جوبانىڭ باستى ماقساتتارى الەمدىك اتوم ەنەرگەتيكاسىن دامىتۋدى قولداۋ مەن يادرولىق قارۋدى تاراتپاۋ ءتارتىبىن نىعايتۋ ەكەنىن ايتقان پرەزيدەنت مۇنىڭ ەل كوشباسشىلىعىمەن بايلانىستىردى.
«يادرولىق قارۋدان باس تارتۋىمىز, پوليگوندى جابۋىمىز سىندى باستامالارىمىز الەم الدىنداعى ۇستانىمدارىمىزدى تولىق ايشىقتايدى. يادرولىق وتىن بانكى بۇل ۋاقىت تالابى. «ەلىمىزدە بەيبىت ماقساتتا قولدانۋدا اتوم ستانتسياسىن سالۋدى قالايمىز» دەگەن يران ماسەلەسى كورسەتىپ بەردى. ۋراندى بەيبىت جولمەن قولدانۋعا ەشكىم تىيىم سالا المايدى. ول ءۇشىن جانارمايدى قايدان الادى؟ وسى سەبەپتى قازاقستانداعى ەلەكتروستانتسيالارعا ارنالعان وتىن بانكىن سالۋدى ۇسىندىق. بۇل – قاعيدا مەن سەنىم. بۇل الاڭدا يادروستانتسيا سالعىسى كەلەتىندەر جانارماي الۋ ارقىلى ەلەكتروستانتسيالار قۇرا الادى. يادرولىق وتىن قورىنىڭ قۇرىلۋى كەز كەلگەن ەلدiڭ بەيبiت ۋران ونiمiنە قول جەتكiزۋiنە مۇمكiندiك تۋدىرادى. ۋران بايىتۋدا تەحنولوگيالارى جوق ەلدەر وزدەرiنiڭ ەلدەرiندە اتوم ەلەكتر ستانساسىنا وتىن ساتىپ الادى. قازىر تەحنولوگيا قۇرۋ سونشالىقتى قيىن دۇنيە ەمەس», دەگەن ەلباسى يادرولىق قارۋدى تاراتپاۋ جونىندەگى قازاقستاننىڭ بەيبىت ۇستانىمى ەكەنىن العا تارتتى.
