زەرتتەۋ ۋنيۆەرسيتەتتەرى – يننوۆاتسيالار باستاۋى

الماتىدا ءال-فارابي اتىنداعى قازاق ۇلت­تىق ۋنيۆەرسيتەتىندە قازاقستان تاۋەلسىزدىگىنىڭ 20 جىلدىعىنا وراي «زەرتتەۋ ۋنيۆەرسيتەتتەرىن قا­لىپ­تاستىرۋ جانە ولاردىڭ قازاقستان رەسپۋب­لي­كاسىنىڭ يننوۆاتسيالىق دامۋىنا قوساتىن ۇلەسى» تا­قىرىبىندا حالىقارالىق فورۋم ءوتتى. فورۋمنىڭ جۇمىسىن كىرىسپە ءسوز سويلەپ اشقان قازۇۋ رەكتورى عالىم مۇتانوۆ جوعارى وقۋ ور­نىن­دا زەرتتەۋ ۋنيۆەرسيتەتىن قا­لىپ­تاستىرۋ جانە بۇل باعىت­تاعى ىزدەنىستەر تۋرالى جان-جاقتى بايان­دادى. قازاقستاندا عىلىمي-زەرت­تەۋ ۋنيۆەرسيتەتىن قۇرۋ ءما­سەلەسى كۇن تارتىبىنە قويىلعان حالىق­ارا­لىق فورۋم­نىڭ تاۋەلسىز ەلى­مىزدىڭ جيىرما جىلدىعى قارسا­ڭىن­دا وتكىزىلۋى بىزدەر, عالىمدار ءۇشىن ۇلكەن مارتەبە.  مەملەكەت باسشىسى نۇرسۇلتان نازارباەۆ الەمدەگى باسەكەگە قابىلەتتى ەلۋ ەلدىڭ قاتارىنا ەنۋدەگى ەڭ باستى شارت – ءبىلىم مەن عىلىم جۇيەسىن­دەگى مازمۇندى وزگەرىستەرگە ءتاۋ­ەل­دى ەكەندىگىن اتاپ ايتقان بولا­تىن.  ەلىمىزدە جاس­تار­دىڭ ءبىلىم دەڭگەيىن ودان ءارى جەتىلدىرىپ, حا­لىقارالىق دەڭگەيدەگى ماماندار دايىنداۋدىڭ بۇگىنگى تاڭدا قا­جەت­تىلىگى زور. سوندىقتان دا, ءبىلىم ساپاسى جوعارى جاڭا ۋني­ۆەرسيتەتتى قۇرۋ قازاقستاندىق جو­عا­رى وقۋ ورىن­دارىنىڭ الەمدىك ءبىلىم كەڭىستىگى ينتەگراتسياسىنا باعىت­تالعان ماڭىزدى دامۋ سا­تى­سى بولىپ تابىلادى, دەدى عالىم مۇتانوۆ. الەمنىڭ وتىز ەلىنەن جۇزدەن استام عالىمدار, جوعارى ءبىلىم بەرۋ سالاسىنىڭ كورنەكتى قايرات­كەر­لەرى جانە IGIP,  IFEES,  SEFI,  COPEC  جانە وزگە دە حالىق­ارا­لىق ۇيىمداردىڭ وكىلدەرى مەن وتان­دىق جوو باسشىلارى قاتىس­قان جيىندا زەرتتەۋ ۋنيۆەرسيتەتىن قالىپتاستىرۋ مەن دامى­تۋ­داعى شەتەلدىك وزىق ءتاجى­ري­بەلەر كۇن تارتىبىنە قويىلدى. سونىمەن قاتار, يننوۆاتسيالىق قىزمەت پەن عا­لىم­داردىڭ عىلىمي-زەرتتەۋ, قۇ­راستىر­مالى تاجىريبەلەرىن جەتىلدىرۋ سياقتى وزەكتى ماسەلەلەر تالقىعا سالىندى. قا­زاق­ستانداعى كوشباسشى ۋنيۆەرسي­تەت­تەر­دىڭ ءبىرى بولىپ ەسەپتەلىنەتىن قازۇۋ ءبۇ­گىندە ۇلىبريتانيانىڭ «Quac­­du­arelli Symonds» اگەنتتىگىنىڭ رەيتينگى بوي­ىنشا الەمدەگى 700 ۇزدىك ۋنيۆەرسيتەتتىڭ ا­را­سىندا ەكى ءجۇز ور­ىنعا جوعارىلاپ, 401-450-ءشى دارەجەگە شىعۋى كوپ ءنار­سەدەن حابار بەرسە كەرەك. سونى­مەن قوسا,  حالىقارالىق ستان­­دارت­تارعا ساي كەلەتىن ءبىلىم