كومپانيا بۇل Fuchsia وپەراتسيالىق جۇيەسىن جاساۋدى 2016 جىلدان بەرى باستاپ كەتكەن. الايدا كومپانيا بۇل جوباسى تۋرالى اشقانداي اقپارات تاراتپاعان. تەك 2017 جىلدىڭ مامىر ايىندا جەلىدە پايدا بولعان اقپاراتتار جاڭا وپەراتسيالىق جۇيەنىڭ «OS» دەپ اتالاتىنى تۋرالى جازعان. بۇل ينتەرفەيس كوپتەرەزەلىك جۇمىس جۇيەسىن ۇسىنىپ وتىر.
Fuchsia ينتەرفەيسى كروسس-پلاتفورمالىق SDK «Flutter» ارقىلى جازىلعان. جاڭا وپەراتسيالىق جۇيەنى تەك 2015 جىلدان باستاپ شىعارىلعان Intel NUC كومپيۋتەرلەرى جانە Acer Switch Alpha 12 سياقتى قۇرىلعىلارىندا قولدانۋ كەرەك.
كوك لوگوتيپتى Fuchsia-نىڭ جوعارعى وڭ جاق بۇرىشىنداعى ەكى رەجيمنىڭ اراسىندا ياعني نوۋتبۋك جانە تەلەفوندا وڭاي اۋىسۋعا مۇمكىندىك بەرەتىن فۋنكتسيا ورنالاسقان. سونىمەن بىرگە, وپەراتسيالىق جۇيەدە ءبىرشاما جاسىرىن فۋنكتسيالار ورنالاسقان. مىسالعا, ۋاقىت بەلدەۋلەرىن اۋىستىرۋ ءۇشىن ءتىزىم كورسەتىلگەنىمەن, ول ءالى دۇرىس جۇمىس جاساپ تۇرعان جوق.
سكوتت ادام گوردوننىڭ ايتۋى بويىنشا, بۇل وپەراتسيالىق جۇيەنىڭ اندرويدتان باستى ايىرماشىلىعى ول Linux-قا نەگىزدەلىپ جاسالماعان. ەڭ باستى ەرەكشەلىگى, ول زاماناۋي سمارتفوندار مەن كومپيۋتەرلەردە تەز جۇمىس جاساۋعا مۇمكىندىك بەرەتىن وپەراتسيالىق جۇيە.
قازىرگى كەزدە وپەراتسيالىق جۇيەدەگى ترەكپاد, پەرنەتاقتا, سەنسورلىق ەكران مەن USB پورتتارى جۇمىس ىستەپ تۇر. بىراق, Wi-Fi جانە دە باسقا ماڭىزدى فۋنكتسيالار ءالى ىسكە قوسىلماعان. وسىعان قاراپ-اق بۇل وپەراتسيالىق جۇيەنى تولىقتاي ىسكە قوسۋ ءۇشىن ءبىراز ۋاقىت بار ەكەنىن ايتۋعا بولادى.
