اۋىلدىڭ ءسانىن جاستار كەلتىرەدى

اۋىل جاستارىنىڭ وبلىستىق فو­رۋمى سوڭعى جىلدارى كوپ جۇمىسقا مۇرىندىق بولعان «ديپلوممەن – اۋ­ىلعا!», «اۋىلدىڭ گۇلدەنۋى – قا­زاق­ستاننىڭ گۇلدەنۋى!», «جاسىل ەل» جو­بالارى بويىنشا بىتكەن ءىستىڭ قو­رى­تىندىسى ىسپەتتى بولدى. ەلباسى نۇر­سۇلتان نازارباەۆتىڭ باستا­ما­لا­رىن قولداپ, ونىڭ جۇزەگە اسۋىنا بە­ل­سەندىلىك كورسەتكەن جاس ماماندار وب­لىستىڭ بارلىق اۋداندارىنان, شال­عاي اۋىلدارىنان جينالدى. تاۋەل­سىز­دىكتىڭ اق تاڭى اتقان 20 جىل ىشىندە ەلىمىزدىڭ ستراتەگيالىق دامۋ باعدار­لا­ماسى جۇزەگە استى, الەم جۇرتشى­لىعى قازاقستاننىڭ قارىشتاپ دا­مۋى­­نا كۋا بولدى. مەملەكەت باس­شى­سى نۇر­سۇلتان نازارباەۆتىڭ كەمەل سايا­سا­تىمەن جاس مەملەكەتىمىز بەدەلدى حا­لىقارالىق ۇيىمدارعا مۇشە بولدى. جيىرما جىلدا ەلىمىزدىڭ ەكونو­ميكاسىمەن قاتار الەۋمەتتىك سالا دا كوركەيدى. ەلىمىزدە وسى جىلدار ىشىندە 750 جاڭا مەكتەپ سالىندى, 500-گە تارتا دەنساۋلىق ساقتاۋ نىساندارى بوي كوتەردى, 5300 مەكتەپكە دەيىنگى مەكەمەلەر ەسىگىن اشتى. وسى ءىستىڭ بارلىعىندا جاستاردىڭ دا ۇلەسى بار. «ديپلوممەن – اۋىلعا!» باعدارلا­ماسى بويىنشا جوعارى جانە ارناۋ­لى ءبىلىم وردالارىنان جىل سايىن قانشاما جاس اۋىلعا اتتانادى. سوڭ­عى ون جىل ىشىندە وبلىستا 1761 جاس مامان ۇلكەن ومىرگە جولىن اۋىلدان باستاعان. قازىر اۋىل مەكتەپتەرىندە وسى جوبا شەڭبەرىندە 1400 جاس مۇ­عالىم, اۋىلدىق ەمدەۋ ورىندارىندا 279 دارىگەر ەڭبەك ەتىپ ءجۇر. انار ابەنوۆا وبلىس ورتالىعى­نان شالعايدا جاتقان قامىستى اۋدا­نى ورتالىعىنداعى ورتا مەكتەپتە ەكى جىلدان بەرى مۇعالىم بولىپ قىزمەت ەتەدى. – مەن پەداگوگيكا ينستيتۋتىن بىتىرگەننەن كەيىن تۋعان جەرىمە قايتىپ باردىم. قازىر وزىمە اۋدان ورتالى­عى­نان پاتەر بەرىلدى. پاتەردىڭ قالاداعى باسپانالاردان ەش ايىرماسى جوق – وت جاقپايمىن, سۋى ىشىندە, وتە قو­لاي­لى. مەملەكەت تاراپىنان جاس ما­مانعا تيەسىلى كومەكتى دە الدىم. قا­زىر پەداگوگيكا ۇجىمىندا ءوزىم سياق­تى جاس ماماندار كوپ. مامان­دى­عىم­دى جاقسى كورەمىن. اۋىل بالالا­رى­مەن جۇمىس ىستەگەن وتە ۇنايدى, – دەيدى انار. اۋىلدا ءجۇرىپ تە جاس مامان ءوزىن رۋحاني جاعىنان وسىرۋگە, الدىنا ءۇل­كەن ماقساتتار قويۋىنا بولادى. ءويت­كە­نى اۋىلدا قالالىق جەرلەر پايدا­لا­نىپ وتىرعان وركەنيەت جەتىس­تىكتە­رىنىڭ بارلىعى دا بار. ينتەرنەت, جەلىسىز بايلانىس اۋىلداعىلاردى كوش­تەن قالدىرىپ جاتقان جوق. ال اۋ­ىل­دىڭ ەكونوميكالىق-الەۋمەتتىك الە­ۋە­­­­تىن كوتەرۋ قول جەتپەيتىن شارۋا ەمەس. ءتيىمدى جوبالار, باعدارلامالار ۋاقى­­تىندا جۇزەگە اسسا, جاستار بەلسەندى تۇردە اتسالىسسا بىتپەيتىن نە بار؟ اۋىل جاستارى فورۋمىندا وبلىس اكىمىنىڭ ورىنباسارى سەرىك بەكتۇر­عانوۆ جاستاردىڭ باستامالارى مەن بەلسەندىلىگى اسۋلارعا باستايتىنىن, مەملەكەت تاراپىنان اۋىلدى, اۋىل شارۋاشىلىعىن كوتەرۋگە جاسالىپ وتىرعان قامقورلىقتى تىلگە تيەك ەتتى. جاقىندا شىمكەنت قالاسىندا ءوت­كەن رەسپۋبليكالىق سلەتتە «اۋىل­دىڭ گۇلدەنۋى – قازاقستاننىڭ گۇلدە­نۋى!» رەسپۋبليكالىق مارافون-ەستا­فەتاسى بويىنشا قوستاناي وبلىسى جاستارى ەڭبەك وتريادىنىڭ قىزمەتىن ۇيلەستىرۋ شتابى ەڭ ۇزدىك دەپ تا­نىلدى. جازعى ەڭبەك ناۋقانىندا «جاسىل ەل» جوباسىنا ستۋدەنتتەردىڭ قۇرىلىس, ارحەولوگيالىق, ۆەت­ەري­نار­لىق, مەحانيكالاندىرىلعان وتريادتا­رى بەلسەنە قاتىستى. جازدا ەڭبەك وتريادتارى قۇرامىندا 3 مىڭ ستۋدەنت جاستار جۇمىس ىستەپ, ولار 120 ميلليون تەڭگەنىڭ جۇمىسىن يگەردى. ولار الەۋمەتتىك-قۇرىلىس نىساندارىندا, كۇزگى جيىن-تەرىن القاپتارىندا, جاز­عى بالالار لاگەرلەرىندە, «بيزنەس­تىڭ جول كارتاسى» شەڭبەرىندەگى ين­ۆەس­تيتسيالىق نىسانداردا ەڭبەك ەتتى. اۋىل جاستارى فورۋمىندا «اۋ­ىلدىڭ گۇلدەنۋى – قازاقستاننىڭ گۇلدەنۋى!» رەسپۋبليكالىق مارافون-ەستافەتاسىن جۇزەگە اسىرۋ شەڭ­بە­رىندە ەرەكشە تابىستارعا قول جەتكىزگەن مەڭدىعارا, اۋليەكول, تاران اۋ­داندارىنىڭ ۇيلەستىرۋ شتابتارى ءبىرىنشى, ەكىنشى, ءۇشىنشى ورىنداردى يە­لەندى. جۇلدەلى ورىندار بۇل اۋداندار شتابىنا بەكەر بەرىلگەن جوق. مىسالى مەڭدىعارا اۋدانىندا جاس­تاردىڭ 113 ەڭبەك وتريادى جۇمىس ىستەدى. ولاردىڭ قولىمەن «انا مەن بالا» اللەياسى, 2 بالالار الاڭى سا­لىن­دى. ونىڭ سىرتىندا 25 ەسكەرتكىش جوندەلدى, 30 ساياباق قالپىنا كەلتىرىلدى. مۇنداي ىستەر ءار اۋداننان تا­بىلادى. مىنە, جاستار جۇرگەن جەر وسىلاي كوركەيەدى. فورۋمعا قاتىسۋشىلار ۇلت كوش­باسشىسى نۇرسۇلتان نازارباەۆتىڭ «قازاقستان ناعىز پاتريوتتار ارقا­سىن­دا مىقتى, گۇلدەنگەن ەلگە اينا­لادى» دەگەن ءسوزىن قولدايتىندىعىن ءبىلدىردى. اۋىل جاستارىنىڭ فورۋمى «قارا جورعا» بيىمەن جانە «اتامەكەن» انىمەن اياقتالدى. ءنازيرا جارىمبەتوۆا. قوستاناي.