جاڭا قىزمەت تۇرلەرى ىسكە قوسىلدى

كەشە بايلانىس جانە اقپارات مينيسترلىگىندە «ەلەكتروندى ۇكىمەتتىڭ» جاڭا قىزمەتتەرى مەن مەملەكەتتىك ورگانداردىڭ ينتەراكتيۆتى قىزمەتتەرىن الۋدا ەسق-مەن جۇمىس ىستەۋدىڭ جەڭىلدەتىلگەن نۇسقاسى تانىستىرىلعان ءباسپاسوز ءماسليحاتى بولىپ ءوتتى. پورتالدا جۇزەگە اسىرىلعان جاڭاشىلدىقتار egov.kz قولد­انۋ­شىلارىنىڭ اراسىندا ۇيىم­داس­تىرىلعان فوكۋس توپتارىنا قا­تىسۋشىلاردىڭ ۇسىنىستارى ارقى­لى جۇزەگە اسىرىلدى. فوكۋس توبى www.egov.kz پورتالىن قول­دانۋ­شى­لار قاتارىن كوبەيتۋ جانە ولار­دىڭ ەلەكتروندى ۇكىمەت جۇمىسىنا دەگەن سەنىمىن ارتتىرۋ ءۇشىن ۇيىم­داستىرىلادى, دەپ اتاپ كورسەتتى ءماسليحاتتا باي­لا­نىس جانە اقپارات ۆيتسە-ءمينيسترى س.سارسەنوۆ. وسى كە­زەڭگە دەيىن فوكۋس توبى 16 رەت ۇيىمداس­تى­رى­لىپ­تى. ءارتۇرلى سالادا قىزمەت ەتەتىن جانە جاس شاماسى تۇرلىشە 80-گە جۋىق قولدانۋشى قاتىسقان فوكۋس توبىنىڭ جۇمىس قورى­تىن­دىسى بويىنشا «ەلەك­ترون­دى ۇكى­مەت» پورتالىنا «كوممۋ­نال­دىق قىزمەتتەردى تولەۋ» جانە «فوتو-بەينە باقىلاۋ جۇيەلەرى ارقىلى انىقتالعان جقە بۇزۋ تۋرالى اق­پاراتتاردى قاراۋ» حقكو ينتەراكتيۆتى كارتاسى مەن حقكو-عا بارۋعا كەزەكتى ونلاين برونداۋ قىزمەتتەرى ىسكە قوسىلدى. بۇگىنگى كۇنى «قاز­كوم­مەرتسبانك» اق-تىڭ تولەم كار­توچكاسىمەن «استانا-بەو» جشس ابونەنتتەرى عانا كوم­مۋنالدىق قىزمەتتەردى پورتال ارقىلى تولەي الادى. ال كەلەسى جىلدان باستاپ تولەم ءجۇر­گىزۋگە بولاتىن بانكتەر مەن قالا­لار ءتىزىمى كوبەيە تۇسپەك. ءبىرىنشى كەزەكتە «قازاقستان حالىق بانكى» اق-تىڭ تولەم كارتوچ­كاسى يەلەرى اتالعان قىزمەتكە قول جەتكىزەدى. پورتالدا ۇسىنىلاتىن اۆتو-قىز­مەتتەر قاتارى دا جاڭا قىز­مەت­پەن تولىقتى. كولىك يەلەرى فوتو-بەينە باقىلاۋ جۇيەلەرىمەن انىق­تال­عان جول قوزعالىسى ەرەجەلەرىن بۇزۋشىلار تۋرالى اق­پا­راتپەن تا­نىسا الادى. قازىرگى كە­زەڭدە مۇن­داي قىزمەت ءتۇرىن استانا, الماتى, اقتاۋ, اتىراۋ, قى­زىل­­وردا, وسكەمەن, شىمكەنت, ورال, قوستاناي, سەمەي, قاراعان­دى, تاراز قالالارى تۇر­عىن­دا­رى قولدانادى. ەرەجە بۇزعاندار ءۇشىن سالىنعان ايىپپۇلدى پورتال ارقىلى تولەۋ مۇمكىندىگى بيىلعى جىلدىڭ سوڭىنا تامان مۇمكىن بولماق. فوكۋس توبىنىڭ قاتىسۋشىلا­رى ەلەكتروندى-ساندىق قولتاڭبا­مەن جۇمىس ىستەۋدىڭ كۇردەلى ەكەندىگىن اي­تىپ كەلگەن بولاتىن. ەندى ونى­مەن جۇمىس ىستەۋ, ەسق الۋ ۇدەرىسى بارىن­شا وڭتايلاندىرىل­دى, دەدى ۇيىم­داس­تىرۋشىلار. دەگەنمەن, ەسق قول­دا­نۋدا Tumar CSP سەكىلدى كريپتوۆايدەرلەردى كوم­پيۋتەرگە ورناتۋعا قا­تىس­تى ماسەلەلەر بار. بۇل باعدار­لاما­لاردى ورناتۋ بىلىكتىلىگى جوعارى مامانداردىڭ قاتى­سۋ­ىن قاجەت ەتەدى. قازىرگى كۇنى وسى سوڭعى ماسەلە دە ءوز شەشىمىن تاپتى, دەپ اتاپ ءوتتى «ۇلت­تىق اقپاراتتىق تەح­نولوگيالار» اق باسقارما ءتور­اعاسى ر.ەڭسەباەۆ. ءباسپاسوز ءماسليحاتى سوڭىندا جاڭا قىزمەت تۇرلەرى ءىس جۇزىندە تانىستىرىلدى. ۆەنەرا تۇگەلباي.