پرەزيدەنت اتاپ وتكەندەي, قازىرگى كەزدە ەلىمىزدىڭ جوعارى وقۋ ورىندارىندا 530 مىڭنان استام ستۋدەنت ءبىلىم الىپ ءجۇر. ولاردىڭ 30 پروتسەنتكە جۋىعى مەملەكەتتىك گرانت بويىنشا وقۋدا. بۇل ءار ون ستۋدەنتتىڭ جەتەۋى ۋنيۆەرسيتەتتەر مەن ينستيتۋتتاردا وقۋ اقىسىن ءوز قالتالارىنان تولەپ ءجۇر دەگەن ءسوز. قازىرگى زاماندا ءبىلىم بولاشاق ماماننىڭ باسەكەلەستىككە قابىلەتتىلىگىن انىقتايدى. سەبەبى جاقسى ءبىلىم – سەنىمدى ىرگەتاس. ول جاس ادامنىڭ ءوز مۇمكىندىگىن ىسكە اسىرىپ, ەكونوميكالىق جاعدايىن جاقسارتۋعا جول اشادى.
ەكونوميكالىق تۇرعىدان ءبىلىمدى, ءوز-وزىنە سەنىمدى جاستار بۇگىندە جانە بولاشاقتا ەلىمىزگە قاجەت. ول ءۇشىن, ارينە, مامان ءوز ءومىرىنىڭ بارلىق سالاسىن جاڭعىرتۋى ءتيىس. مەملەكەت باسشىسى ۇندەۋىندە جاڭا وقۋ جىلىنان باستاپ جىل سايىن بولىنەتىن 54 مىڭ مەملەكەتتىك گرانتقا قوسىمشا 20 مىڭ گرانت ءبولۋدى تاپسىردى. ونىڭ 11 مىڭى تەحنيكالىق ماماندىقتار بويىنشا باكالاۆرلىق ءبىلىم بەرۋگە تيەسىلى بولادى. سونداي-اق ول جاڭا وقۋ جىلىندا مەملەكەتتىك گرانتقا يە بولاتىن ستۋدەنت-جاستاردىڭ قاتارىن 37 پروتسەنتكە ارتتىرماق.
مىنە, بۇل ء«تورتىنشى ونەركاسىپتىك رەۆوليۋتسيا جاعدايىنداعى جاڭا ەكونوميكاعا» سۇرانىسقا يە بولاتىن جاڭا ماماندار دايارلاۋعا مۇمكىندىك بەرەدى. تەحنولوگيالىق سەرپىلىستە ەڭبەك رىنوگىندا ينجەنەرلەر, اقپاراتتىق تەحنولوگيا, روبوت-تەحنيكاسى, نانوتەحنولوگيا سالالارىندا مامان-كادرلار ەرەكشە سۇرانىسقا يە بولادى. سول سەبەپتەن مەملەكەت جاستارعا مۇمكىندىگىنشە قولداۋ كورسەتىپ وتىر.
جوعارى ءبىلىم ادامي كاپيتالدى قۇرۋدىڭ جانە دامىتۋدىڭ فاكتورى ەكەنى بەلگىلى. وسى ماسەلەلەردى پرەزيدەنت ءوزىنىڭ قازاقستان حالقىنا جولداۋلارىندا دا اتاپ كورسەتىپ كەلەدى. جاسىراتىنى جوق, ءبىزدىڭ ەلىمىزدە بىلىكتىلىگى جوعارى ماماندار تاپشىلىعى پروبلەماسى بار. ونىڭ باستى سەبەبى وقۋ ورىندارى تۇلەكتەرىنىڭ ورتاشا ءبىلىم دەڭگەيىنىڭ تومەندىگىندە جاتىر.
بۇگىندە ەڭبەك نارىعىندا اقپاراتتىق تەحنولوگيانى مەڭگەرگەن, دارىندى, بولاشاعىنان زور ءۇمىت كۇتتىرەتىن ماماندارعا سۇرانىس ەرەكشە جوعارى. مەملەكەت باسشىسى, سونداي-اق جوعارى وقۋ ورىندارى مەن كوللەدجدەردىڭ ستۋدەنتتەرىن جاتاقحانامەن قامتۋ ماسەلەسى وتە وزەكتى ەكەنىنە دە نازار اۋداردى. سوعان سايكەس 2022 جىلدىڭ سوڭىنا دەيىن ستۋدەنتتەرگە ارنالعان كەمىندە 75 مىڭ ورىندىق جاڭا جاتاقحانا سالىنادى.
الەكساندر سميرنوۆ,
«سۋومي» كارەل-فين ۇلتتىق-مادەني بىرلەستىگىنىڭ توراعاسى