باع­دارلامالارىنا كوشكەن قازۇۋ الەمدىك دەڭگەيدەگى زەرتتەۋ ۋنيۆەرسيتەتىن قۇ­رۋ­دا مەملەكەتتىك ما­ڭىزى بار ماسە­لە­لەر­دى شەشۋمەن اينالىسپاق. ارينە, مۇ­نىڭ ءوزى وقۋ ورنى عالىمدارىنان جو­عا­رى دەڭگەيدەگى بىلىكتىلىك پەن ىسكەرلىكتى تالاپ ەتۋمەن قاتار, ولارعا ۇلكەن جاۋاپكەرشىلىك جۇك­تەي­تىندىگى انىق. ءسوي­تىپ, ۋنيۆەرسيتەت عالىمدارى ەلدىڭ ەكو­نو­مي­كالىق دامۋىنا, الەۋمەتتىك قۇ­رىلىمى مەن عىلىمي ىلگەرىلەۋى باعى­تىن­داعى ءىس-شارالارعا ۇلەس قوسپاق. فورۋم جۇمىسىنا قاتى­سىپ, ءسوز العان اقش-تىڭ گارۆارد ۋنيۆەرسيتەتىنىڭ ازيا مەن كاۆ­كاز­دى زەرتتەۋ باعدارلا­ما­سىنىڭ ديرەكتورى دجون شوبەرلاين, اتا­تۇرىك ۋنيۆەرسيتەتىنىڭ رەك­تو­رى حيكمەت كودجاك جانە باسقا دا عالىم­دار ءال-فارابي اتىنداعى قازۇۋ-دە ءبىلىم بەرۋ دەڭگەيىنىڭ جوعارى تالاپقا ساي ەكەندىگىن تىلگە تيەك ەتىپ, كەلەشەكتەگى اۋقىم­دى جوبالارعا دا توقتالدى. حالىقارالىق فورۋم قوناق­تا­رى­نىڭ ءبىرى, وڭتۇستىك كورەياداعى كورەيا ۋنيۆەرسيتەتىنىڭ وكىلى, ەكو­نوميكا عى­لى­مىنىڭ دوكتورى لي مان ۋ-دىڭ پىكىرىنشە, «قازاق­ستان­دىق ستۋدەنتتەردىڭ ءبىلىمى ءبۇ­گىنگى كۇننىڭ جوعارى تالابىنا ساي بولۋى قۇپتارلىق ءجايت». فورۋم اياسىنداعى باسقوسۋلاردا قازاق­ستاندىق ءبىلىم جۇيەسىمەن كەڭىرەك تانىسقان عالىمدار ءال-فارابي اتىنداعى قازۇۋ كەلەشەكتە ىرگەلى زەرتتەۋلەرمەن جان-جاقتى اي­نا­لىساتىندىعىنا سەنىم ءبىلدىردى. فورۋمنىڭ پلەنارلىق جانە سەك­تسيالىق وتىرىسىندا ۋنيۆەرسي­تە­تتىڭ قالىپتاسۋى مەن دامۋىن­دا­عى شەتەلدىك تاجىريبەلەر, وقى­تۋ­شىلار مەن ستۋ­دەنت­تەردىڭ اكادە­مي­يالىق جۇمىلىسى, يننو­ۆاتسيا­لىق  قىزمەت پەن عالىمداردىڭ عى­­لىمي-زەرتتەۋ, قۇراستىرمالى-ءتاجى­ري­بە­لە­رىن جەتىلدىرۋ تۇستارى قاراستىرىلدى. ءال-فارابي اتىنداعى قازاق ۇلتتىق ۋنيۆەرسيتەتى ەلباسى تا­راپىنان قوي­ىل­عان الەمدىك دەڭ­گەيدەگى زەرتتەۋ ۋنيۆەرسيتەتىن قۇ­رۋدا مەملەكەتتىك ماڭىزى بار ءما­سەلەلەردى شەشۋمەن اينالى­سا­تىن­دىعى قۇپتارلىق ءجايت. ۋنيۆەرسيتەت حالىقارالىق ستان­دارت­تارعا ساي كەلەتىن ءبىلىم باعدار­لاماسىنا ورتالىق ازيا ايماعى بويىنشا ءبىلىم مەن عىلىمنىڭ جەتەكشى ورتالىعى رەتىندە بەلسەندى دامىپ, الەمدىك ءبىلىم كە­ڭىستىگىندە موي­ىن­دالىپ كەلەدى. بۇگىندە ۋنيۆەرسيتەتتە ەلىمىزدىڭ ءار ايماعىنان جانە الىس-جاقىن شەتەلدەن ون توعىز مىڭنان اسا ستۋدەنت ءبىلىم الۋدا. باقىت بالعارينا, الماتى.