وبلىستىق مادەنيەت, مۇراعاتتار جانە قۇجاتتاما باسقارماسىنىڭ باسشىسى ارداق رايىمبەكوۆتىڭ ايتۋىنشا, بۇل ساپار ءبىزدىڭ ەلىمىز بەن يتاليا اراسىنداعى ديپلوماتيالىق قارىم-قاتىناستىڭ 25 جىلدىعىنا ارنالدى. بىلتىر جۇمات ءشانيننىڭ 125 جىلدىعىنا ارنالعان سيمفونيالىق وركەستردىڭ كونتسەرتىنە يتاليالىق بەلگىلى ماەسترو, يمپرەسساريو لەوناردو كۋادريني ديريجەرلىك ەتتى. سونىمەن بىرگە, نيۋ-يوركتەن كەلگەن جۇمات ءشانيننىڭ سكريپكاشى نەمەرەسى ارمان مىرزاعاليەۆتىڭ, لەوناردو كۋادرينيدىڭ كونتسەرتتەرى ءوتتى. ەكىنشىدەن, گاسترولدىك ساپار «بولاشاققا باعدار: رۋحاني جاڭعىرۋ» ماقالاسىندا ايتىلعان «جاھانداعى زاماناۋي قازاقستاندىق مادەنيەت» جوباسىنا دا قاتىسى بار.
وبلىستىق فيلارمونيانىڭ 60 جىلدىق تاريحى بار. ال, يتاليادا ونەر كورسەتىپ جۇرگەن وركەستردىڭ كونتسەرتتىك باعدارلاماسىندا چايكوۆسكي, ماسكاني, ۆەردي, موتسارت, روسسيني, شتراۋس جانە مەندەلسوننىڭ شىعارمالارى بار. ساپاردىڭ ۇيىمداستىرۋشىلەرى جانە ديريجەرلەرى لەوناردو كۋادريني جانە بولات راحىمجانوۆ.
بۇعان دەيىن بولات راحىمجانوۆ جەتەكشىلىك جاسايتىن سيمفونيالىق وركەستر تۇركيادا وتكەن تۇركى تىلدەس حالىقتاردىڭ مادەنيەتى فەستيۆالىندە ترابزون, سامسۋن, اماسيا, انكارا, بولۋ, ىستانبۇل قالالارىندا, گەرمانياداعى نويشتادتە, لانداۋ, شپايەردە ونەر كورسەتتى.
– ەلىمىزدەگى يتاليا كۇندەرى اياسىندا سكريپكاشى نەللو سالتسا جانە ديريجەر ماسسيمو سكپينو دا كەلدى. شەتەلدىك قوناقتار ۇلكەن ىقىلاسپەن وتكەن كونتسەرتتەردەن سوڭ, مادەنيەت-ونەر سالاسىندا ءوزارا ىنتىماقتاستىق تۋرالى ۇسىنىس بىلدىرگەن-ءدى. الەمدىك ماەسترو كۋادرينيدىڭ ارنايى شاقىرتۋىن قابىل الدىق, – دەيدى فيلارمونيا ديرەكتورىنىڭ ورىنباسارى لاتيپا قۇراقباەۆا.
فاريدا بىقاي,
«ەگەمەن قازاقستان»
پاۆلودار
