءجۇر. قازىر بارىپ ءبىلىپ كەلدىك», - دەيدى زاعيپا باليەۆا.
بۇدان كەيىن ومبۋدسمەن الماتى قالاسىندا جۇرگىزىلۋى ءتيىس بولعان ەكسپەرتيزاعا نە سەبەپتى تىيىم سالعانىن ءتۇسىندىردى.
ء«سىزدىڭ قانداي ەكسپەرتيزا تۋرالى ايتىپ جاتقانىڭىزدى تۇسىنبەدىم. الماتىدا ەشقانداي ەكسپەرتيزا جاسالعان جوق. اناسى تۋرالى ايتار بولسام. بىرنەشە كۇننەن بەرى ءبىز ونى ءوزىمىز تابا الماي جاتىرمىز. تاتەسىنە بالانىڭ اناسىنا قاراي باعىتتاۋعا تىرىستىق. قاجەت دەپ تاپساڭىزدار, قازىر بىرنەشە ادام اپكەسىنە بارىپ سويلەسە الادى. بالانى دا, اپكەسىن دە كورىڭىزدەر. قازىر بالانىڭ جاعدايى جاقسى. ءبىرىنشى كەزەكتە بالانى ويلايىقشى. سىزدەر ەرەسەك ادامسىزدار. بۇل ساراپتامانىڭ بالا ءۇشىن قانشالىقتى قيىن ەكەنىن ءبىلىپ تۇرعان شىعارسىزدار. مەن قانداي جاعداي بولماسىن, ءبىرىنشى ورىنعا بالانىڭ دەنساۋلىعىن قويامىن», - دەدى زاعيپا باليەۆا. سونداي-اق ومبۋدسمەن بالانىڭ وتباسىنا پاتەر سىيلانادى دەگەن اقپاراتتى جوققا شىعاردى.
«بالانىڭ وتباسىنا پاتەر سىيلانادى دەپ ەشكىم ايتقان جوق. سول سەبەپتى, جۋرناليستەرگە اقپارات دۇرىس جەتپەي قالعان سياقتى. ال مەكتەپ ديرەكتورىنا كەلەتىن بولساق, ونى تانىمايمىن. اۋىلعا بارعان ەمەسپىن. سەبەبى, مەن شىمكەنتكە ۇشىپ كەلگەن كەزدە, بالا سول جەردە بولدى. بۇل ديرەكتوردىڭ كىمنىڭ تۋىسى ەكەنىندە شارۋام جوق. بۇل سۇراقتى جاۋاپسىز قالدىرۋعا رۇقسات ەتىڭىزدەر. سەبەبى, بۇل سۇراققا ايتار ناقتى جاۋابىم جوق. سونداي-اق, مەن ولاردى پويىزدان تۇسىرۋگە بۇيرىق بەرگەن جوقپىن», - دەدى زاعيپا باليەۆا.
بريفينگ بارىسىندا زاعيپا باليەۆا بالاعا كەشەندى ءارى تولىققاندى ساراپتاما جۇرگىزۋ كەرەكتىگىن ايتتى. «كەشەندى, تولىققاندى ءبىر ساراپتاما جۇرگىزۋ قاجەت. ونى قازىرگى ۋاقىتتا زاڭنامالىق قۇقىعىنا سايكەس تەرگەۋشى تاعايىندادى. ساراپتاما ەكى تاراپتىڭ دا وكىلدەرىن, جوعارى بىلىكتى مامانداردى تارتا وتىرىپ, كەشەندى, تولىققاندى بولۋى ءتيىس», - دەدى زاعيپا باليەۆا. ونىڭ ايتۋىنشا, ساراپتاما بارىنشا شىنايى جانە قايتا تەكسەرۋلەردى قاجەتسىنبەيتىندەي بولۋى, بارلىق تاراپتار ونىڭ شىنايىلىعىنا سەنىمدى بولۋى قاجەت. «تەرگەۋ ساراپتاما ناتيجەلەرىن قوعامعا جەتكىزەتىن بولادى دەپ ويلايمىن», - دەدى ول
