اكىمدىككە تەلەفون شالۋشىلار از ەمەس. ال, 21-ءشى قاڭتار كۇنى ومبىدان وسكەمەنگە بەت العان جولاۋشىلار اۆتوبۋس توقتاتىلعان-دى. تەكسەرىستەن سوڭ, اۆتوبۋس قايتا جولعا شىقتى. ساقتىقتا قورلىق جوق. بارلىق قوعامدىق كولىكتەرگە شەكتەۋ قويىلدى. ءوڭىردىڭ توتەنشە جاعداي قىزمەتى اقمولا, قاراعاندى وبلىستارىنداعى, ومبىداعى ارىپتەستەرىمەن بايلانىسىپ, حالىقارالىق اۆتوبۋستار باعىتتارىنا دا شەكتەۋ قويىلدى.
وبلىس اۋداندارىنداعى تسەلسي باعانى بويىنشا – 43 گرادۋستى قۇراعان ەڭ تومەن تەمپەراتۋرا وسى كۇندەرى اقتوعاي اۋدانىنىڭ شولاقسور اۋىلىندا تىركەلىپتى. الدا قاتتى ايازدى كۇندەر كۇتىلۋدە. تۇندە قاتتى سۋىتىپ, ايازدىڭ كۇرت كوتەرىلەتىنى دە بەلگىلى. كەڭەس بارىسىندا وبلىستىق تج دەپارتامەنتىندە «ارنايى جاردەم ورتالىعى جۇمىس ىستەيتىنى ايتىلدى. ورتالىقتىڭ تەلەفوندارى ۆاتساپ جانە جەرگىلىكتى تەلەارنالار ارقىلى حابارلانسا كوپشىلىك بىلەر ەدى. قالالار مەن اۋدانداردا جولدار ۋاقىتشا جابىلادى. وڭىردەگى بۇكىل كوممۋنالدىق قىزمەتتەر تاۋلىك بويى جۇمىس ىستەۋدە. وبلىس اكىمى بولات باقاۋوۆ ايازدىڭ بەتى قايتقانشا جاعدايدى قاتاڭ باقىلاۋعا الۋدى تاپسىردى.
فاريدا بىقاي
«ەگەمەن قازاقستان»
پاۆلودار وبلىسى,
